សារព័ត៌មានរ៉យទ័របានផ្សាយថា នៅថ្ងៃទី​១៩ខែ មីនា ប៉ូលិសថៃបាន បំបែកការប៉ុនប៉ងធ្វើឃាត នាយករដ្ឋមន្ត្រីថៃ ក្រោយពេលប៉ូលិសរកឃើញឃ្លាំងអាវុធ​ជាច្រើនរបស់ក្រុមអាវក្រហម​។  មេដឹកនាំក្រុមអាវក្រហម  Wuthipong Kochathamakun ​បានលាក់ខ្លួនតាំងពី​ការធ្វើរដ្ឋប្រហារ ដោយយោធានៅក្នុងប្រទេសនេះ។

សារព័ត៌មានរ៉យទ័របានផ្សាយថា  នេះជាការរកឃើញឃ្លាំងអាវុធ​រថ្មីបំផុត ដែលជារបស់ក្រុមអាវក្រហម ​ដែលមានភាពជិតស្និតនិងនាយករដ្ឋមន្ត្រី​ថាក់ស៊ីនស៊ីណាវ៉ាត្រា។ នៅថ្ងៃទី​១៩ ប៉ូលិសថៃបានរកឃើញអាវុធជាច្រើន ក្នុងនោះមានគ្រាប់បែក​និងគ្រាប់កាំភ្លើង រាប់ពាន់គ្រាប់ លាក់ទុកនៅក្នុងផ្ទះរបស់មេដឹកនាំក្រុមអាវក្រហម​លោក​ Wuthipong Kochamthamkun។

ក្រៅពីនេះប៉ូលិសថៃក៏បានចាប់ខ្លួនមនុស្ស៩នាក់​ ដែលជាប់ពាក់ព័ន្ធ។ ប៉ូលិសបានបញ្ចាក់ថា មានភស្តុតាងបញ្ចាក់ថា ក្រុមអាវក្រហម បានឡើងគម្រោងបង្ករភាពចលាចលនៅក្នុងប្រទេសថៃ។

លោក Jakthip Chaijinda មេបញ្ចាការ កម្លាំងប៉ូលិសជាតិ​ថៃបានឲ្យដឹងថា «យើងបានរកឃើញកាំភ្លើងដែលមានកែវយុតតម្រងទុកសម្រាប់ធ្វើឃាតមេដឹកនាំថៃ​គឺនាយករដ្ឋមន្ត្រី ប្រាយុទ្ធចាន អូចា»។

លោក​ប្រាយុទ្ទចាន់ អូចា ធ្លាប់ជាមេបញ្ចាការកងទ័ពជើងគោកថៃ  ដែលដឹកនាំក្នុងការធ្វើរដ្ឋប្រហារ​ផ្តួលរំលំរដ្ឋភិបាលរបស់ អតីតនាយករដ្ឋមន្ត្រី យីងឡាក់ស៊ីណាវ៉ាត្រា ​ជាប្អូនស្រីរបស់លោកថាក់ស៊ីលកាលពីឆ្នាំ​២០១៤ ក្រោយមកលោក ប្រាយុទ្ធ ក៏បានឡើងកាន់តំណែងដឹកនាំប្រទេសរហូតមកទលពេលនេះ។

ចាប់តាំងពីពេលនោះមករដ្ឋាភិបាល ក្រោមការដឹកនាំរបស់លោកប្រាយុទ្ធចាន់ អូចា បានរកឃើញអាវុធជាច្រើនរបស់ក្រុម ដែលគាំទ្រ អតីតមេដឹកនាំដែលមានអត្ថិពលបំផុត គឺលោកថាក់ស៊ីន។ រដ្ឋាភិបាលបានចោទប្រកាន់ ឃ្លាំងអាវុធទាំងនោះគឺជារបស់ក្រុមប្រឆាំងដែលមានបំណងចង់បង្ករអសន្តិសុខនៅក្នុងតំបន់។

លោក Jakthip Chaijinda មិនបានបង្ហាញភស្តុតាងបន្ថែមស្តីពីការប៉ុនប៉ង ធ្វើឃាតមេដឹកនាំ​  ប៉ុន្តែក្រុមអាវក្រហមតែងតែប្រឆាំងនិងរដ្ឋាភិបាលយោធា ហើយធ្លាប់ប្រកាស់តាមបណ្តាញថា​នាយករដ្ឋមន្ត្រី ប្រយុទ្ធ ចាន់ អូចា អាចនឹងត្រូវគេធ្វើឃាត។ ចំណុចទាំងនោះហើយ​ទើប  ប៉ូលិសក៏ដូចជារដ្ឋាភិបាលតែងតែទម្លាក់កំហុសទៅលើក្រុមអាវក្រហម ។

ក្រុមអ្នកវិភាគ ឯករាជ្យបានបញ្ចាក់ថា សកម្មភាពរបស់រដ្ឋាភិបាលថៃក្នុងគោលដៅកម្ចាត់ក្រុម អាវក្រហម ក៏ដូចជាបក្ខពួករបស់ អតីតនាយករដ្ឋមន្ត្រីថាក់ស៊ីន ស៊ីណាវ៉ាត្រា។

• ថែ
• ប៉ុនប៉ង
• រដ្ឋមន្ត្រី