ក្រុមព្រឹក្សាសន្តិសុខអង្គការសហប្រជាជាតិ បានកោះប្រជុំជាបន្ទាន់  នៅថ្ងៃទី​១៤ខែកុម្ភៈ ដើម្បីថ្កោលទោស ទៅលើសកម្មភាពសាកល្បងកាំជ្រួចមីស៊ីលរបស់កូរ៉េខាងជើង។

សមាជិកក្រុមព្រឹក្សាសន្តិសុខអង្គការសហប្រជាជាតិបានប្រកាស ថ្កោលទោស ទីក្រុងព្យុងយ៉ាង  ពីសកម្មភាព បាញ់មីស៊ីលល្មើសច្បាប់អន្តរជាតិ ។ អ ស ប បានប្រកាសថានឹងមានទណ្ឌកម្មទៀតបន្ថែមទៅលើកូរ៉េខាងជើង ប្រសិនបើ ប្រទេសនេះមិនព្រមបញ្ឈប់កម្មវិធីបរមាណូនិងកាំជ្រួចមីស៊ីល។

លោក​ Matthew Rycroft ​អគ្គរដ្ឋទូតរុស្ស៊ី ប្រចាំនៅអង្គការសហប្រជាជាតិ បានឲ្យដឹងថា​ អង្គការសហប្រជាជាតិបានឯកភាព ថ្កោលទោសកូរ៉េខាងជើង ។

កន្លងមកអគ្គលេខាធិការអង្គការសហប្រជាជាតិ​លោក​ Antonio Guterres ​បានថ្កោលទោស​កូរ៉េខាងជើង  ដែលបន្តសកម្មភាពប្រឆាំង នឹងច្បាប់ដាក់ទណ្ឌកម្មរបស់អង្គការសហប្រជាជាតិ  ក្រោយពេលប្រទេសនេះបានបាញ់មីស៊ីល។

អគ្គលេខាធិការ អ ស ប  បានបញ្ចាក់ថា «មេដឹកនាំកូរ៉េខាងជើងចាំបាច់ត្រូវតែគោរពសេចក្តីសម្រេចរបស់អង្គការសហប្រជាជាតិ  ធ្វើឲ្យឧប្បទ្វីបកូរ៉េគ្មានគ្រាប់បែកបរមាណូ។

សូមបញ្ចាក់ផងដែរថា កាលពីថ្ងៃទី​១២ខែកុម្ភៈកូរ៉េខាងជើងបានបាញ់មីស៊ីលចេញពីទីតាំងទ័ពអាកាស  Banghyon ​ស្ថិតនៅខេត្ត​ Pyongan ស្ថិតនៅភាគខាងលិចប្រទេសនេះ  ។មីស៊ីលបានហោះទៅចម្ងាយ៥០០គីឡូម៉ែត្រ ក៏ធ្លាក់ចូលសមុទ្រតែម្តង ៕

• ក្រុមព្រឹក្សាអង្គការសហប្រជាជាតិ
• កោះប្រជុំ
• អង្គការសហប្រជាជាតិ
• មីស៊ីល
• កូរ៉េខាងជើង