នៅក្នុងតំណើតទស្សនកិច្ចទៅកាន់សេតវិមានរបស់រដ្ឋមន្ត្រីការពារជាតិចិនលោកYang Jiechi  គឺដើម្បីបក្សស្រាយពីសកម្មភាពរបស់ចិននៅសមុទ្រចិនភាគខាងត្បូង ក្រោយពេលមានការប្រឈមមុខតានតឹងដាក់គ្នា​រវាងអាមេរិកនិងចិន ជុំវិញបញ្ហាខាងលើ។

សារព័ត៌មាន​ South china morning post របស់ហុងកុងកាលពីថ្ងៃទី​២៦ខែកុម្ភៈបានផ្សាយថា មន្ត្រីការបរទេស​ជាន់ខ្ពស់របស់ចិន លោក​Yang Jiechi បានចាប់ផ្តើមបំពេញទស្សនកិច្ចរយៈពេល​២ថ្ងៃទៅកាន់អាមេរិក គឺចាប់ផ្តើមនៅថ្ងៃទី២៧ខែកុម្ភៈនេះ។

សារព័ត៌មានស៊ីនហួរ​បានដកស្រងសម្តីអ្នកនាំពាក្យក្រសួងការបរទេសចិនបានឲ្យដឹងថា លោក​Yang Jiechi ទៅកាន់អាមេរិកតាមការអញ្ជើញពីរដ្ឋាភិបាលអាមេរិក ដើម្បីពិភាក្សាលើបញ្ហាសំខាន់ៗ ដែលប្រទេសទាំងពីរបានចាប់អារម្ភ។

នៅក្នុងតំណើរទស្សនកិច្ចទៅកាន់អាមេរិក ធ្វើឡើងក្រោយរយៈពេល​ជាង​ពីរសប្តាហ៍ដែលប្រធានាធិបតីអាមេរិកលោកដូណាលត្រាំបានជួបពិភាក្សាតាមទូរស័ព្ទជាមួយប្រធានាធិបតីចិនលោកស៊ីជីងពីង ជាលើតំបូងចាប់តាំងពីឡើងកាន់តំណែងដឹកនាំអាមេរិក។

នៅក្នុងការសន្ទនាតាមទូរស័ព្ទនោះ លោកដូណាត្រាំបានបញ្ចាក់ពីការសន្យាគោរពច្បាប់ចិនតែមួយ តាមសំណើររបស់ប្រធានាធិបតីចិនស៊ីជីងពីង។

នៅក្នុងតំណើរទស្សនកិច្ចទៅកាន់អាមេរិក របស់លោក​Yang Jiechiធ្វើឡើងក្នុងឧកាសខួប៤៥ឆ្នាំ ថ្ងៃដែល ប្រទេសទាំងពីរបំបែកភាពជាប់គាំនយោបាយ ទំនាក់ទំនង ដោយប្រធានាធិបតីអាមេរិកលោក​  Richard Nixon ​ទៅកាន់ចិននៅឆ្នាំ​១៩៧២ បង្កើតទំនាក់ទំនងប្រទេសទាំងពីរឡើងវិញ។

នៅក្នុងសេចក្តីប្រកាសរួម កាលពីខែកុម្ភៈឆ្នាំ១៩៧២ អាមេរិកបានទទួលស្គល់គោលនយោបាយ ចិនតែមួយ ហើយអាមេរិកបានដកទាហានចេញពីកោះតៃវ៉ាន។

ក្រុមអ្នកវិភាគជឿជាក់ថា តំណើរទស្សនកិច្ច នេះគឺដើម្បីជាការបើកផ្លូវ​សម្រាប់ជំនួបជាផ្លូវការរវាងមេដឹកនាំប្រទេសទាំងពីរ បន្ទាប់ពីកិច្ចប្រជុំ​G20​នៅប្រទេសអាល្លឺម៉ង នាខែកក្កដាខាងមុខ។ ប៉ុន្តែគេមិនទាន់ដឹងថា​ចិន​អាចចូលរួមនៅក្នុង កិច្ចប្រជុំនោះដែរឬទេ ដោយសារតែចិនមានការសង្ស័យពីប្រសិទ្ធិភាពនៃកិច្ចប្រជុំទាំងនោះ។

សារព័ត៌មាន​ Sankei របស់ជប៉ុន នៅថ្ងៃទី​២៧ខែកុម្ភៈនេះបានផ្សាយថា​ នៅក្នុងតំណើរទស្សនកិច្ចទៅកាន់​អាមេរិករបស់លោក​ Yang Jiechi នាពេលនេះគឺដើម្បីជាការរៀបចំជំនូបរវាងប្រធានាធិបតីដូណាលត្រាំនិងស៊ីជីងពីង។នៅក្នុងតំណើរទៅកាន់អាមេរិកនាពេលនេះលោក​Yang Jiechiត្រូវប្រឈមមុននឹងបញ្ហាធំៗចំនួន​៣ គឺ

ទី១​ បញ្ហាកូរ៉េខាងជើង​។ នៅក្នុងជំនួបពិភាក្សាតាមទូរស័ព្ទ រវាងលោក​Yang Jiechi និងសមភាគី​អាមេរិកលោក Rex Tillerson កាលពីថ្ងៃទី​២១ខែកុម្ភៈ បានព្រមព្រមព្រៀងគ្នាលើបញ្ហាមួយចំនួន​ ប៉ុន្តេនៅមានចំណុចជាច្រើនទៀតដែលអាមេរិកទាមទាឲ្យចិនដាក់គំនៀបលើទីក្រុងព្យុងយ៉ាង។

ទី២ គឺចិននៅតែបន្តសកម្មភាព​ពង្រីកទីតាំងយោធានៅសមុទ្រចិនភាគខាងត្បូង ។ សកម្មភាពរបស់លោកដូណាលត្រាំលើបញ្ហាវិវាទសមុទ្រចិនភាគខាងត្បូងគឺតឹងតែងជាង លោកអូបាម៉ា។ នៅក្នុងតំណើរទៅកាន់អាមេរិកនាពេលនេះរបស់លោក​Yang Jiechiគឺដើម្បីបកស្រាយពីសកម្មភាពរបស់ចិននៅសមុទ្រចិនភាគខាងត្បូង។

ទី​៣ បញ្ហាពាណិជ្ចកម្មអាមេរិក ចិន ក្រោយពេលដែលប្រទេសទាំងពីរបានប្រឈមមុខតានតឹងដាក់គ្នាលើវិស័យសេដ្ឋកិច្ចពាណិជ្ជកម្ម​។

តាមសារព័ត៌មាន​ Sankei ការដែលលោកត្រាំប្រកាសពីគោលនយោបាយប្រឆាំងចិន​បានបង្ហាញយ៉ាងច្បាស់ ថារដ្ឋាភិបាលថ្មីអាមេរិក មិនមានការយោគយលទៅលើចិនដូចកាលពីមុនឡើយ។

អ្វីដែលរដ្ឋមន្ត្រីការបរទេសចិន​Yang Jiechi​ត្រូវតែធ្វើនាពេលនេះ គឺដោះស្រាយបញ្ហាធំៗចំនួន​៣ខាងលើជាមួយអាមេរិក ហើយបើមិនមានតំណោះស្រាយណាមួយសមស្របតែ ទំនាក់ទំនងប្រទេសទាំងពីរអាចប្រឈមមុខតានតឹងដាក់គ្នា។

• រដ្ឋមន្ត្រី
• ការពារ
• ទស្សនកិច្ច
• អាមេរិក