អាមេរិកបានចុះកិច្ចព្រមព្រៀងលក់អាវុធមានតម្លៃរហូតដល់ទៅ​៤០,២​ពាន់លានដុល្លារដល់បណ្តាលប្រទេសជុំវិញពិភពលោក ស្មើរនិងពាក់កណ្តាលនៃតម្លៃលក់អាវុធលើពិភពលោកទាំងមូលដែលមានតែ ៨០ពាន់លានដុល្លសរតែប៉ុណ្ណោះ។

សារព័ត៌មាន​ The new York Times បានដកស្រងប្រភពព័ត៌មានពីអង្គការស្រាវជ្រាវ​របស់សភា​អាមេរិក CRS បានឲ្យដឹងថា​នៅក្នុងឆ្នាំនេះ  អាមេរិកបានចុះកិច្ចព្រមព្រៀងលក់អាវុធមានតម្លៃរហូតដល់ទៅ ៤០,២ពាន់លានដុល្លារ  ឈរលំដាប់ទីមួយលើពិភពលោក​ក្នុងបញ្ចីប្រទេសលក់អាវុធទៅក្រៅច្រើនបំផុត។

 ប្រទេសដែលផលិតអាវុធនិងលក់ទៅក្រៅច្រើនបន្ទាប់ពីអាមេរិកមាន ប្រទេសបារាំង រុស្ស៊ីនិងចិន ។ចំណែករុស្ស៊ីបានលក់អាវុធទៅក្រៅមានតម្លៃប្រមាណ​១១,១ពាន់លានដុល្លារ។ អ្វីដែលគួរឲ្យគត់សម្គលនោះអាវុធ​ដល់ទៅ​៨១ភាគរយ ស្មើរ​៦៥ពាន់លានដុល្លារ លក់ទៅឲ្យប្រទេសកំពុងអភិវឌ្ឍន៍ ស្ថិតនៅតំបន់អឺរ៉ុបខាងកើត ដែលមានវិវាទជាមួយរុស្ស៊ីនិង តំបន់អាស៊ី។

ចំណែកប្រទេសដែលទិញអាវុធច្រើនជាងគេនោះគឺអារ៉ាប៊ីសាអូឌិត និងឥណ្ឌា ដើម្បីពង្រឹងសម្ថភាពការពារអធិបតេយ្យរបស់ខ្លួន៕

• អាមេរិក
• អាវុធ
• ពិភពលោក