រាជធានីភ្នំពេញ៖   បុរស២នាក់បានស្លាប់បាត់បងជីវិតនៅហ្នឹងកន្លែង និងម្នាក់ផ្សេងទៀតត្រូវរងរបួសធ្ងន់ធ្ងរបញ្ចូនទៅសង្គ្រោះ បន្ទាប់ពីពួកគេទាំង៣នាក់ ជិះម៉ូតូ២គ្រឿងផ្សេងគ្នា បើកបរក្នុងល្បឿនលឿនដូចគ្នា និង ក្នុងទិសដៅបញ្ច្រាសគ្នាមិនប្រយ័ត្នរេចង្កូតជ្រុលបុកគ្នាចំពីមុខពេញទំហឹង ។ ហេតុការណ៍គ្រោះថ្នាក់ចរាចរណ៍នេះកើតឡើង កាលពីវេលាម៉ោង ២២ និង ២០នាទីយប់ថ្ងៃទី ២០ ខែវិច្ឆិកា ឆ្នាំ២០១៦ ស្ថិតនៅភូមិគោកអណ្តែត ឃុំស្អាងភ្នំ ស្រុកស្អាង ខេត្តកណ្ដាល ។

ជនរងគ្រោះទាំង៣នាក់ ទី១មានឈ្មោះនី និត ភេទប្រុស អាយុ៣១ឆ្នាំ មុខរបរកសិករ ( ស្លាប់ ) ទី២មានឈ្មោះមាំង ផល ភេទប្រុស អាយុ៤៣ឆ្នាំ មុខរបរកសិករ មានទីលំនៅភូមិទួលក្រាំង ឃុំក្រាំងយ៉ូវ ស្រុកស្អាង ខេត្តកណ្ដាល ( ស្លាប់ ) និងម្នាក់ទៀតមានឈ្មោះសារូ សារ៉ន ភេទប្រុស អាយុ២៩ឆ្នាំ មុខរបរកសិករ មានទីលំនៅភូមិ ឃុំមានទីលំនៅភូមិអង្គស្វាយចេក ឃុំចារ ស្រុកព្រៃកប្បាស ខេត្តតាកែវ ( របួសធ្ងន់ ) ។

ប្រភពព័ត៌មានអោយដឹងថា នៅមុនពេលកើតហេតុ ឈ្មោះ មាំង ផល បានជិះម៉ូតូមួយគ្រឿងម៉ាកហុងដាគ្រីស ពណ៌ក្រហម ពាក់ស្លាកលេខ ក៦៥៨៦.ភព១ ជិះធ្វើដំណើរតែម្នាក់ឯងក្នុងសភាពស្រវឹង និងក្នុងល្បឿនយ៉ាងលឿន លុះមកដល់ចំណុចកើតហេតុខាងលើ ក៏បានជ្រុលល្បឿនរេចង្កូតបុកផ្ទប់នឹងម៉ូតូមួយគ្រឿងទៀតម៉ាកហុងដាឌ្រីមសេ១២៥ ស៊េរីឆ្នាំ២០១១ ពណ៌ខ្មៅ ពាក់ស្លាកលេខ 1AW-1943 បើកបរដោយឈ្មោះនី និត រួមដំណើរដោយឈ្មោះ សារូ សារ៉ន ក្នុងទិសដៅបញ្ច្រាសគ្នា ចំពីមុខពេញទំហឹង បណ្តាលអោយអ្នកបើរបរម៉ូតូទាំង២គ្រេឿង ត្រូវបោកក្បាលស្លាប់នៅហ្នឹងកន្លែង ដោយឡែកបុរសជាអ្នករួមដំណើរពីក្រោយម្នាក់ទៀតត្រូវរងរបួសធ្ងន់ ។ ចំណែកម៉ូតូទាំង២គ្រេឿងត្រូវរងការខូចខាតផ្នែកខាងមុខ ។ ភ្លាមៗបុរសដែលរងរបួស ត្រូវប្រជាពលរដ្ឋជួយដឹកបញ្ចូនទៅសង្គ្រោះ នៅមន្ទីរពេទ្យបង្អែក។

ក្រោយកើតហេតុ នគរបាលជំនាញចុះអន្តរាគមន៍ធ្វើការវាស់វែង អូសយកម៉ូតូទាំង២គ្រេឿងទៅរក្សាទុកនៅ អធិការដ្ឋាននគរបាលស្រុក រងចាំដោះស្រាយតាមនីតិវិធី នៅពេលក្រោយ ។ ដោយឡែកសព ជនរងគ្រោះទាំង២ ត្រូវបានទំនាក់ទំនងទៅសាច់ញាតិអោយមកទទួលយកទៅធ្វើបុណ្យតាមប្រពៃណី ៕                       

• ហុងដាគ្រីស
• ពន្លះគ្នា
• ហុងដាឌ្រីម
• ស្លាប់
• របួសធ្ងន់