ខេត្តបាត់ដំបង៖    ប្រជាសហគមន៏កសិករដាំដំឡូងមីក្នុងខេត្តបាត់ដំបងចំនួន២២សហគមន៏ចូលរួមនិងខេត្តប៉ៃលិន ក្រៅខេត្តនិងក្រៅបណ្តាញ បានមកប្រារព្ធទិវាប្រឡងប្រណាំជ្រើសរើសពូជន៏ដំឡូងមី។

ពិធីនេះរៀបចំឡើងក្រោមប្រធានបទ"ជំរុញការលើកកម្ពស់ផលិតផលដំឡូងមីកម្ពុជា"ដែលការប្រឡងប្រណាំងនេះគឺរវាងប្រជាកសិករអ្នកប្រើប្រាស់ពូជដំឡូងមីផ្សេងៗគ្នា ចំណែកក្រុមហ៊ុនហ្គូតវ៉េ(Good ways)អាស៊ីមិនបានចូលរួមប្រឡងប្រណាំងទេ គ្រាន់តែជាអ្នកធ្វើអាជ្ញាកណ្តាលក្នុងការដាក់ពិន្ទុរួចប្រមូលទិញដំឡូងធ្វើការនាំចេញទៅក្រៅប្រទេសតែប៉ុណ្ណោះ។

ពិធីតាំងពីពណ៌នេះរៀបចំធ្វើនៅក្នុងទីតាំងក្រុមហ៊ុនGood ways តែម្តងក្នុងស្រុកភ្នំព្រឹកថ្ងៃទី៦មីនានេះ និងមានការដាក់តាំងមើលនិងដើមដំឡូងមីពូជន៏ដូងប្រេងនិងផលិតផលកសិកម្មចម្រុះផ្សេងៗទៀតរួមនិងគ្រឿងចក្រដែលទាក់ទងនិងការបំរើឲ្យវិស័យកសិកម្ម តាមបែបសម័យទំនើបផងដែរ។

ឯកឧត្តមប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្មបានមានប្រសាសន៏ថា ផលិតផលដំឡូងមីត្រូវបានចាត់ទុកថាជាទំនិញសំខាន់ទី២បន្ទាប់ពីស្រូវ អង្ករដែលបានរួមចំណែកជំរុញកំណើនសេដ្ឋកិច្ចជាតិ។

ឯកឧត្តមបន្តថា​ ផលិតផលដំឡូងមីមានការអភិវឌ្ឍន៏ទៅមុខជាលំដាប់គិតចាប់ពីឆ្នាំ២០១១ដែលផ្ទៃដីដាំដុះប្រមាណ៤០ម៉ឺនហិកតានិងមានការថយចុះបន្តិចមកត្រឹម៣២ម៉ឺនហិកតាក្នុងឆ្នាំ២០១២ប៉ុន្តែបានកើនឡើងវិញចំនួន៤២ម៉ឺន១ពាន់ហតក្នុងឆ្នាំ២០១៣និងផ្តល់ទិន្នផលប្រមាណ៨លានតោនក្នុងឆ្នាំ២០១៣(តាមសៀវភៅកំណត់ត្រាក្នុងឆ្នាំ២០១៥របស់អង្គការUNDP)ហើយក្នុងឆ្នាំ២០១៥/១៦ផ្ទៃដីដាំដុះកើនឡើងរហូតដល់៥៧៣,៦២៤ហត,និងផ្តល់ទិនផលសរុបប្រមាណ១៣លានតោន។

ឯកឧត្តមបន្តថា ផលិតផលដំឡូងមីប្រមាណ៩០%ត្រូវបានលក់ទៅឲ្យប្រទេសវៀតណាមនិងប្រទេសថៃជាដើមដំឡូងមីស្រស់និងជាចំណិតដំឡូងមីក្រៀមនិងម្សៅដំឡូងមី៕ផលិតផលដែលប្រទេសវៀតណាមនិងថៃទិញពីកម្ពុជាត្រូវបានលក់បន្តទៅឲ្យទីផ្សាអន្តរជាតិជាពិសេសទីផ្សាប្រទេសចិនដែលជាទីផ្សាធំជាងគេក្នុងពិភពលោក តែពេលនេះទីផ្សានេះនិងមកទិញត្រង់ដល់កម្ពុជាតែម្តង។

លោកឈរ ម៉ារិទ្ធ ប្រធានក្រុមហ៊ុនហ្គូតវ៉េបានមានប្រសាសន៏ទៅកាន់ប្រជាកសិករថា៖ការដាំដុះដំឡូងមី,ការនាំដំឡូងមីទៅកាន់ប្រទេសចិនរបស់កម្ពុជានៅមានលក្ខណៈស្តួចស្តើង,វេទិការនេះបានផ្តល់ឱកាសឲ្យប្រជាកសិករបានផ្លាស់ប្តូរយោបល់គ្នារវាងអ្នកផលិតនិងអ្នកទិញនាំចេញ៕

លោកបន្តថា សុំឲ្យប្រជាកសិករជំរុញការដាំដុះឲ្យបានច្រើនថែមទៀតដោយសារទីផ្សាបញ្ឈរទិញមានត្រឹមត្រូវច្បាស់លាស់មិនឲ្យប្រជាកសិករអស់សង្ឃឹមនិងពិបាកក្នុងការរកទីផ្សាទៀតឡើយ ប៉ុន្តែតម្លៃទៅតាមទីផ្សាអន្តរជាតិនិងមានការកើនតម្លៃជាងមុនដោយសារប្រជាកសិករមិនចាំបាច់កាប់កញ្ចាំលក់ទៀតទេក្រុមហ៊ុនទិញដំឡូងមីស្រស់តែម្តង។      

• ប្រជាសហគមន៍
• គុណភាព