រាជធានីភ្នំពេញ៖  ឯកឧត្តមខៀវ កាញារិទ្ធរដ្ឋមន្រ្តីក្រសួងព័ត៌មានកាលពីថ្ងៃតី២៤ខែមករាឆ្នាំ២០១៧ បានបញ្ជាទៅលោកអគ្គនាយកស្ថានីយ៍ទូរទស្សន៍ប៉ុស្តិ៍លេខ៣ឲ្យបញ្ឈប់ជាបន្ទាន់សម្រាប់កម្មវិធីរបស់វិទ្យុABC 3 spring ដែលបានចាកផ្សាយតាមកញ្ចក់ទូរទស្សន៍លេខ៣បន្ទាប់ពីមានប្រតិកម្មពីមហាជនទូទៅច្រើន។

យោងតាមលិខិតរបស់ឯកឧត្តមខៀវ កញារិទ្ធ ជូនលោក ខាំពូន កែវមុណីម្ចាស់ស្ថានីយ៍ប៉ុស្តិ៍លេខ៣រាជធានីភ្នំពេញដោយបានអះអាងថាបញ្ឈប់កិច្ចសហការផលិតកម្មវិធីរវាងស្ថានីយ៍វិទ្យុទូរទស្សន៍ប៉ុស្តិ៍លេខ៣ជាមួយស្ថានីយវិទ្យុABCកម្ពុជា FM107.50 MHz។

ឯកឧត្តម រដ្ឋមន្រ្តីបានលើកឡើងថាក្នុងការផលិតកម្មវិធីចម្រុះដើម្បីធ្វើការផ្សាយផ្ទាល់តាមកញ្ចក់ទូរទស្សន៍លេខ៣ រាជធានីភ្នំពេញ រយៈពេលបីម៉ោងក្នុងមួយថ្ងៃពីម៉ោង៦ដល់ម៉ោង៩ព្រឹក។ប៉ុន្តែបន្ទាប់ពីស្ថានីយទូរទស្សន៍លេខ៣រាជធានីភ្នំពេញ បានដំណើរការផ្សាយកម្មវិធីនេះមួយរយៈពេលខ្លីកន្លងមកនេះបានកើតមានប្រតិកម្មពីសំណាក់មហាជនជាច្រើនធ្វើការរិះគន់ទៅលើពិធីករពិធីការិនី កម្មវិធីចម្រុះABC 3 Spring ដែលបានប្រព្រឹត្តនូវអំពើពុំគប្បីដោយសម្តែងកាយវិកាមិនសមរម្យ ការប្រើប្រាស់ពាក្យសំដីខ្លះការប្រើពាក្យសំដីខ្វះសីលធម៌វិជ្ជាជីវៈជាអ្នកសារព័ត៌មាននិងបានប្រមាថមើលងាយអ្នកស្តាប់ក៍ដូចជាទស្សនិកជនក្នុងពេលកំពុងបំពេញភារកិច្ចរបស់ខ្លួនដែលធ្វើឲ្យប៉ះពាល់ដល់កិត្តិយសនិងសេចក្តីថ្លៃថ្នូរបស់ពិធីករ.ពិធីការិនីដទៃទៀនត៕

• រដ្ឋមន្រ្តី
• ក្រសួងព័ត៌មាន
• វិទ្យុABC
• ទូរទស្សន៍