រាជធានីភ្នំពេញ៖  ទស្សនិកជនជាច្រើនបានហ៊ោរកញ្ជៀវជាមួយតារាល្បីៗក្រោយបានសម្តែងនិងបញ្ចេញក្បាច់រាំយ៉ាងរស់រវើកគួរឲទាក់ទាញទាំងខ្មែរនិងកូរ៉េ។    ពេជ្រ សោភានិងតារាចម្រៀងកូរ៉េរួមគ្នាច្រៀងរៃអង្គាស់ប្រាក់ដើម្បីមនុស្សធម៌ ។ 

អ្នកនាងពេជ្រ សោភានិងតារាចម្រៀងកូរ៉េស្រស់ស្អាតជាច្រើនព្រមទាំងបណ្តាសិល្បករស្មគ្រ័ចិត្តជាច្រើនដួងទៀតបានពួតដៃគ្នាសម្តែងនិងច្រៀងរាំបញ្ចេញក្បាច់ចែកជូនទស្សនិកជនក្នុងន័យស្វែងរកថវិការមួយចំនួនជួយមន្ទីរពេទ្យគន្ឋបុប្ឋានិងបណ្តាកិច្ចការមនុស្សធម៌ផ្សេងទៀតក្រោមការរៀបចំរបស់ក្រុមការងារ។  ការប្រគំតន្ត្រីបែបកន្ត្រាក់អារម្មណ៍អ្នកទស្សនានេះបានផុសឡើងនៅបរិវេនទីលានប្រជាធិបតេយ្យរាជធានីភ្នំពេញក្រោមការផ្សាយបន្តផ្ទាល់របស់ស្ថានីយ៍ទូរទស្សន៍NTV។តន្ត្រីនេះប្រារព្ឋឡើងរយៈពេល២ថ្ងៃចាប់ពីថ្ងៃទី១៨ និង១៩ កុម្ភៈ ឆ្នាំ២០១៧កន្លងទៅ។  កម្មវិធីនេះមានវត្តមានគណៈអធិបតីមួយចំនួនដូចជាលោកសាម៉ន បណ្ឌិត្យអគ្គនាយករងស្ថានីយ៍ទូរទស្សន៍NTV លោកSUNG MAN KIMប្រធានកម្មវិធីសប្បុរធម៌សុបិន្តនៃក្តីស្រឡាញ់សម្រាប់អនាគតកុមារជាតំណាងក្រុមនុស្សធម៌មកពីប្រទេសកូរ៉េ លោកគីម ម៉ាន់ស៊ុងអ្នករៀបចំកម្មវិធីប្រគំតន្ត្រីផងដែរ។ 

លោកសាម៉ន បណ្ឌិត្យអគ្គនាយករងស្ថានីយ៍ទូរទស្សន៍នាគព័ន្ឋNTVបានលើកឡើងថាសម្រាប់ឱកាសការប្រគំតន្ត្រីរយៈពេល២ថ្ងៃ(១៨និង១៩កុម្ភៈ)នេះធ្វើឡើងសម្រាប់ប្រមូលថវិការជួយដល់មន្ទីរពេទ្យគន្ឋបុប្ឋាផងនិងជួយដល់ការងារសប្បុរធម៌ក្នុងសង្គមយើងផងដែរ។ ដូចនេះជាការជាក់ស្តែងយើងពិតជារីករាយដែលបណ្តាសិល្បករទាំងខ្មែរនិងកូរ៉េព្រមទាំងក្រុមការងារទាំងអស់បានពួតដៃគ្នាសម្តែងញាំងឲកម្មវិធីប្រព្រឹត្តទៅតានលំដាប់លំដោយទោះជាមានចំនុចខ្វះខាតខ្លះក៍ដោយក៍ក្រុមការងារនៅតែប្រយុទ្ឋតស៊ូបំពេញមិនឲមានចន្លោះឡើយ។ 

លោកអគ្គនាយករងស្ថានីយ៍ទូរទស្សន៍រូបនេះបន្តថាយើងបានសហការជាមួយសាលារាជធានីភ្នំពេញ ក្រសួងព័ត៌មាន អាជ្ញាធរជាតិប្រញាំងគ្រឿងញៀននិងខាងចរាចរណ៍ផ្លូវគោកបានផ្សព្វផ្សាយការងារទាំងនេះផងដែរព្រោះការប្រគំតន្ត្រីក្រៅកត់ទិសដៅរៃអង្គាស់ប្រាក់តិចក្តីច្រើនក្តីពីទស្សនិកជនក៍បានផ្តោតលើការអប់រំស្តីពីគ្រឿងញៀនដែលត្រូវជៀសវាងព្រមទាំងការគោរពច្បាប់ចរាចរណ៍ផ្លូវគោកជាសំខាន់ដែរដល់ប្រជាពលរដ្ឋទូទៅ។សម្រាប់រយៈពេល២ថ្ងៃតារាៗដែលស្មគ្រ័ចិត្តចូលរួមសម្តែងរួមមានពេជ្រ សោភា យូរី នេនទុំ លោកគីម ថាណា DJ8 តារាកូរ៉េពីរក្រុមរួមមានក្រុមWisdomនិងក្រុមBillion K-POPដោយតារាកូរ៉េទាំងនោញសុទ្ឋតែបានសម្តែងការពេញចិត្តសម្តែងជួយរកប្រាក់ជូនដល់មន្ទីរពេទ្យគន្ឋបុប្ឋាដោយចិត្តស្មោះមិនខ្លាចហត់នឿយក្រោមការសហការពីទូរទស្សន៍អិនធីវី។

• ពេជ្រ សោភា
• ស្នាដៃ
• មនុស្សធម៌