រាជធានីភ្នំពេញ៖  គ្លីនិកដែលល្បីតារាទៅ កែសម្ផស្សច្រើន ប្រកាសបើកសាខាថ្មីនៅសៀមរាប វិនិយោគទុនជាង១លានដុល្លារបន្ទាប់ពីទទួលភាពជោគជ័យខ្លាំងនៅរាជធានីភ្នំពេញជាច្រើនឆ្នាំ មជ្ឈមណ្ឌលកែសម្ផស្ស ឌែរម៉ូគ្លីនិក ដែលជាគ្លីនិកមួយល្បីថាមានតារាៗឧស្សាហ៍ទៅថែរក្សាសម្ផស្សក៏ដូចជាកែសម្ផស្សច្រើននោះ បានប្រកាសបើកសាខាថ្មីរបស់ខ្លួនមួយទៀត នៅ ខេត្ត សៀមរាប ក្រោមទុនវិនិយោគជាង១លានដុល្លារ។

ការប្រកាសនេះបានធ្វើឡើង កាលពីថ្ងៃទី១០ ខែ មេសា ឆ្នាំ ២០១៨ កន្លងទៅនៅទឹកដីខេត្តសៀមរាប គ្រាដែលម្ចាស់គ្លីនិកខាងលើ ធ្វើពិធីក្រុងពាលីជួសជុលសាងសង់លើផ្ទះវីឡាមួយកន្លែង និងយកអំណោយមួយចំនួនទៅចែកដល់ពលរដ្ឋក្រីក្រជិត១០០ គ្រសារ។ តាមការលើកឡើងពីអ្នកស្រី ហូវ ដាណេ  អគ្គនាយិកាមជ្ឈមណ្ឌលកែសម្ផស្ស ឌែរម៉ូគ្លីនិក  វត្តមាន"ឌែរម៉ូគ្លីនិក" លើទឹកដីសៀមរាបនេះ ក៏ព្រោះតែអ្នកស្រីបានសម្លឹងឃើញថា ប្រជាជនក្នុងខេត្តមួយនេះមានសេដ្ឋកិច្ចធូរធារខ្លាំង រស់នៅបែបស៊ីវិល័យមិនចាញ់អ្នកនៅរាជធានីភ្នំពេញនោះឡើយ ហើយម្យ៉ាងទៀតដោយមានសំណូមពរច្រើនពីអតិថិជនច្រើនអ្នកស្រីក៏សម្រេចបើកតែម្ដង។

ការបើក"ឌែរម៉ូគ្លីនិក" លើទឹកដីសៀមរាបនេះអ្នកស្រី អ្នកស្រី ហូវ ដាណេ បានលក់សិទ្ធិទៅអ្នកស្រី គង់ សុត្រាវី ដែលជាអ្នកជំនួញធំមួយនៅខេត្តសៀមរាប។ តាមការបង្ហើបទាំងផ្ទះវីឡាដែលជាកម្មសិទ្ធិផ្ទាល់ខ្លួន បូកទាំងការរៀបចំបំពាក់ឧបករណ៍ទំនើបៗផងនោះ មានតម្លៃជាង១លាន ដុល្លារឯណោះ។

ការសម្រេចទិញសិទ្ធនេះ អ្នកស្រី គង់ សុត្រាវី  បញ្ជាក់ប្រាប់ថា ក៏ព្រោះតែអ្នកស្រីបានឃើញពីភាពល្បីល្បាញ និង ការផ្ដល់សេវា ប្រកបដោយស្តង់ដារ របស់ ឌែរម៉ូគ្លីនិកកន្លងមក ហើយគិតថាប្រសិនបើបើកនៅសៀមរាបច្បាស់ជាមានការគាំទ្រច្រើនជាក់ជាមិនខាន ព្រោះនៅខេត្តមួយនេះមិនទាន់មានគ្លីនិកកែសម្ផស្សស្តង់ដារនៅឡើយ។

បន្ទាប់ពីធ្វើការជួសជុល និងនាំមកឧបករណ៍មកបំពាក់ "ឌែរម៉ូគ្លីនិក"សាខានៅសៀមរាប និង បើកសម្ពោធក្នុងអំឡុង៣ខែបន្ទាប់។ ទីតាំងនិងការបំពាក់ឧបករណ៍ក៏ដូចជា គ្រូពេទ្យជំនាញ អ្នកស្រី ហូវ ដាណេ បញ្ជាក់ប្រាប់ថា មិនចាញ់ ឌែរម៉ូគ្លីនិកនៅភ្នំពេញឡើយ។

បូកទាំងសាខានៅសៀមរាបនេះ គឺជាសាខាទី៤ហើយ របស់ "ឌែរម៉ូគ្លីនិក" បន្ទាប់ពីបង្កើតទាំងពីឆ្នាំ២០១០មក សាខា៣ផ្សេងទៀតមគឺនៅភ្នំពេញ មាន ឌែរម៉ូគ្លីនិក ទួលគោក ឌែរម៉ូគ្លីនិក ផ្សារចាស់ និង ឌែរម៉ូគ្លីនិក ដេអិន។គ្លីនិកមួយនេះ ត្រូវបានគេដឹងថា មានសិល្បករសិល្បៈការិនីល្បីៗឈ្មោះជាច្រើនទៅ ទទួលសេវាកម្មជាច្រើនផងដែរ ប៉ុន្តែឈ្មោះតារាទាំងនោះ មិនត្រូវបានម្ចាស់គ្លីនិកមួយនេះទម្លាយឲ្យដឹងឡើយ ព្រោះបើបញ្ចេញជាសាធារណៈនាំឲ្យខុសវិជ្ជាជីវៈ។

តាមរយៈការចាប់ដៃក្រោយទុនវិនិយោគខ្ទង់លានដុល្លារ ស្ត្រីអ្នកជំនួញល្បីឈ្មោះទាំង២ខាលើ បានសម្ដែងភាពជឿជាក់ថា ឌែរម៉ូគ្លីនីកសាខាសៀមរាប និង ទទួលភាពជោគជ័យយ៉ាងត្រចះត្រចង់ជាក់ជាមិនខាន។

សូមបញ្ជាក់ផងដែរថា មជ្ឈមណ្ឌលកែសម្ផស្ស ឌែរម៉ូគ្លីនីក  មានសេវាកម្មកែសម្ផស្សធំៗចំនួន៤ ទី១ ការព្យាបាលជំងឺសើស្បែកគ្រប់ប្រភេទដោយផលិត។ ទី២ ផលការព្យាបាលជំងឺសើស្បែកគ្រប់ប្រភេទដោយម៉ាស៊ីននិងឱសថ។ ទី៣ ការកែសម្ផស្សដោយមិនវះកាត់។ ទី៤ កែសម្ផស្សដោយការវះកាត់។

ក្រៅពីក្រុមគ្រូពេទ្យ និងអ្នកជំនាញផ្នែកកែសម្ផស្សពោរពេញដោយសមត្ថភាពខ្ពស់និងបទពិសោធន៍ក្នុងប្រទេស គ្លីនីក បានសហការជាមួយ គឺគ្លីនិក MEGA ដ៏ល្បីរបស់កូរ៉េខាងត្បូង និងគ្លីនិក Stem Cell ដ៏ធំរបស់ប្រទេសថៃ ដើម្បីផ្ដល់សេវាកម្មកែសម្ផស្សមានគុណភាពដ៏សម្បូរបែបសម្រាប់អតិថិជន ជាមួយនឹងតម្លៃសមរម្យ។ ជាមួយគ្នានោះដែរ  មជ្ឈមណ្ឌលកែសម្ផស្ស ឌែរម៉ូគ្លីនីក ក៏បាននាំចូលផលិតផលថែរក្សាសម្ផស្សជាច្រើនប្រភេទ មកលក់ក្នុងតម្លៃសមរម្យផងដែរ៕                                   

• ថៅកែ
• សៀមរាប
• មនុស្សធម៌