|
 |
MENU
|
|
|
|
MENU
|
ភ្នំពេញ៖យោងតាមសេចក្តីប្រកាសព័ត៌មានក្រសួងការបរទេសបានឲ្យដឹងថាបន្ទាប់ពីទទួលបានព័ត៌មានស្តីពីករណីស្ត្រីខ្មែរ១រូបឈ្មោះហ៊ីមស្រីដែលបានទៅធ្វើការជាអ្នកបម្រើតាមផ្ទះនៅប្រទេសអារ៉ាប៊ីសាអូឌីត លោករដ្ឋមន្រ្តីការបរទេសបានណែនាំដល់ស្ថានទូតជួយដល់នាង។ស្ត្រីឈ្មោះ ហ៊ីម ស្រីដែលជាស្ដ្រីខ្មែរអ៊ីស្លាមមួយរូប កំពុងជួបការលំបាកក្នុងការងារ ដោយមានសុខភាពខ្សោយ និងមិនអាចប្រឈមជាមួយអាកាសធាតុត្រជាក់នៅប្រទេសអារ៉ាប៊ី សាអូឌីត ។
លោកឧបនាយករដ្ឋមន្រ្តី ហោ ណាំហុង រដ្ឋមន្រ្តីការបរទេស និងសហប្រតិបត្តិការអន្តរជាតិ បានណែនំាឲ្យស្ថានឯកអគ្គរាជទូតកម្ពុជាប្រចាំរដ្ឋកូវ៉ែត ឲ្យយកចិត្តទុកដាក់អន្តរាគមន៍ជួយស្ត្រីឈ្មោះ ហ៊ីម ស្រីដែលជាស្ដ្រីខ្មែរអ៊ីស្លាមមួយរូប កំពុងជួបការលំបាកក្នុងការងារ ដោយមានសុខភាពខ្សោយ និងមិនអាចប្រឈមជាមួយអាកាសធាតុត្រជាក់នៅប្រទេសអារ៉ាប៊ី សាអូឌីត ឲ្យបានវិលត្រឡប់មកមាតុប្រទេសវិញ តាមបំណងប្រាថ្នា។
ក្រសួងការបរទេសបន្តថាក្រោយពីមានការអន្តរាគមន៍យ៉ាងស្វិតស្វាញរបស់ស្ថានទូត ក្រុមហ៊ុននាំពលករ និងម្ចាស់ផ្ទះ បានយល់ព្រមរៀបចំឲ្យស្ត្រីឈ្មោះ ហ៊ីម ស្រី វិលត្រឡប់ មក កម្ពុជាវិញ ដោយផ្តល់សំបុត្រយន្តហោះពីទីក្រុងរីយ៉ាត មកទីក្រុងបាងកក ហើយ ក្រុម ហ៊ុន មកទទួលបន្តនៅបាងកក ធ្វើដំណើរមកកម្ពុជា តាមច្រកអន្តរជាតិប៉ោយប៉ែត ។ស្ត្រីឈ្មោះ ហ៊ីម ស្រីនឹងមកដល់បាងកកនៅថ្ងៃទី២០ខែកុម្ភៈឆ្នាំ២០១៦វេលាម៉ោង១១:៣៥ នាទី តាមជើងយន្តហោះ QR ០៨៣៤ ។
