លោក​ Andrew Puzder បក្ខភាពរដ្ឋមន្ត្រីពលកម្ម​របស់ប្រធានាធិបតីដូណាលត្រាំ​ បានដកខ្លួនចេញមុនពេលត្រូវបានលោកត្រាំតែងតាំងដោយសារតែ តំណាងរាស្ត្រមកពីគណបក្សប្រជាធិបតេយ្យប្រឆាំង។

សារព័ត៌មាន​ CNN បានដកស្រងសម្តីលោក​  Puzder បានបញ្ចាក់កាលពីថ្ងៃទី​១៥ខែកុម្ភៈថា «ក្រោយពេលពិភាក្សាជាមួយគ្រួសារ ខ្ញុំសូមដកខ្លួនចេញពីបេក្ខភាព រដ្ឋមន្ត្រីក្រសួងពលកម្ម »។

ការដែលលោកត្រាំចង់ឲ្យ​ Andrew Puzder ធ្វើជារដ្ឋមន្ត្រីពលកម្ម ប៉ុន្តែរងការប្រឆាំងយ៉ាងខ្លាំងពីក្រុមតំណាងរាស្ត្រមកពីគណបក្សប្រជាធិបតេយ្យ ដោយសារតែរូបលោក​បានជួលអ្នកជួយការងាផ្ទះគឺជាជនអន្តោបវេសគ្មានក្រដាសស្មាមគ្រប់គ្រាន់។

មិនត្រឹមតែប៉ុណ្ណោះ​លោក​ Andrew Puzder ក៏មិនទទួលបានការគាំទ្រពីតំណាងរាស្ត្រមកពីគណបក្សសាធារណរដ្ឋដូចគ្នា  ដោយកន្លងមកតំណាងរាស្ត្រជាច្រើនបានប្រកាសថានឹងមិនបោះឆ្នោតគាំទ្រឡើយ ដោយសារតែលោកមិនមាន គោលជំហរច្បាស់លាស។

អ្នកនាំពាក្យសេតវិមាន មិនបានវិភាគអ្វី ជុំវិញការដកខ្លួនរបស់លោក​ Puzder គ្រាន់តែនិយាយថា គត់បានដកខ្លួន។ ចំណែកតំណាងរាស្ត្រ តំណាងឲ្យជនជាតិភាគតិច  លោក​ Chuck Schumer ​បានចាត់ទុក​ការដកខ្លួនរបស់លោក​ Andrew Puzderគឺជាជ័យជំនៈ របស់ពលករអាមេរិក ។

លោក​ Andrew Puzderជាបេក្ខភាព តំបូងគេបង្អស់នៅក្នុងជួរគណរដ្ឋមន្ត្រីរបស់លោកត្រាំបានប្រកាស់ដកខ្លួនមុនពេលសភាបោះឆ្នោតអនុម័ត។  កន្លងមក ទីព្រឹក្សាសន្តិសុខរបស់លោកត្រាំ បានលាលេងចេញពីតំណែងដោយរឿងអាស្រូវពាក់ព័ន្ធនិង ទំនាក់ទំងជាមួយរុស្ស៊ី៕

• រដ្ឋមន្ត្រីពលកម្ម
• ដូណាលត្រាំ