ជាលើកទី​មួយក្នុងរយៈពេល​៤ទស្សវត្តកន្លងមកប្រទេសសាឌីអារ៉ាប៊ី​បានប្រហារជីវិត្ត សមាជិកក្នុងរាជវង្សសានុវង្ស​ពីបទឃាតកម្ម ។ការប្រហារជីវិត្តអាចត្រូវកាត់ក្បាលនៅមុខមហាជន។

សារព័ត៌មានញ៉ូវយកថាមស៍​បានផ្សាយថា តាមប្រភពព័ត៌មានពីសាឌីអារ៉ាប៊ី ព្រះរាជបុត្រ  Turki Bin Saud al kabeer ត្រូវកាត់ទោសប្រហារជីវិត្តកាលពីថ្ងៃទី​១៨ខែតុលា​ក្នុងទីក្រុង Riyadh ដោយសារតែបានបាញ់សម្លាប់បុរសម្នាក់នៅក្នុងជម្លោះមួយ។

សារព័ត៌មាន​សាឌីអារ៉ាប៊ីមិនបានបញ្ចាក់ថា​ការប្រហារជីវិត្តដោយវិធីសាស្ត្រណានោះឡើយ។ប៉ុន្តែ ភាគច្រើនការប្រហារជីវិត្តនៅទីនេះ​ភាគច្រើនកាត់ក្បាលនៅមុខមហាជន ។ ការប្រហារជីវិត្តនោះមានធ្វើឲ្យមានការផ្ញាក់ផ្អើលយ៉ាងខ្លាំងពីមហាជនតាមបណ្តាញសង្គមដោយសារតែនេះជាលើកទីមួយដែលសមាជិករាជវង្ស សាឌី​ត្រូវប្រហារជីវិត​។ កាលពីឆ្នាំ​១៩៧៥ ព្រះរាជបុត្រ​ Faisal Bin Musaid ត្រូវប្រហារជិវិត ពីបទធ្វើឃាតព្រះមហាក្សត្រ Faisal ។

មនុស្សជាច្រើនបានលើកឡើងថា​ពួគេមិននឹកស្មានដល់ថាមានហេតុការបែបនេះកើតឡើង ហើយមតិជាច្រើនទៀត បានបញ្ចាក់ថា ទាំងនោះជាភាពយុត្តិធម៌នៅក្នុងសង្គម  ក្នុងប្រព័ន្ធច្បាប់ដឹកនាំប្រទេស  អ្នកដែលធ្វើខុសទោះកូនស្តេចក៏ត្រូវទទួលទោសស្មើរគ្នានិងពលរដ្ឋផងដែរ។

លោក​ Abdul Rahman មេធាវីដ៏ល្បីរបស់សាឌីអារ៉ាប៊ី​បានបញ្ចាក់ថា «ទាំងនោះគឺជារឿងដ៏អស្ចារ្យបំផុត ដោយពលរដ្ឋបានមើលឃើញយ៉ាងច្បាស់ថា ច្បាប់អនុវត្តទៅលើមនុស្សគ្រប់រូប មិនប្រកាន់ អ្នកមាន​ អ្នកក្រ អ្នកមានអំណាចនោះឡើយ។

នៅក្នុងឆ្នាំនេះ​សាឌីអារ៉ាប៊ីបានកាត់ទោសប្រហារជីវិត្តមនុស្ស​១៤៣នាក់ហើយ ។ ចំណែកសាចញ្ញាត្តិរាជវង្សានុវង្ស​ទទួលបានអាទិភាពជាង​ពលរដ្ឋ​ ជាង​២០លាននាក់រស់នៅក្នុងប្រទេសនេះ។ ទាំងនោះហើយការប្រហារជីវិត្ត​ខាងលើបង្ករឲ្យមានការកផ្ញាក់ផ្អើលយ៉ាងខ្លាំង៕

• សាឌីអារ៉ាប៊ី
• ប្រហាជីវិត្ត
• ព្រះរាជបុត្រ
• រាជវង្ស