ក្រោយរយៈជាច្រើនឆ្នាំដែលបានបើកការស្រាវជ្រាវ តាមដាននិងសួរចម្លើយ ការរំលោភបំពាន់ផ្លូវភេទលើកុមារអូស្ត្រាលីនៅព្រះវិហារកាតូលិក ក្នុងប្រទេសអូស្ត្រាលីត្រូវបានលាតត្រដាង។ សារព័ត៌មាន CNN ​បានដកស្រងរបាយការណ៍ ស្រាវជ្រាវបានបង្ហាញឲ្យឃើញថាចាប់តាំងពីឆ្នាំ​១៩៥៩មកទលឆ្នាំ​២០១៥ អាចារ ៧ភាគរយនៅក្នុងព្រះវិហាររងការចោទប្រកាន់រំលោភបំពាន់ផ្លូវភេទលើកុមារ ។ ចំពោះរបាយការខាងលើ មន្ត្រីជាន់ខ្ពស់សាសនាកាតូលិច លោក​ Francis Sullivan បានបញ្ចាក់នៅក្នុងសាវនាការកាលពីថ្ងៃទី​៦ខែកុម្ភៈថា តួលេខខាងលើពិតជាផ្ញាក់ផ្អើល នេះជារឿងអាស្រូវមិនអាច ការពារបានទៀតឡើយ។ ហើយក្នុងចំណោមនោះ គេជឿជាក់ថា ព្រះវិហារប្រមាណជា៤០ភាគរយ នៅទូទាំងប្រទេស ដែលមានការពាក់ព័ន្ធ ទៅសកម្មភាព រំលោភបំពាននេះ ក្នុងនោះដែរ កុមារប្រមាណជា ៤.៤០០នាក់ ដែលបានអះអាងថា បានក្លាយទៅជា ជនរងគ្រោះ គិតចាប់តាំងពី ឆ្នាំ១៩៨០ ដល់ឆ្នាំ២០១៥។ ម្នាក់ក្នុងចំណោម ជនរងគ្រោះ បាននិយាយថា គាត់ត្រូវបានគ្រូបង្រៀន នៅវិហារសាសនគ្រិស្ត បំពានផ្លូវភេទមកលើខ្លួន នៅក្នុងថ្នាក់រៀន និងដោយបានបញ្ជាឲ្យ សិស្សដទៃទៀតចេញទៅក្រៅ។ តាលលទ្ធផលស្រាវជ្រាវបង្ហាញឲ្យឃើញថា មានជនរង្គ្រោះជាច្រើន នៅលើពិភពលោក តែត្រូវបានបិទបាំង នៅតាមព្រះវិហារកាតូលិក។ នៅក្នុងរបាយការពេលមុនគឺមានការរំលោភបំពាន់ផ្លូវភេទនៅអាមេរិក អៀកឡង ប្រេស៊ីល ហុល្លង អាល្លឺម៉ងជាដើម។ កុមារដែលរងការរំលោភបំពាន់ផ្លូវភេទ គឺមានអាយុ ចាប់ពី​១០ឆ្នាំកន្លះ សម្រាប់កុមារី និង​១១ឆ្នាំកន្លះសម្រាប់កុមារ៉ា ។ ជាមួយគ្នានោះជនខិលខូចរហូតដល់ទៅ​១.៨៨០នាក់ត្រូវបានគេស្គល់អត្តសញ្ញាណ ​ក្នុងនោះមាន អ្នកបួស​៣២ភាគរយ  ៣០ភាគរយជាអាចារ្យ ២៩ភាគរយ ជាសាសនិក និង​៥ភាគរយជាអ្នកបួសស្រី៕

• ផ្លូវភេទ
• អូស្ត្រាលី
• ពិភពលោក