រាជធានីភ្នំពេញ ៖ ស្ត្រីម្នាក់ រួមជាមួយថ្នាំញៀន១កូនកញ្ចប់ធំ ត្រូវបានកម្លាំងសមត្ថកិច្ចប៉ុស្តិ៍រដ្ឋបាលនគរបាលច្បារអំពៅ២ ធ្វើការឃាត់ខ្លួនភ្លាមៗ ខណះកំពុងត្រៀមចែកចាយលក់បន្ត នៅចំណុចផ្ទះជួលគ្មានលេខ ភូមិដើមស្លែង១ សង្កាត់ច្បារអំពៅ២ ខណ្ឌច្បារអំពៅ នាវេលាម៉ោង ៨ និង៣០នាទីព្រឹកថ្ងៃទី១៣ ខែកុម្ភះ ឆ្នាំ២០១៧នេះ ។

ស្ត្រីជួញដូរថ្នាំញៀនរូបនេះ មានឈ្មោះ លី គឹមហ៊ួ ហៅតើយ អាយុ៤២ឆ្នាំ ជាជនជាតិវៀតណាម មុខរបរមិនពិតប្រាកដ  បច្ចុប្បន្នស្នាក់នៅផ្ទះជួលគ្មានលេខ  ភូមិដើមស្លែង១ សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពញ ។

ក្នុងការឃាត់ខ្លួន សមត្ថកិច្ចដកហូតថ្នាំញៀនម្សៅក្រាមសថ្លា ហៅម៉ាទឹកកក ១កូនកញ្ចប់ធំ ។ បច្ចុប្បន្នជនសង្ស័យ និងវត្ថុតាងត្រូវបញ្ចូនទៅអធិការដ្ឋាននគរបាលខណ្ឌច្បារអំពៅ ដើម្បីបន្តនីតិវិធីច្បាប់ ៕                       

• ថ្នាំញៀន
• ច្បារអំពៅ២