ខេត្តបន្ទាយមានជ័យ៖   នៅព្រឹកថ្ងៃទី២៨ មេសា ឆ្នាំ២០១៦វេលាម៉ោង៨:៣០រហូតដល់ម៉ោង៤:៣៥នាទីកម្លាំងអធិការនគរបាលក្រុងប៉ោយប៉ែត ដឹកនាំដោយលោកវរៈសេនីទោអ៊ុំ សុផល អធិការ‌ក្រុង‌ប៉ោយប៉ែត‌នឹងលោកអនុសេនីឯក សៅ សារឿនប្រធានផ្នែកសន្ដាប់ចរាចរណ៍ លោកអធិការរងកំម្លាំងតាមផ្នែកជំនាញ កំម្លាំងប៉ុស្តិផ្សារកណ្តាល មេភូមិ និងកំម្លាំងប្រជាការពារភូមិចុះចែកទឹកជូនប្រជាពលរដ្ឋចំនួន២ភូមិគឺភូមិអូរឬស្សី បាន៦៩គ្រួសារ ភូមិអូរនាង បាន១២គ្រួសារ ស្ថិតក្នុង

សង្កាត់ផ្សារកណ្តាល ក្រុងប៉ោយប៉ែតដែលអត់មានទឹកប្រើប្រាស់ ។

ក្នុងនោះរថយន្តក្រុមហ៊ុនកាសីហ្គោដិន បានជួយទឹកចំនួន២ឡាន ស្មើ៣៤០០០លីត្រ ឡានទឹកនគរបាលក្រុង ១គ្រឿង បាន៣ជើងស្មើ៤៥០០លីត្រ ឡានអ៊ុយ អ៊ូ ២គ្រឿង បាន៦ជើង ស្មើ២៧០០០លីត្រ ឡានលោកអធិការ ទិញទឹកដោយចំណាយថវិការផ្ទាល់ខ្លួន បាន១០ជើងស្មើ៣៦៥០០០លីត្រ សរុបចំនួនទឹកទាំងអស់បាន២០២ ពាង ស្មើ ១០២០០០ លីត្រ។

ប្រជាពលរដ្ឋ‌មានការត្រេកអរសប្បាយចិត្តយ៉ាងខ្លាំង ដែរសមត្ថកិច្ចយកចិត្តទុកដាក់ចំពោះប្រជាពលរដ្ឋ ដែលរងនូវការកង្វះខាតទឹក នេះគឺជាការយកចិត្ត‌ទុកដាក់ពីអាជ្ញាធរទៅលើប្រជាពលរដ្ឋ។

• កម្លាំងអធិការនគរបាល
• ក្រុងប៉ោយប៉ែត