ប្រធានាធិបតីអាមេរិកដូណាលត្រាំ នឹងចុះហត្ថលេខា លើច្បាប់សំខាន់ទី​៣  កាត់បន្ថយចំនួនជនអន្តោបវេសចូលមកទឹកដីអាមេរិក ពិសេសគឺពលរដ្ឋដែលមកពីតំបន់មជ្ឈឹមបូព៌ា​និងទ្វីបអាហ្វ្រិក ។ ទទឹមនឹងនោះ លោកត្រាំក៏នឹងអនុវត្តិ​សាងសង់ជញ្ជាំងព្រំដែនជាប់ប្រទេសមិចស៊ីកូផងដែរ។

សារព័ត៌មាន​ Guardian ​បានផ្សាយថា លោកត្រាំ និយាយនៅក្នុងបណ្តាញសង្គម​ ?Twitter កាលពីយប់ថ្ងៃទី​២៤ខែមករាថា លោកនឹងកាត់បន្ថយចំនួនជនភៀសខ្លួនចូលក្នុងទឹកដីអាមេរិក​ ដោយសាងសង់ជិញ្ជាំងព្រំដែនជាប់ប្រទេសមិចស៊ីកូ។នៅក្នុងគម្រោងកាត់បន្ថយជនៀសខ្លួនចូលអាមេរិក ជនភៀសខ្លួនមកពី អីរ៉ាក់ លីបី​ សូម៉ាលី សូដង  ស៊ីរី​និងយ៉េម៉ែន ពិបាកក្នុងការសុំសិទ្ធជ្រោកកោណនៅអាមេរិក។

ការដែលកាត់បន្ថយចំនួនពលរដ្ឋ​ចូលក្នុងទឹកដីអាមេរិក របស់លោកត្រាំបានក្លាយទៅជា ចំណុចរិះគន់ថ្កោលទោសពីមនុស្សជាច្រើន​ ក្នុងទឹកដីអាមេរិក ដែលមានជនអន្តោបវេសជាច្រើនរស់នៅទីនោះ។លោកត្រាំបញ្ចាក់ថា ការកាត់បន្ថយចំនួនជនអន្តោបវេសចូលទឹកដីអាមេរិក គឺជួយដល់អាមេរិកមានសុវត្ថភាពជាងនេះ គេចផុតពីការគំរាមកំហែងពីក្រុមភេរវកម្ម ដែលចូលមកតាមជនភៀសខ្លួន៕

• ដូណាលត្រាំ
• ហត្ថលេខា
• ជនភៀសខ្លួន
• អាមេរិក