រាជធានីភ្នំពេញ៖   នាព្រឹកមិចថ្ងៃទី២៣កុម្ភៈ ឆ្នាំ២០១៧និស្សិតសាកលវិទ្យាល័យជាតិគ្រប់គ្រងជាច្រើនរូបបានសហការរីករាយជាមួយសមាគមមិត្តសិល្បៈជួយសង្គមដែលមានអ្នកនាងចន ចន្ទ័លក្ខិណាជាអ្នកដឹកនាំព្រមទាំងមានតារាសម្តែងតារាចម្រៀងល្បីៗជាច្រើនរូបទៀតចូលរួមបំផុសចលនាបរិច្ចាកឈាមដល់មជ្ឈមណ្ឌលជាតិផ្តល់ឈាម។ ជារឿយៗមួយរយៈនេះសមាគមមិត្តសិល្បៈជួយសង្គមតែងតែផ្តល់កិច្ចការជាច្រើនជួយដល់ការងារសង្គមទាំងផ្នែកមនុស្សធម៌ព្រមទាំងកិច្ចការសង្គមមួយចំនួនទៀត។ ថ្មីៗនេះសមាគមខាងលើនេះថែមទាំងបំផុសចលនាពាក់មួកសុវត្ថិភាពដល់ប្រជាជនថែមទាំងចុះចែកមួកសុវត្ថិភាពដល់អ្នកបើកបរម៉ូតូទៀតផង។ នេះជាការគិតគូដល់ប្រជាពលរដ្ឋគ្រប់ទិសទីមិនថាតែជាតារាឬមហាជននោះទេតែងតែជួយចែករំលែកការលំបាកសម្រួលតាមលទ្ឋភាពទោះតិចឬច្រើនជាទឹកចិត្តមួយ។  នៅកម្មវិធីបរិច្ចាកឈាមនោះតារាជាច្រើ បានសម្រុកចូលទៅផ្តល់ឈាមព្រមៗគ្នាធ្វើឲនិស្សិតទាំងអស់រំភើបចិត្តក៍បានចូលរួមសហការផ្តល់ឈាមជាមួយបងៗតារាទាំងអស់ក្នុងបរិយាកាសស្និតស្នាល។           

• តារាល្បីៗ
• និស្សិត
• បូមឈាម