រាជធានីភ្នំពេញ៖  ឯកឧត្តម កឹម សុខា ប្រធានគណបក្សសង្រ្គោះជាតិបានថ្លែងនៅក្នុងសមាជថ្ងៃទី២៥ខែមេសាឆ្នាំ២០១៧ពលរដ្ឋទូទាំងប្រទេសគាំទ្រគណបក្សសង្រ្គោះជាតិដោយបានដាក់បេក្ខជនគ្រប់ឃុំសង្កាត់១៦៤៦ឃុំសង្កាត់។គណបក្សប្រឆាំងក្រៅរដ្ឋាភិបាលលើកដំបូងដែលបានរៀបចំបញ្ជីឈ្មោះបេក្ខជនគ្រប់ឃុំសង្កាត់ដែលមានការជ្រើសរើសត្រឹមត្រូវ។

ឯកឧត្តម កឹម សុខា បានលើកឡើងថា”គណបក្សសង្រ្គោះជាតិត្រូវតែការពារសន្លឹកឆ្នោតជូនប្រជាពលរដ្ឋនិងត្រូវការភ្នាក់ងារជាង៤០,០០០នាក់”។ឯកឧត្តមបានលើកឡើងថាគណបក្សសង្រ្គោះជាតិកំពុងធ្វើដំណើរទៅរកការបោះឆ្នោតដើម្បីការផ្លាស់ប្តូរតាមរយៈការបោះឆ្នោត។មិនជ្រើសរើសការធ្វើសង្រ្គាមបង្ហូរឈាមទេ។ការបោះឆ្នោតសម្រាប់ការផ្លាស់ប្តូរដោយវិជ្ជមាននៅកម្ពុជា។

ឯកឧត្តមប្រធានបានលើកឡើងថាគ្មាននរណាម្នាក់អាចមកផ្លាស់ប្តូរស្មារតីរបស់ប្រជាពលរដ្ឋបានទេព្រោះពលរដ្ឋបានស្រេចចិត្តរូចហើយ។ការបោះឆ្នោតមានចាញ់មានឈ្នះតែយើងមិនអាចធ្វើរដ្ឋប្រហារឬបដិវត្តន៍ទេ។យើងធ្វើដើម្បីប្រទេសជាតិនិងពលរដ្ឋយើងនិងមិនយកខ្មែរណាម្នាក់ជាសត្រូវឡើយ។

ឯកឧត្តមប្រធានបានលើកឡើងថា នៅពេលណាគណបក្សសង្រ្គោះជាតិជាឈ្នេះគ្មានសង្រ្គាមទេ។គណបក្សសង្រ្គោះជាតិឈ្នះមិនដកហូតដីធ្លីពីអ្នកក្រឬអ្នកមាននោះទេ។ឯកឧត្តមបន្តថា”គណបក្សសង្រ្គោះជាតិមិនដើមកំណើតពីបដិវត្តន៍ឬសង្រ្គាមនោះទេ។រឿងខ្លះគេធ្វើបានតែយើងធ្វើមិនបាន។មានពាក្សសម្តីខ្លះគេនិយាយបានយ៉ាងសេរីយើងនិយាយមិនបាន។យើងកែប្រែសេក្តីទុក្ខទៅសេចក្តីចំរើន។ទៅជាតែយើងប្រកាន់អហិង្សាអត់ធ្មត់។គណបក្សសង្រ្គោះជាតិប្រកាន់យកលទ្ធិប្រជាធិបតេយ្យសេរីនិយម។

ឯកឧត្តមកឹម សុខាបានបញ្ជាក់ថា ”គណបក្សសង្រ្គោះជាតិមិនមានចេញមកពីសង្រ្គាមទេ។យើងមិនមែនប្រភពមកពីធ្វើសង្រ្គាមទេហើយនៅពេលគណបក្សសង្រ្គោះជាតិឈ្នះមិនមានភាពវិជ្ជមាននោះទេ។ខ្មែររួបរួមគ្នាខ្មែរឈ្នះ ខ្មែរឯកភាពជាតិ ខ្មែររួបរួម”។

ឯកឧត្តកឹម សុខាបានលើកឡើងថា ”គេថាយើងបែកបាក់គ្នាហើយតែមិនបែកទេបងប្អូន”។ឯកឧត្តមអះអាងថាលោកត្រូវតែដោះស្រាយក្នុងនាមជាអ្នកដឹកនាំ។នៅពេលនេះឯកឧត្តមបានជួបជាមួយមន្រ្តីប្រទេសមហាអំណាចបន្តបន្ទាប់។យើងត្រូវយកឲ្យបាននូវចំណុចវិជ្ជមានតែមានការលំបាកបន្តិចហើយ។ការប្រកួតនេះគេចង់បានអ្វី ហើយចង់បានអ្វី។

ឯកឧត្តម អេង ឆៃអ៊ាងបានអាននូវលក្ខន្តិកៈរបស់គណបក្សសង្រ្គោះជាតិដោយបានកែប្រែលក្ខន្តិកៈដោយឲ្យអង្គសមាជអនុម័តដោយលើកដៃ។                                                  

• កឹម សុខា
• គណបក្ស
• សង្រ្គោះជាតិ