ប្រធាន​ FBI ​លោកJames Comey កាលពីថ្ងៃទី​២០ខែមីនា បានបញ្ចាក់ថា FBI កំពុងស្រាវជ្រាវពីទំនាក់ទំនងទៅលើទំនាក់ទំនង រវាងលោកដូណាលត្រាំនិងរុស្ស៊ី ​ក្នុងពេលដែលទីក្រុងមូស្កូបានព្យាយាមស្វែងរកឥទ្ថិពលទៅលើការបោះឆ្នោតនៅមេរិក ។

លោក​ James Comey  និងអគ្គនាយកសន្តិសុខជាតិ លោក​ Mike Rogers ​បានបញ្ចាក់ថា នៅក្នុងការស្រាវជ្រាវស្តីពីការជ្រៀតជ្រេករបស់រុស្ស៊ីនៅក្នុងការបោះឆ្នោតអាមេរិកកន្លងមក  អាចនឹងត្រូវអូសបន្លាយជាច្រើនខែ​ទៀត។

មានប្រសាសន៍នៅមុខគណកម្មធិការសភា លោក​ Jame Comey បានបញ្ចាក់ថា នឹងមិនដកពាក្យ ដែលធ្លាប់បានលើកឡើងថា ប្រធានាធិបតីរុស្ស៊ី បានជ្រៀតជ្រេក ធ្វើឲ្យបេក្ខភាពលោកស្រីហីលឡារីគ្លីនតុនចាញ់ និងជួយឲ្យលោកត្រាំទទួលបានជ័យជំនៈនៅក្នុងការបោះឆ្នោត កាលពីថ្ងៃទី​៨ខែវិច្ឆិកាឆ្នាំ​២០១៦។លោក​ក៏បានបញ្ចាក់ទៀតថា ​FBI នឹងបើកការស្រាវជ្រាវ​ ពីការជ្រៀតជ្រេករបស់រុស្ស៊ីទៅលើសកម្មភាពបោះឆ្នោតនៅអាមេរិកចាប់តាំងពីខែ កក្កដា​ឆ្នាំ​២០១៦​។

អង្គការចារកម្មអាមេរិកបានបញ្ចាក់ថា ​រុស្ស៊ីបានព្យាយាម​ជួយដល់លោកត្រាំ  តាមរយៈវាយប្រហារដោយហែកឃឺ ទៅលើបេក្ខភាពគណបក្សប្រជាធិបតេយ្យ នៅនាទីចុងក្រោយធ្វើឲ្យគណបក្សប្រជាធិបតេយ្យបរាជ័យ។

លោក​ Comey ក៏បានប្រកាស ប្រឆាំងនឹង សេចក្តីប្រកាសរបស់ប្រធានាធិបតីត្រាំថា អតីតប្រធានាធិបតី បារ៉ាក់អូបាម៉ា បានលួចស្តប់ លោកត្រាំ នៅមុនពេលបោះឆ្នោត កាលពីឆ្នាំ​២០១៦។លោក​ Comey បញ្ចាក់ថា« អំពីព័ត៌មាន របស់ប្រធានាធិប​តីដេលចោទប្រកាន់រដ្ឋាភិបាលថ្មី លួចស្តាប់ នោះខ្ញុំគ្មានព័ត៌មានណាមួយ ដែលអាចគាំទ្រទៅលើការប្រកាសទាំងនោះឡើយ»។

មន្ត្រីសំខាន់របស់អាមេរិកពីររូបបាន ថ្លែងនៅក្នុងគណកម្មធិការចារកម្មសភាអាមេរិក កាលពីថ្ងៃទី ២០ខែមីនា ដោយមន្ត្រីទាំងពីរូបបានថ្លែងរយៈ​ពេល​៥ម៉ោងពីបញ្ហាខាងលើ។នេះ​ជា​លើក​ទីមួយ​ហើយ ​ដែល​លោក​ James Comey ​អគ្គនាយក ​FBI​ និង​លោក​ Mike Rogers ​អគ្គនាយក​ទីភ្នាក់ងារ​សន្តិសុខ​ជាតិ​ ​NSAត្រូវ​ចូល​ទៅ​ឆ្លើយ​បំភ្លឺ ​នៅ​ចំពោះមុខ​គណកម្មការ​ស៊ើបការ​សំងាត់ ​នៃ​សភា​តំណាង ​ស្តីពី​សំណុំ​រឿង​ពាក់ព័ន្ធ​នឹង​រុស្ស៊ី។ សវនាកា​សួរ​ដេញដោល​ នឹង​ត្រូវ​ធ្វើ​ជា​សាធារណៈ ​ដែល​នេះ​គឺ​ជា​ការ​ទាមទារ​របស់​សមាជិក​សភា​ជាច្រើន​អ្នក​ដើម្បី​ជំរះ​រាល់ ​មន្ទិល​សង្ស័យ។
តែ​យ៉ាងណាគេ​ជឿថា​ លោក​នាយក ​FBI​ និង​ NSA​ អាច​ប្រហែល​ជា​មិន​អាច​និយាយ​អ្វី​បាន​ច្រើន​ទេ ​ដោយ​សារ​តែ​ផ្នែក​ខ្លះ​នៃ​សំណុំរឿង​នេះ ​ត្រូវ​ចាត់​ទុក​ជា​កិច្ចការ​សំងាត់​របស់​រដ្ឋ។ យ៉ាងណាមិញ ​សមាជិក​សភា​តំណាង ​មិន​ថាមក​ពី​គណបក្ស​ប្រជាធិបតេយ្យ ​រឺ​សាធារណៈ​រដ្ឋ​ទេ ​បាន​រិះគន់​ ស្ថាប័ន​ទាំង​ពីរ​នេះ ​ថា​មិន​បាន​ផ្តល់​ព័ត៌មាន​រឺក៏​ទិន្ន័យ​ឲ្យ​បាន​ច្បាស់​សោះទាក់ទិន​នឹង​ចារកិច្ច​រុស្ស៊ី។
 
ដោយឡែក ​ចំពោះ​ការ​ចោទ​ប្រកាន់​របស់​លោក​ដូណាល់​ត្រាំ​ ដែល​ថា​លោក​អូបាម៉ា ​បាន​បញ្ជា​ឲ្យគេ​លបស្តាប់​ទូរស័ព្ទ​គាត់​ កាល​ពី​កំឡុង​ពេល​ឃោសនា បោះឆ្នោត​នោះ ​មាន​សមាជិក​សភា​ជាច្រើន ​ដែល​អ្នក​ខ្លះ​មក​ពី​គណបក្ស​សាធារណៈរដ្ឋ​យល់​ឃើញ​ថា ​វា​ជា​ការ​ចោទ​ប្រកាន់​ ដោយ​គ្មាន​ភស្តុតាង ​និង​ដោយ​ប្រឌិត​ទាំង​ស្រុង។​ តាម​រយៈ​ សវនាកា​សួរ​ដេញ​ដោល ​នៅ​ថ្ងៃ​នេះ ​និង​លើក​ទីពីរ​ នៅ​ថ្ងៃ​២៨​មីនា​ខាង​មុខ​នេះ ​គេសង្ឃឹម​ថា ​ការ​ពិត​ប្រាកដ​ជា​លាត​ត្រដាង​ ហើយ​លោក​ដូណាល់ ត្រាំ​ ត្រូវតែ​សុំទោស​លោក​អូបាម៉ា​ ជា​សាធារណៈ ​ចំពោះ​ពាក្យ​ចោទ​ប្រកាន់​ បំភ្លើស​ការពិត​របស់​ខ្លួន៕

• រុស្ស៊ី
• បោះឆ្នោត
• អាមេរិក
• ដូណាលត្រាំ