រាជធានីភ្នំពេញ៖ សាលាឧទ្ធរណ៍ នៅព្រឹកថ្ងៃទី១៥ ខែកុម្ភៈ នេះ បើកសវនាការរឿងក្ដីអ្នកស្រី ទេព វន្នី តំណាងសហគមន៍បឹងកក់ និង ស្រ្តី៣នាក់ទៀតក្រោមបទចោទ ពាក់ព័ន្ធករណីប្រមាថអ្នករាជការសាធារណៈនិងប្រឆាំងនឹងអ្នករាជការសាធារណៈមានស្ថានទម្ងន់ទោស ។

សវនាការនេះ ដឹកនាំដោយលោក ញូង ធុល អនុប្រធានសាលាឧទ្ធរណ៍ លោក ប៉ាក ច័ន្ទសំបូរ លោកស្រី យ៉េត ម៉ូលីន ជាចៅក្រមប្រឹក្សា និង លោក ស យសថាវរៈ ជាតំណាងមហាអយ្យការ ។ក្នុងចំណោមជនជាប់ចោទ៤នាក់ មានតែអ្នកស្រី ទេព វន្នី ម្នាក់ប៉ុណ្ណោះដែលកំពុងជាប់ ពន្ធ នាគារ  រីឯជនជាប់៣នាក់ផ្សេងទៀត រស់នៅក្រៅឃុំ ។

អ្នកស្រីទេពវន្នីបាននិយាយថា”ពួកខ្ញុំមិនអាចចូលសវនាការជាមួយតុលាការនេះបានទេ។បានកាត់ទោសពួកខ្ញុំរងភាពអយុត្តិធម៌បែបនេះទេ។ព្រោះភាពអយុត្តិធម៌នេះដែលបង្ហាញពីភាពអសន្តិសុខក្នុងប្រទេស។វាមិនផ្តល់សេចក្តីដល់ប្រជារាស្រ្តខ្មែរនិងប្រជាពលរដ្ឋទេ។ក្នុងនាមជាប្រជាពលរដ្ឋខ្មែរត្រូវតែទាមទារឲ្យតុលាការផ្តល់កិត្តិយសដល់ពួកខ្ញុំទាំងអស់គ្នា”។

គួររំលឹកថា ស្ត្រីបឹងកក់៤នាក់ ត្រូវបានសាលាដំបូងរាជធានីភ្នំពេញ ប្រកាសសាល ក្រមកាលពី ព្រឹកថ្ងៃទី១៩ ខែកញ្ញា ឆ្នាំ២០១៦ ផ្តន្ទាទោសដាក់ពន្ធនាគារក្នុងម្នាក់ៗ៦ខែ ដោយគ្មាន ការពិន័យ ជាប្រាក់នោះទេ  ។ លោក លី សុខលេង ចៅក្រមជំនុំជម្រះសាលាដំបូងរាជធានីភ្នំពេញ បាន ផ្តន្ទាទោសឈ្មោះ ទេព វន្នី ឈ្មោះ បូ ឆវី ឈ្មោះ គង់ ចន្ថា និង ឈ្មោះ ហេង មុំ  ។

ជនជាប់ចោទទាំង៤នាក់បានឆ្លើយបដិសេធនាពេលសវនាការថាពួកគាត់ទាំង៤នាក់មិនបាន ប្រមាថនិងប្រឆាំងអ្នករាជការសាធារណៈទេកាលពីថ្ងៃនោះពួកគាត់គ្រាន់តែយកញត្តិមកដាក់នៅសាលារាជធានីភ្នំពេញតែប៉ុណ្ណោះ។ទោះជាយ៉ាងណាលោក ញូង ធុល អនុប្រធានសាលា ឧទ្ធរណ៍បានសម្រេចលើកពេលប្រកាសសាដីការរឿងខាងលើនេះនៅព្រឹកថ្ងៃទី២៧ខែកុម្ភៈឆ្នាំ២០១៧ខាងមុខនេះ។

តែជនជាប់ចោទមិនសុខចិត្តចំពោះការសម្រេចរបស់សាលាដំបូងរាជធានីភ្នំពេញក៍បានដាក់ពាក្យប្តឹឧទ្ធរណ៍ប្រឆាំងការសម្រេចនេះដែលស្រ្តីទាំង៤នាក់អះអាងថាតុលាការសម្រេចនេះមិនយុត្តិធម៌ចំពោះពួកគាត់ទេ។ជនជាប់ចោទបានលើកឡើងថាពួកគាត់មិនបានប្រព្រឹត្តដូចបទចោទទេសូមតុលាការដោះលែង។នៅខាងក្រៅតុលាការមានអ្នកគាំទ្រជាង១០នាក់បានទាមទារឲ្យតុលាការដោះលែងជនជាប់ចោទឲ្យមានសេរីភាពវិញ។

សូមបញ្ជា់ថា៖សាលាដំបូងរាជធានីភ្នំពេញបានផ្តន្ទាទោសស្ត្រីបឹងកក់៤នាក់ ក្រមកាលពីព្រឹកថ្ងៃទី១៩ ខែកញ្ញា ឆ្នាំ២០១៦ ផ្តន្ទាទោសដាក់ពន្ធនាគារក្នុងម្នាក់ៗ៦ខែ ដោយគ្មានការពិន័យជាប្រាក់នោះទេ  ។ លោក លី សុខលេង ចៅក្រមជំនុំជម្រះសាលាដំបូងរាជធានីភ្នំពេញ បានផ្តន្ទាទោសឈ្មោះ ទេព វន្នី ឈ្មោះ បូ ឆវី ឈ្មោះ គង់ ចន្ថា និង ឈ្មោះ ហេង មុំ  ។

តុលាការបានរកឃើញទោសថាស្រ្តីជាប់ចោទពីបទ "ប្រមាថអ្នករាជការសាធារណៈនិងបទប្រឆាំង នឹងអ្នករាជការសាធារណៈ មានស្ថានទម្ងន់ទោស តាមមាត្រា ៥០២ និងមាត្រា ៥០៤ នៃក្រមព្រហ្មទណ្ឌ ប្រព្រឹត្តនៅមុខ សាលារាជធានីភ្នំំពេញ កាលពីថ្ងៃទី២៨ ខែវិច្ឆិកា ឆ្នាំ២០១១ ដែលករណីនេះ សាលារាជធានី ភ្នំពេញ ជាដើមបណ្ដឹង ៕

• សាលាឧទ្ធរណ៍
• ស្រ្តីបឹងកក់
• ប្រមាថ
• សុំដោះលែង