រាជធានីភ្នំពេញ៖  នេះជាដំណឹងថ្មីចុងក្រោយដោយពេលនេះនាយកុយតារាកំប្លែងចិត្តល្អនិងនាយហុងដាចិត្តទូលាយបានផ្តល់ឱកាសឲឃ្មឹបចូលក្រុមសម្តែងវិញដូចពីអតីតកាល។នេះពិតជាវាសនាមែនក្រោយភ្លៀងមេឃស្រឡះ។

មហាជនបានសម្តែងនូវភាពរីករាយដែលនាយកុយនិងហុងដាបានមូលមតិគ្នាឲឃ្មឹបបានចូលជាសមាជិកក្រុមកំប្លែងឡើងវិញដោយមិនប្រកាន់នៅរឿងអតីតឡើយដោយទុកឲឃ្មឹបខំសាងឈ្មោះឲល្អដើម្បីមហាជនគាំទ្រនិងស្រឡាញ់នាងហើយរវាងនាងនិងហុងដាជាមិត្តភាពចេះជួយគ្នាជារឿងសំខាន់ដោយមិនមែនជាគូស្នេហ៍៕

ក្រោយពីមានការដឹងថានាងឃ្មឹបប្រកាសសុំចូលលេងកំប្លែងវិញជាមួយក្រុមពូកុយទីដែលនាងធ្លាប់សាងឈ្មោះពេលនេះលោកពូកុយហៅជួងជីបានយល់ព្រមឲ្យសមាជិកចាស់នេះវិលមកវិញជាផ្លូវការ។អ្វីកាន់តែមានការអស្ចារ្យគឺនាងហុងដាដែលមើលមុខនាងឃ្មឹបមិនចំក៍មានការបើកចិត្តទូលាយហើយយល់ព្រមឲ្យអតីតភរិយារបស់ខ្លួនសម្តែងដោយមិនទើសទាល់នេះជាកាយវិការល្អមួយរបស់នាយហុងដាផងដែរ។ 

នាយកុយបានរំលឹកថាលោកមិនចង់បើកកកាយរឿងអតីតកាលរបស់នាយហុងដានិងឃ្មឹបទៀតទេកុំយករឿងអតីតកាលមកនិយាយសំខាន់នេះជារូបភាពថ្មីដែលត្រូវដោះស្រាយ។នាយកុយបាននិយាយក្នុងកិច្ចសម្ភាសន៍ជាមួយផេករបស់លោកហេង ឡុងជាគូស្នេហ៍របស់អ្នកនាងចន ច័ន្ទលក្ខិណាថាលោកសព្វថ្ងៃនេះសមាជិកក្នុងក្រុមមានចំនួន១០រូបហើយយើងបានសម្រេចចិត្តបញ្ចូលក្រុមម្នាក់ទៀតគឺនាងឃ្មឹបដែលជាអតីតតារាកំប្លែងរួមក្រុមដែរ។អ្វីដែលលោកមិនចង់បាននោះគឺលោកមិនចង់ឃើញអ្នកមានសមត្ថភាពកប់ចោលទៅក្នុងអណ្តូងឬនៅតែក្នុងអណ្តូងឡើយធាត់ពិតនាងឃ្មឹបគឺមានទេពកោសល្យល្អណាស់គាត់ចេះកំប្លែងពាក្យសំដីនិយាយកំប្លែងគឺល្អហើយចេះច្រៀងភ្លេងការសំឡេងប្រើការបានសំខាន់ឲ្យតែគាត់ខំនិងព្យាយាមម្តងទៀតនោះជាផ្លូវរបស់គាត់ដើរឡើងវិញហើយ។ក្នុងចំណោមសមាជិក១០រូបគឺតម្លៃសម្តែងម្តងៗមានក្នុងនោះរួចអស់ហើយដោយមិនបានកាត់យកមកឲ្យឃ្មឹបនោះទេគឺលោកយកចំណែកដែលជារបស់លោកផ្ទាល់ចែកឲ្យឃ្មឹបតែម្តងព្រោះលោកមិនចង់ឲ្យសមាជិកក្រុមមានសតិអារម្មណ៍ឬគិតមិនល្អ។

អ្វីដែលជាការណ៍យល់ឃើញលោកសប្បាយចិត្តដែលនាយហុងដាបានបើកចិត្តទូលាយទទួលយកនាងឃ្មឹប១០០%ជាសមាជិកក្រុមសម្តែងដោយមិនបានច្រានចោលឬបដិសេធនេះហើយគឺជាការចង់បានរបស់លោកដែរក្នុងការចង់ឃើញពួកគេទាំងពីរមានចិត្តត្រូវរ៉ូវគ្នាវិញដោយមិនមែនជាប្តីប្រពន្ឋទៀតទេតែយើងក៍ជាមិត្តភាពបងប្អូនសិល្បៈសម្តែងគឺសម្តែងជាមួយគ្នាឲ្យបានល្្អដូចពីមុននោះលោកសប្បាយចិត្តណាស់ទៅហើយ។តាមរយៈការវិលមកវិញរបសើនាងឃ្មឹបលោកសូមឲ្យបងប្អូនមេត្តាជួយគាំទ្រនាងឃ្មឹបឡើងវិញផងហើយលោកក៍រំពឹងថាក្រុមរបស់លោកនឹងលេចធ្លោបន្តទៀតក្រោយពេលនាងឃ្មឹបចូលក្រុមព្រោះអាចថាគ្រប់អស់ហើយសម្រាប់អ្នកមានទេពកោសល្យល្អរបៀបលេងកំប្លែងរបស់ក្រុមលោក។

យ៉ាងណាមិញនាងរ៉េន សុធារីហៅឃ្មឹបធ្លាប់តាំងចិត្តក្រោយប្រកាសចង់សម្តែងវិញថានាងពិតជាចង់សម្តែងកំប្លែងជាមួយក្រុមនាយកុយនិងជាមួយនាងហុងដាដោយនាងអះអាងថាមិនគិតអ្វីក្រៅពីសុំជានាជាបងប្អូនមិត្តភាពមិនចង់ក្លាយជាអ្វីក្រៅពីសាងសន្តិភាពជាមួយគ្នាឡើយ។មហាជនបានសមតែងការអបអរសារទរគ្រាដែលដឹងថាក្រុមពូកុយបានត្រូវរ៉ូវគ្នាឡើងវិញពិសេសនាងហុងដានឹងឃ្មឹបនិងរំពៃថាកាន់តែរួមគ្នាផ្តល់សំណើចចែកជូនអ្នកគាំទ្រជាបន្តទៀតផងដែរ។                                                

• ឃ្មឹប
• ហុងដា
• សមាជិក