រាជធានីភ្នំពេញ៖   ប្ដីប្រពន្ឋ២នាក់ដែលជួញដូរថ្នាំយ៉ាងសកម្មនៅម្ដុំបាចតុមុខស្ថិតក្នុងភូមិ១៦ សង្កាត់ស្រះចកខណ្ឌដូនពេញ ត្រូវកម្លាំងសមត្ថកិច្ចចុះឃាត់ខ្លួននិងដកហូតថ្នាំបានចំនួន៩កញ្ចប់តូចដោយផ្ទាល់ កាលពីវេលាម៉ោង៩និង២០នាទីយប់ ថ្ងៃទី១៥ ខែឧសភា ឆ្នាំ២០១៧ ។

កម្លាំងអធិការខណ្ឌដូនពេញដឹកនាំដោយលោកវរសេនីយ៍ឯក ហួត ចាន់យ៉ារ៉ាន់ បានដឹកនាំចុះបង្រ្កាបមុខសញ្ញាចែកចាយគ្រឿងញៀននៅទីតាំងខាងលើរហូតឃាត់ខ្លួនបានប្ដីប្រពន្ឋ២នាក់ដោយមិនស្គាល់អត្តសញ្ញាណ នឹងដកហូតថ្នាំញៀន៩កញ្ចប់តូច រួមជាមួយសម្ភារមួយចំនួនផងដែរ ។

បច្ចុប្បន្នជនសង្ស័យប្ដីប្រពន្ឋទាំង២នាក់ដែលឃាត់បានខ្លួនខាងលើត្រូវកម្លាំងសមត្ថកិច្ចដឹកបញ្ចូនមកកាន់អធិការដ្ឋាននគរបាលខណ្ឌដូនពេញរងចាំកងសាងសាណុំរឿងចាត់ការបន្តតាមនីតិវិធីច្បាប់៕                       

• កម្លាំង
• នគរបាល
• បង្ក្រាប
• ថ្នាំញៀន