នៅក្នុងសេចក្តីប្រកាសកាលពីថ្ងៃទី​៨ខែមីនា នាយករដ្ឋមន្ត្រី​ម៉ាឡេស៊ី​លោក​ Najib Razak ​ជាលើកទីមួយបានប្រកាសចោទប្រកាន់ជាផ្លូវការ ថាកូរ៉េខាងជើង នៅពីក្រោយការស្លាប់របស់លោកគីមជុងណាម។

សារព័ត៌មាន  Bernama ​បានដកស្រងសម្តី​នាយករដ្ឋមន្ត្រីម៉ាឡេសីបានបញ្ចាក់ថា «យើង មិនដែលមានសកម្មភាពណាមួយប្រឆាំងកូរ៉េខាងជើងនោះឡើយពីមុនមក ប៉ុន្តែ យើងកំពុងតែ ជួបនៅបញ្ហា ពីសកម្មភាពធ្វើឃាត​ពលរដ្ឋរបស់ខ្លួននៅលើទឹកដីម៉ាឡេស៊ី  ដោយប្រើប្រាស សាធាតុគីមី​ដែលពិភពលោកហាមប្រាំ »។

លោក Najib Razakបានបញ្ចាក់ទៀតថា​ «នៅពេលដែលអំពើឃាតកម្មកើតឡើងនៅលើទឹកដីម៉ាឡេស៊ី​ យើងមានតួនាទីស្រាវជ្រាវស្វែងរកការពិត  ដើម្បីបញ្ចូនជនដៃដល់នឹងអ្នកនៅពីក្រោយ ទៅទទួលទោសនៅមុខច្បាប់។» តាំងពីពេលដំបូងមកទល់ពេលនេះទីក្រុងព្យុងយ៉ាង​បានច្រានចោល ការជាប់ពាក់ព័ន្ធនិង ការស្លាប់របស់លោក Kim Chol ឈ្មោះនោក្នុងលិខិតឆ្លងដែន ចំណែកឈ្មោះក្រៅជាគីមជុងណាម។

ការប្រកាសខាងលើចោលប្រកាន់ទៅលើរដ្ឋាភិបាលកូរ៉េខាងជើង កើតឡើងក្នុងពេលដែលប្រទេសទាំងពីរប្រឈមមុខតានតឹងដាក់គ្នា  ដោយបណ្តេញអគ្គរដ្ឋទូតប្រទេស​ទាំងពីរត្រឡប់ទៅស្រុកវិញ​ ។ កន្លងមកនាយករដ្ឋមន្ត្រី​ Najib Razak បាបថ្កោលទោស កូរ៉េខាងជើង ដែលចាប់ពលរដ្ឋ​ម៉ាឡេស៊ីធ្វើជាចំណាប់ខ្មាំង។

នៅថ្ងៃទី​៨ខែមីនានោះដែរ ឧប្បនាយករដ្ឋមន្ត្រី ម៉ាឡេស៊ីលោក​ Ahmad Zahid Hamidi បានប្រកាសថា ម៉ាឡេស៊ី នឹងពិភាក្សាជាមួយកូរ៉េខាងជើង ដើម្បីស្វែងរកដំណោះស្រាយ​បញ្ចប់ភាពតានតឹង ក្នុងទំនាក់ទំនងការបរទេសរវាងប្រទេសទាំងពីរ។

ឧប្បនាយករដ្ឋមន្ត្រី​ Zahid ​បានរំលឹកឡើងវិញនៅការប្រកាសរបស់នាយករដ្ឋមន្ត្រី​ Najib Razak ថា ម៉ាឡេស៊ីមិនកាត់ផ្តាច់ទំនាក់ទំនងការបរទេស ជាមួយកូរ៉េខាងជើងនោះឡើយ​បើទោះបីកំពុងតែមានភាពមិនចុះសម្រុងនិងគ្នាក្តី។

ភាពតានតឹងនៅក្នុងទំនាក់ទំនងការបរទេស​ រវាងម៉ាឡេស៊ីនិងកូរ៉េខាងត្បូង កើតឡើងក្រោយរយៈពេល​៣សប្តាហ៍ នៃការស្លាប់របស់លោកគីមជុងណាម​ដែលជាបងប្រុសរបស់មេដឹកនាំកូរ៉េខាងជើង។  ភាគីកូរ៉េខាងជើង បញ្ចាក់ថា ការស្លាប់របស់លោកគីមជុងណាម គឺ ឈឺបេះដូង លើសឈន និងទឹកនោមផ្អែម  ។រដ្ឋាភិបាលកូរ៉េខាងជើងបានចោទប្រកាន់​ ម៉ាឡេស៊ីថា លទ្ធផលនៃការស្រាវជ្រាវ ខាងលើមានលក្ខណចងគុំនុំ ចំពោះកូរ៉េខាងជើង​ ហើយទីក្រុងព្យុងយ៉ាង មិនទទួលយកនៅលទ្ធផលស្រាវជ្រាវខាងលើនោះឡើយ។

• ម៉ាឡេស៊ី
• កូរ៉េខាងជើង
• គីមជុងណាម