តាមរបាយការណ៍របស់អង្គការសុខភាពពិភពលោកWHO មកទល់ពេលនេះមានប្រទេសរហូតដល់ទៅ​៤៦​ប្រទេស មានករណីឆ្លងវីរុសហ្ស៊ីការ ហើយប្រទេសទាំងនោះបានដាក់ក្នុងស្ថានភាពអសន្នក្នុងការប្រឆាំងវីរុសហ្សីការ។

អគ្គនាយកអង្គការសុខភាពពិភពលោកលោកស្រី ម៉ាហ្គារ៉ែត ចាន(​Margaret chan) កាលពីថ្ងៃទី​ ២៤ខែកុម្ភៈបានប្រកាសថា វីរុសហ្ស៊ីការកំពុងក្លាយទៅជាឧបស័គ្គយ៉ាងធំធេង ពិបាកក្នុងការគ្រប់គ្រង។

តាមការវាយតម្លៃរបស់អង្គការ ​WHO ​ហ្ស៊ីការ​គឺជាការគម្រាមកំហែងយ៉ាងធំធេង ដោយសារតែវាបានរាលដាលយ៉ាងឆាប់រហ័សលើសពីការស្មាន ។ បើទោះបីចំនួនអ្នកស្លាប់ដោយសារវីរុសហ្សីការទើបតែមាននៅក្នុងប្រទេស​ចំនួន​៩ប៉ុណ្ណោះ តែចំនួនការឆ្លងរាលដាល់ទៅដល់ប្រទេសរហូតដល់៤៦ ។

ប្រេស៊ីលជាប្រទេសដែលមានការឆ្លងរាលដាលច្រើនជាងគេបំផុត ដោយមានពលរដ្ឋរហូតដល់ទៅ​១,៥លាននាក់បានឆ្លង ។ ក្រសួងសុខាភិបាលប្រេស៊ីលបានប្រកាសថា មានកុមាររហូតដល់ទៅ​៥៨៣នាក់កើតមកមានក្បាលតូចខុសពីធម្មតា ដោយសារតែការឆ្លងវីរុសហ្សីកា។

ចំនួនពលរដ្ឋឆ្លងវីរុសហ្ស៊ីការកើតឡើង ១៤,៧ភាគរយ ក្នុងរយៈពេលតែមួយសប្តាហ៍ប៉ុណ្ណោះ។ អង្គការសុខភាពពិភពលោកបានតាមដានយ៉ាងយកចិត្តទុកដាក់នៅក្នុងប្រទេសកូឡាំបីដែលមានស្ត្រីមានផ្ទៃពោះជាង​6300នាក់ឆ្លងវីរុសហ្ស៊ីការ​ក្នុងចំណោមពលរដ្ឋ​ ៣៧០០០នាក់បានឆ្លងវីរុសនេះ៕

• អង្គការ WHO
• ប្រកាសអាសន្ន
• វីរុសហ្ស៊ីកា