រាជធានីភ្នំពេញ៖  លោកសម រង្ស៊ីអតីតប្រធានគណបក្សសង្រ្គោះជាតិនៅថ្ងៃទី២២ខែមីនាឆ្នាំ២០១៧នេះបានសរសេរលើកបណ្តាញសង្គមហ្វេសប៊ុករបស់លោកថានៅថ្ងៃ ៣១ មិនា ២០១៧ ខាងមុខនេះ យើងនឹងដឹងពីសេចក្តីសម្រេចរបស់ក្រុមហ៊ុនអាមេរិកាំង CHEVRON ដែលជាម្ចាស់ស្ថានីយ៍ប្រេងសាំង CALTEX ក្នុងការផ្តល់វីដេអូកាមេរ៉ាសុវត្ថិភាព បង្ហាញពីការបាញ់សម្លាប់លោកបណ្ឌិត កែម ឡី នៅថ្ងៃ ១០ កក្កដា ២០១៦ ក្នុងស្ថានីយ៍ CALTEX មួយ នៅរាជធានីភ្នំពេញ។

លោកសម រង្ស៊ីបានលើកឡើងថា កាលបរិច្ឆេទថ្ងៃទី៣១មីនាឆ្នាំ២០១៧នេះ គឺកំណត់ដោយតុលាការសហរដ្ឋអាមេរិក ក្នុងរដ្ឋ CALIFORNIA ដែលក្រុមហ៊ុន CHEVRON មានទីតាំងរបស់ខ្លួន។ ដូច្នេះ តុលាការនៅប្រទេសកម្ពុជា ត្រូវរង់ចាំសេចក្តីសម្រេចរបស់ក្រុមហ៊ុន CHEVRON ដើម្បីយល់ដឹងពីការពិត ស្តីពីឃាតកម្មលើរូបលោកបណ្ឌិត កែម ឡី ជាមុនសិន មុននឹងចេញសាលក្រមណាមួយ លើពាក្យបណ្តឹងណាមួយ ស្តីពីការចោទប្រកាន់ណាមួយ ទាក់ទងទៅនឹងឃាតកម្មនេះ។

ការលើកឡើងរបស់លោកសម រង្ស៊ីបានធ្វើឡើងមុនពេលតុលាការក្រុងភ្នំពេញគ្រោងនឹងប្រកាសសាលក្រមករណីឃាតកម្មសម្លាប់លោកកែមឡីនៅថ្ងៃទី២៣ខែមីនាឆ្នាំ២០១៧ស្អែកនេះ។ជនជាប់តែម្នាក់គាត់ត្រូវបានសម្លាប់ចាប់ខ្លួនកាលពីថ្ងៃទី១០ខែកកក្កដាឆ្នាំ២០១៧ឈ្មោះអឿត អាងហៅជួប សម្លាប់អាយុ៤៣ឆ្នាំបានសារភាពថាខ្លួនជាអ្នកបាញ់សម្លាប់ជនរងគ្រោះ។

ទោះបីយ៉ាងណាកាលពីពេលសវនាការការពីពេលថ្មីៗនេះតុលាការបានបញ្ចាំងវីដេអូដែលសមត្ថកិច្ចបានស្រាវជ្រាវផ្តល់តុលាការពេលសវនាការ។វីដេអូនោះត្រូវបានបញ្ចាំងឈុតខ្លះៗនៃសកម្មភាពរបស់ជនសង្ស័យក្នុងកន្លែងកើតហេតុនិងករណីដែលសមត្ដកិច្ចចាប់ខ្លួនជនដៃដល់តាមផ្លូវដែលជនដៃដល់រត់ចេញពីកន្លែងកើតហេតុ។គេមិនដឹងថាតុលាការនឹងផ្តន្ទាទោសជនដៃយ៉ាងណានោះទេតែបើតាមបទចោទមាត្រា២០០និងច្បាប់កាន់កាប់អាវុធខុសច្បាប់គេអាចប្រឈមជាក់គុកអស់មួយជីវិត៕                       

• ក្រុមហ៊ុន
• សុវត្ថិភាព
• វីដេអូ
• កឹម ឡី