|
 |
MENU
|
|
|
|
MENU
|
ប៉ូលិសបែលហ្សិច បានចាប់ខ្លួនជនសង្ស័យ ដែលមានគម្រោង បើករថយន្តបុកហ្វូងមនុស្ស នៅទីក្រុង Antwerp ភាគខាងជើង ប្រទេសនេះហើយក៏បានរឹបអូសកាំភ្លើងនិងអាវុធជាច្រើនទៀតនៅក្នុងរថយន្ត ។
លោក Serge Muyters ស្នងការប៉ូលិសនៅទីក្រុង Antwerp បានបញ្ចាក់ថ«រថយន្តមួយគ្រឿងបានព្យាយាមបើកបុកហ្វូងមនុស្ស ដោយបើកក្នុងល្បឿនលឿន នៅក្នុងតំបន់ Meir ធ្វើឲ្យអ្នកធ្វើដំណើរ លោតចៀសរថយន្ត ។
ហេតុការខាងលើកើតឡើងនៅវេលាម៉ោង១១ថ្ងៃទី២៣ខែមីនា ដោយជនល្មើសមានឈ្មោះ Mohamed R អាយុ៣៩ឆ្នាំជនជាតិបារាំងដើមកំណើតអាហ្វ្រិកបច្ចុប្បន្នរស់នៅក្នុងប្រទេសបារាំង។ប៉ុលិសបានបញ្ចាក់ថា បារកឃើញកាំភ្លើងកាំបិទសារធាតុរាវនៅក្នុងដប់មិនទាន់បញ្ចាក់ថាជាសាធាតុអ្វីឡើយ។
លោក Serge Muyters បានបញ្ចាក់ថថា កម្លាំងប៉ូលិសប៊ែលហ្សិកសង្ស័យក៏បានឲ្យរថយន្តខាងលើឈប់ ប៉ុន្តែរថយន្តនោះមិនព្រមឈប់ឡើយដោយបើកឆ្លងកាត់ភ្លើងស្តុបក្រហមទៀតផងធ្វើឲ្យកម្លាំងប៉ូលិសត្រូវតែដេញតាមបង្ខំឲ្យឈប់រថយន្ត។
មន្ត្រីប៉ូលិសបានឲ្យដឹងថា សន្តិសុខត្រូវបានរិតបន្តឹងនៅទីក្រុង Antwerp ដោយដាក់ពង្រាយកម្លាំងប៉ូលិសនិងទាហានរួមទាំងកម្លាំងដោះមីនទៀតផង។
ហេតុការខាងលើកើតឡើងចំពេលដែល អង់គ្លេសរងការវាយប្រហារដោយបើករថយន្តបុកហ្វូងមនុស្សកំពុងធ្វើដំណើរថ្មើជើង និងចាក់ប៉ូលិសបណ្តាលឲ្យស្លាប់ទៀតផង។
អ្វីដែលគួរចាប់អារម្ភនោះ គឺសកម្មភាព ខាងលើ កើតឡើង ចំពេលដែលប៊ែលហ្សិច ប្រារព ខួប១ឆ្នាំនៃការវាយប្រហារភេរវកម្ម ៣កន្លែងផ្សេងគ្នានៅក្នុងអាកាសយានដ្ឋាននិង ស្ថានីរថភ្លើង ក្នុងទីក្រុង ព្រុចស៊ែល សម្លាប់មនុស្ស៣២នាក់ និង ជាង ៣០០នាក់រងរបួស។
យ៉ាងណាក៏ដោយ សមត្ថកិច្ចបែលហ្ស៊ិកនៅមិនទាន់សន្និដ្ឋានច្បាស់ប្រាកដថា ជននេះមានបំណងធ្វើភេរវកម្មតាមការបង្គាប់របស់ក្រុមភេរវកម្មអ៊ីស្លាមណាមួយទេ។ គួរកត់សម្គាល់ថា ហេតុការណ៍នេះកើតឡើងក្រោយភេរវកម្មនៅទីក្រុងឡុងដ៍ តែមួយថ្ងៃប៉ុណ្ណោះដែលជនជីហាតបានប្រើរថយន្តបុកសម្លាប់មនុស្ស ៣នាក់នៅតាមផ្លូវ។ គេមិនទាន់ដឹងថា ជនបង្កហេតុនៅក្រុងអង់វែរ និងជនបង្កហេតុ នៅក្រុងឡុងដ៍ ជាបក្សពួកតែមួយរឺយ៉ាងណាទេ៕
