រាជធានីភ្នំពេញ៖  លោក ងួន អ៊ឹម ចៅក្រមជំនុំជម្រះសភាស៊ើបសួរសាលាឧទ្ធរណ៍នៅព្រឹកថ្ងៃទី២២ខែមីនាឆ្នាំ២០១៧នេះបានបើកសវនាការជំនុំជម្រះបណ្តឹងសុំនៅក្រៅឃុំរបស់ជនជាប់លោកគឹម សុខា។សវនាការនេះធ្វើឡើងអសាធារណៈចំពោះមុខជនជាប់ចោទ និងមេធាវីការពារក្តីជនជាប់ចោទនិងមេធាវីរដ្ឋភិបាល។ក្រោយពេលសវនាការប្រមាណជាង១ម៉ោងតុលាការបានសម្រេចបដិសេធមិនឲ្យជនជាប់ចោទនៅក្រៅឃុំទេដោយបន្តឃុំខ្លួនដដែល។

លោក ជួង ជូងី មេធាវីរបស់លោក គឹម សុខ បាននិយាយបានអ្នកកាសែតក្រៅបន្ទប់សវនាការថាចៅក្រមសភាស៊ើបសួរនៃសាលាឧទ្ធរណ៍បានសម្រេចបដិសេធការសុំនៅក្រៅឃុំរបស់លោកគឹម សុខដោយបន្តឃុំខ្លួនដដែល។លោកមេធាវីបានលើកឡើងថាលោកកំពុងរៀបចំដាក់ពាក្យប្តឹងសាទុក្ខទៅតុលាការកំពូលចំពោះការសម្រេចនេះ។

គេមានការកត់សម្គាល់ថានៅពេលនាំខ្លួនជនជាប់មកាក់បន្ទប់សវនាការមានការដាក់ពង្រាយកម្លាំងនៅជុំវិញសាលាឧទ្ទរណ៍និងតុលាការកំពូល។ក្រុមអ្នកកាសែតត្រូវបានគេរឹតបន្តឹងក្នុងការថតរូបនិងថតសម្លេងជនជាប់ចោទមិនដូចមុនទេ។

គួររំលឹកថាលោក ជួង ជូងឺ មេធាវីការពារក្តីលោកគឹម សុខបាកាលពីថ្ងៃទី២១ខែមីនាបានបញ្ជាក់ថាលោកគឹម សុខបានទទួលស្គាល់អ្វីដែលគាត់និយាយកាលពីកន្លងមក អ្វីដែលគាត់បាននិយាយជាប្រព័ន្ធផ្សព្វផ្សាយកន្លងមកនេះទាំងអស់។

លោកមេធាវីបាននិយាយថានៅថ្ងៃទី២២ខែមីនាឆ្នាំ២០១៧សាលាឧទ្ទរណ៍បើកសវនាការលើបណ្តឹងសុំនៅក្រៅឃុំរបស់លោកគឹមសុខ។តែនៅពេលសាលាឧទ្ទរណ៍សម្រេចយ៉ាងណាលោកមេធាវីនឹងពិភាក្សាជាមួយលោកគឹមសុខតើត្រូវមេចបន្តទៀត។កាលពីមុននោះសាលាឧទ្ធរណ៍បានបដិសេធចំពោះបណ្តឹងប្រឆាំងជាមួយនឹងដីកាឃុំខ្លួនលោកគឹម សុខដោយសាលាដំបូងរាជធានីភ្នំពេញ។

ចៅក្រមសាលាដំបូងរាជធានីភ្នំពេញលោករស់ ពិសិដ្ឋនៅរសៀលថ្ងៃទី២១ខែមីនាឆ្នាំ២០១៧នេះបានបន្តសាកសួរលោកគឹម សុខដែលត្រូវបានអនុរក្សពន្ធនាគារនាំមកកាន់សាលាដំបូងរាជធានីភ្នំពេញ។លោកគឹមសុខត្រូវបានតុលាការចោទប្រកាន់បទបរិហារកេរ្តិ៍គណបក្សប្រជាជនកម្ពុជានិងបទញុះញង់ប៉ះពាល់ដល់សន្តិសុខសង្គមធ្ងធ្ងរតាមពាក្យបណ្តឹងរបស់មេធាវីគណបក្សជាជនកម្ពុជា។

កាលពីថ្ងៃទី១៧ខែកុម្ភៈឆ្នាំ២០១៧តុលាការក្រុងភ្នំពេញបានសម្រេចចោទប្រកាន់លោកគឹម សុខនិងបានចេញដីកាឃុំខ្លួនលោកនៅពន្ធនាគារព្រៃសរង់ចាំការស៊ើបអង្កេតបន្ថៃមមុនពេលបើកសវនាការកាត់ទោស។ថ្មីៗនេះសាលាឧទ្ធរណ៍បដិសេធចំពោះការសុំនៅក្រៅឃុំរបស់ជនជាប់ចោទរូបនេះ។

សូមបញ្ជាក់ថា គណបក្សប្រជាជនកម្ពុជាតាមរយៈលោកមេធាវីគីតិចបានដាក់ពាក្យបណ្តឹងចូលតុលាការក្រុងភ្នំពេញចំនួន២ប្តឹងជនជាប់ចោទដែលបាននិយាយជាមួយប្រព័ន្ធផ្សព្វផ្សាយចោទប្រកាន់លើគណបក្សប្រជាជនកម្ពុជាដែលកំពុងកាន់អំណាចថាបានរៀបចំសម្លាប់មនុស្ស។តែការលើកឡើងនេះត្រូវបានគណបក្សប្រជាជនកម្ពុជាបដិសេធនិងឈានដល់ការប្រប្រាស់ផ្លូវច្បាប់ទាមទាររាប់រយលានរៀលនិងសូមឲ្យតុលាការចាត់កាតតាមច្បាប់។

លោកឃុន លាងម៉េងចៅក្រមសភាស៊ើបសួរសាលាឧទ្ទរណ៍នៅរសៀលថ្ងៃទី៦ខែមីនាឆ្នាំ២០១៧បានសម្រេចឃុំខ្លួនលោកគឹម សុខ អាយុ៣៧ឆ្នាំបន្ទាប់ពីសាលាឧទ្ធរណ៍បានចំណាយពេលជិត៣ម៉ោងជំនុំជម្រះលើបណ្តឹងប្រឆាំងនឹងការឃុំខ្លួនលោកដោយតុលាការក្រុងភ្នំពេញ។ជនជាប់ចោទត្រូវបាននាំខ្លួនចូលក្នុងបន្ទប់សវនាការអសាធារណៈដែលមានតែមេធាវីការពារសិទ្ធិជនជាប់ចោទលោកជួង ជូងីនិងមេធាវីដើមលោកគី តិច ចោទចូលរួម។

យោងតាមលោកមេធាវីគី តិចតំណាងសម្តេច ហ៊ុនប្រធានគណបក្សប្រជាជនកម្ពុជាបានប្រាប់អ្នកកាសែតថា ៖សាលាឧទ្ធរណ៍បានលើកឡើងតែជុំវិញការសុំនៅក្រៅឃុំរបស់លោកគឹមសុខ តែប៉ុណ្ណោះទេ។លោកបានអះអាងថាតុលាការបានសួរលោកគឹម សុខថាហេតុអ្វីបានជាប្តឹងឧទ្ធរណ៍ប្រឆាំងការឃុំខ្លួននេះនិងមិនសុខចិត្តនៅចំណុចណា។                        

• បដិសេធ
• គឹម សុខ