រាជធានីភ្នំពេញ៖  យោងតាមសេចក្តីជូនដំណឹងមួយរបស់ក្រុមសមាគមសម័ព្ធនិស្សិតបញ្ញាវន្តខ្មែរ ដែលដឹកនាំដោយលោក មួង សូនី បានអះអាងថា ពួកខ្លួនជា"យុវជន កែម ឡី និយម" គ្រោងនឹងបញ្ចាំងវីដេអូរបស់ទូរទស្សន៍អាល់ហ្សាហ្សេរ៉ា (Al Jazeera) ស្ដីអំពីឃាតកម្មមកលើបណ្ឌិត កែម ឡី នូវល្ងាចថ្ងៃអាទិត្យទី១២ ខែមីនា ជូនសិស្ស និស្សិតចំនួនជាង៤០នាក់ ដោយមានបណ្ឌិត ឡៅ ម៉ុងហៃ ចូលរួមជាវាគ្មិនផងដែរ ។តែសមត្ថកិច្ចបានលើកឡើងថាសកម្មភាពនេះមិនអនុញ្ញាតឲ្យបញ្ចាំងទេ។

កម្មវិធីបញ្ចាំងវីដេអូរបស់ក្រុមយុវជន នឹងចាប់ផ្ដើមពីម៉ោង ២ ដល់ ម៉ោង ៥ ល្ងាច ថ្ងៃអាទិត្យ ទី១២ មីនា នៅទីស្នាក់ការសមាគមសម្ព័ន្ធនិស្សិតបញ្ញវន្តខ្មែរ និងអង្គការពលរដ្ឋដើម្បីអប់រំ ដែលមានអាសយដ្ឋានផ្ទះលេខ A13  ផ្លូវលេខ ១០៧ ភូមិទួលសង្កែ សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ៕

យោងតាមលោក មួង សូនី បានបញ្ជាក់ប្រាប់បណ្ដាញសារព័ត៌មានថា ក្រុមរបស់លោកនឹងបញ្ចាំងវីដេអូ"ទូរទស្សន៍អាល់ហ្សាហ្សេរ៉ា" ប្រវែងជិតកន្លះម៉ោង ដោយមានការបកប្រែជាភាសាខ្មែរផង និងវីដេអូឯកសារពាក់ព័ន្ធនឹងឃាតកម្មបណ្ឌិត កែម ឡី នៅស្តារម៉ាត" កាល់តិច បូកគោ " ដែលត្រូវបានគេបង្ហាញនៅតុលាការដោយលោកអះអាងថាមានចំណុចគួរឲ្យសង្ស័យជាច្រើនមានចំណុចសង្ស័យមួយចំនួន ដែលយើងមើលឃើញថា វីដេអូហ្នឹងត្រូវបានគេបង្កើតឡើង។ លោកបានលើកឡើងថា ឧទាហរណ៍ដូចជារូបភាពបាញ់សម្លាប់នៅស្តារម៉ាតហ្នឹងឃើញអាក់ៗតែរូបភាពនៅខាងក្រៅឃើញច្បាស់ ហើយក្នុងស្តារម៉ាតហ្នឹងមានកាមេរ៉ាច្រើនណាស់ តែគេបង្ហាញតែមួយជ្រុង»។

លោក មួង សូនី ប្រាប់សារព័ត៌មានបន្ថែមទៀតថា ការរៀបចំបញ្ចាំងនេះ គឺគម្រប់ខួប៨ខែ នៃការបាញ់ប្រហារបណ្ឌិត កែម ឡី ផង និងមុនពេលតុលាការប្រកាសសាលក្រមលោក អឿត អាងហៅជួបសម្លាប់នៅថ្ងៃទី២៣ ខែមីនា ក្រោមបទបរិហារកេរ្តិ៍រដ្ឋាភិបាល ពាក់ព័ន្ធនឹងឃាតកម្មនេះផងដែរថា៖ «នៅក្នុងលក្ខខណ្ឌណាដែលរដ្ឋាភិបាលមិនព្រមស្វែងរកការពិត តុលាការមិនព្រមរកយុត្តិធម៌ បង្ហាញភស្តុតាងដូចជាកាមេរ៉ា កាត់ទោសដោយតម្លាភាព ដែលគេអាចជឿទុកចិត្តបានទេ មន្ទិលសង្ស័យទាំងអស់ហ្នឹង ពូកគេនៅតែរុញច្រានដាក់រដ្ឋាភិបាលដដែល»។                       

• ក្រុមនិស្សិត
• កែម ឡី
• សកម្មភាព
• សម្លាប់