ខេត្តព្រះសីហនុ៖ ស្ត្រីជាមុខសញ្ញាចែកចាយគ្រឿងញៀនម្នាក់ ត្រូវបានកម្លាំងសមត្ថកិច្ចនៃស្នងការដ្ឋាននគរបាលខេត្តព្រះសីហនុ ធ្វើការបង្ក្រាបបាន នៅព្រលប់ថ្ងៃទី១ខែកុម្ភៈឆ្នាំ២០១៧កន្លងទៅនេះនៅភូមិ៣ សង្កាត់២ ក្រុងព្រះសីហនុ ។

ជនសង្ស័យឈ្មោះថៃ នារី ភេទស្រី អាយុ ៣៧ឆ្នាំមានស្រុកកំណើតខេត្តព្រៃវែងមុខរបរបំរើការងារនៅហាងជនបរទេស ក្នុងក្រុងព្រះសីហនុ ។

ក្នុងការឃាត់ខ្លួនសមត្ថកិច្ចដកហូតបានថ្នាំញៀនមេតំហ្វេតាមីន ចំនួន ២២កញ្ចប់ ( ៨កញ្ចប់ធំនិង១៤កញ្ចប់តូច ) ។ បច្ចុប្បន្នជនសង្ស័យត្រូវបានឃុំខ្លួនបណ្តោះអាសន្ននៅស្នងការដ្ឋាននគរបាលខេត្តរងចាំកសាងនីតិវិធីបញ្ចូនទៅតុលាការចាត់ការតាមនីតិវិធីច្បាប់នៅពេលក្រោយ ៕

• ស្រ្តីម្នាក់
• ថ្នាំញៀន