រដ្ឋាភិបាលទីក្រុងព្យុងយ៉ាងធ្លាប់បានលើកឡើង នាពេលកន្លងមកថា កម្មវីធីអាវុធរបស់ប្រទេសនេះកើតឡើងដោយសារតែអាមេរិក និងកូរ៉េខាងត្បូងជាអ្នកបង្ខំឲ្យកូរ៉េខាងជើងចាំបាច់ត្រូវតែបង្កើនការផលិតអាវុធ​ដោយសារតែប្រទេសទាំងពីរនៅមានបំណងចង់គ្រប់គ្រងកូរ៉េខាងជើងដដែលតាមរយៈការធ្វើសមយុទ្ធ។

កន្លងមករដ្ឋាភិបាលចិនក៏បានស្នើរដល់អាមេរិក ផងដែរថា ភាគីទាំងពីរ ត្រូវអង្គុយតុពិភាក្សាគ្នាហើយភាគីអាមេរិកកូរ៉េខាងត្បូងត្រូវបញ្ចប់ការធ្វើសមយុទ្ធជាការដោះដូរកូរ៉េខាងជើងត្រូវបញ្ចប់កម្មវិធីអាវុធ មីស៊ីលនិងបរិមាណូរបស់ខ្លួនផងដែរ។ ប៉ុន្តែ ភាគីអាមេរិកនិងកូរ៉េខាងត្បូង មិនយលព្រម ហើយកូរ៉េខាងជើង ក៏មិនព្រមឈប់ កម្មវិធីអាវុធនិងសាកល្បងនោះដែរ។

រដ្ឋាភិបាលកូរ៉េខាងជើងធ្លាប់បានលើកឡើងថា ភាពគ្រោះថ្នាក់មិនមែនស្ថិតនៅលើកូរ៉េខាងជើងនោះឡើយគឺស្ថិតនៅលើអាមេរិកនិងកូរ៉េខាងត្បូង។កូរ៉េខាងជើងក៏បានជំរុញឲ្យអង្គការសហប្រជាជាតិ គូរយកចិត្តទុកដាក់ទៅនឹងអ្វី ​ដែលខ្លួនចាត់ទុកថា មានគ្រោះថ្នាក់ពីធ្វើសមយុទ្ធយោធា របស់សហរដ្ឋអាមេរិក និងសម្ព័ន្ធមិត្តកូរ៉េខាងត្បូង ថា សម្ព័ន្ធមិត្តទាំងពីរ ​បានបង្កការគំរាមកំហែង ដល់សន្តិភាព និងសន្តិសុខពិភពលោក នេះបើយោងតាមការចុះផ្សាយ របស់ទីភ្នាក់ងារសារព័ត៌មានយុនហាប់។

យោងតាមការចុះផ្សាយរបស់ភ្នាក់ងារសារព័ត៌មានរដ្ឋ កូរ៉េ KCNA បានឲ្យដឹងថា នោះជាការលើកឡើងនិងស្នើរបស់តំណាងប្រទេសកូរ៉េខាងជើង លោក ចា សុងណាំ ទៅកាន់អង្គការសហប្រជាជាតិ ដែលបានធ្វើបណ្តឹងឧទ្ធរណ៍ នៅក្នុងលិខិត ដែលលោកបានផ្ញើទៅកាន់ អគ្គលេខាធិការអង្គការ សហប្រជាជាតិលោក Antonio Guterres ។

ប្រទេសកូរ៉េខាងត្បូង និងសម្ព័ន្ធមិត្តសហរដ្ឋអាមេរិក បានរួមគ្នាធ្វើសមយុទ្ធយោធា ប្រចាំឆ្នាំរយៈពេល ២ខែ ចាប់ថ្ងៃទី០១ ​ខែមិនា ដែលធ្វើឲ្យមានការខឹងសម្បារ ពីសំណាក់ប្រទេសផ្ដាច់ការកូរ៉េខាងជើង ថែមទាំងបានធ្វើតេស្ដ គ្រាប់មីស៊ីលផ្លោងរបស់ខ្លួន ជាច្រើនគ្រាប់ ទៀតផង ប៉ុន្ដែការធ្វើតេស្ដលើកចុងក្រោយ របស់ប្រទេសមួយនេះ ត្រូវទទួលបរាជ័យ៕

• បរិមាណូ
• មីស៊ីល
• កូរ៉េខាងជើង
• អាមេរិក