ប្រធានាធិបតីអាមេរិកដូណាលត្រាំ បានទទូលស្វាគមន៍ប្រធានាធិបតី ចិន ស៊ីជីងពីង នៅ តំបន់​ Resort Mar a Lago  ក្នុងបរិយាកាសស្និតស្នាល បំផុត  ក្នុងជំនួបតំបូង​បង្អស់ បញ្ចប់ភាពតានតឹង តាំងពីលោកត្រាំឡើងកាន់តំណែងមកទលពេលនេះ។

ការទទួលស្វាគមន៍​ប្រធានាធិ​បតីចិន នៅក្នុងតំបន់ ដែលប្រធានាធិបតីមុនៗធ្លាប់ បានធ្វើ  ដោយឲ្យឈ្មោះថា សេតវិមានរដូវរងាស្ថិតនៅក្នុងរដ្ឋ Florida  ។ជំនួបខាងលើធ្វើឡើងនៅរសៀលថ្ងៃទី​៦ខែមេសា (ត្រូវនិងថ្ងៃទី​៧ខែ មេសា )។

នេះជាលើកទីមួយហើយដែលមេដឹកនាំទាំងពីរជួបពិភាក្សាគ្នា ក្រោយការបោះឆ្នោតអាមេរិក​ ហើយលោកត្រាំតែងតែរិះគន់​ សកម្មភាពរបស់ចិន ។

លោក​ Matt Pottinger ​អ្នកឯកទេស ស្តីពីតំបន់អាស៊ី របស់សេតវិមា​ន ដែលមានតួនាទី​ឡើងគម្រោងឲ្យជំនួបរបស់មេដឹកនាំមហាអំណាចសេដ្ឋកិច្ច​ទាំងពីរ បានឲ្យដឹងថា  មេដឹកនាំទាំងពីរ បានជួបពិភាក្សាគ្នាក្នុងបរិយកាស រីករាយ​ បើទោះបីមានគំនៀបពីអាមេរិកក្តី។

លោកត្រាំមានប្រសាសន៍ពេលធ្វើដំណើរទៅកាន់ រដ្ឋហ្ល័រីដា ថា​ បញ្ហាសំខាន់ៗដែលត្រូវពិភាក្សានោះមាន កម្មវិធីបរមាណូរបស់កូរ៉េខាងជើង  និង វស័យពាណិជ្ជកម្មជាមួយចិន​។​

អ្នកឯកទេសវិភាគរបស់ចិន បានលើកឡើងថា ភាគីអាមេរិក ជាអ្នកខាតបង់ច្រើនជាងគេ ប្រសិនបើ ប្រធានាធិបតីត្រាំ​ ជម្រុញឲ្យមានសង្គ្រាមពាណិជ្ជកម្មរវាងប្រទេសទាំងពីរនោះ។

ជំនួបរវាងមេដឹកនាំ អាមេរិកចិន មានសារសំខាន់យ៉ាងខ្លាំង ដោយអាចកំណត់ជោគវាសនា ពិភពលោក បាន ទាំងនោះហើយ ទើបប្រព័ន្ធផ្សព្វផ្សាយធំៗនៅលើពិភពលោកបានចាប់អារម្ភយ៉ាងខ្លាំងនៅដំណើរទស្សនកិច្ចរបស់ប្រធានាធិបតីចិនទៅកាន់អាមេរិក។

ប្រសិនបើមេដឹកនាំប្រទេសទាំងពីរមិនចុះសម្រុងនឹងគ្នានោះទេ វិវាទ នៅក្នុងតំបន់អាស៊ីកាន់តែខ្លាំងឡើង​ ហើយប្រទេសតូចៗនៅក្នុងតំបន់ប្រាកដជារងផលប៉ះពាល់ជាមិនខានឡើយ។

• កិច្ចពិភាក្សា
• អាមេរិក
• ចិន