ទាហានឥណ្ឌានិងប៉ាគិស្ថាន​កាលពីថ្ងៃទី​១ខែមករា បានបះទង្គិគ្នាដោយអាវុធធុនធ្ងន់​ ។ទាហានប្រទេសទាំងពីរបានបើកការវាយប្រហារទៅលើ ទីតាំគ្រប់គ្រងរបស់ប្រទេសនិមួយៗស្ថិតនៅតាមបណ្តោយព្រំដែន ស្រុក Poonch ជាប់ព្រំដែនគ្រប់គ្រង LoC បែកចេកតំបន់កាស្មៀទៅជា​២ចំណែក។

ស្រុក​ Poonch ស្ថិតនៅចម្ងាយពីទីក្រុង​ Srinagar តំបន់កាស្មៀ គ្រប់គ្រងដោយឥណ្ឌា ។ មន្ត្រីការពារជាតិឥណ្ឌាបានឲ្យដឹងថា ការផ្ទុះអាវុធដាក់គ្នាកើតឡើងនៅវេលាម៉ោង ១០ព្រឹក  អូសបន្លាយរហូតដល់ទៅ ៣ម៉ោង។ មកទលពេលនេះមិនទាន់មានព័ត៌មានស្តីពីការស្លាប់ឬរបួស នៅឡើយ។

បន្ទាត់ព្រំដែន​ LoC កាត់ផ្តាច់តំបន់កាស្មៀរ ស្ថិតនៅជើងភ្នុំ ហែមពាន ( Himalaya) ជាពីរចំណែក មួយចំណែកគ្រប់គ្រងដោយឥណ្ឌានិង មួយចំណែកទៀតគ្រប់គ្រងដោយប៉ាគិស្ថាន។ប៉ុន្តែប្រទេសទាំងពីរបានប្រកាស ថា តំបន់កាស្មៀរទាំងមូលគឺជារបស់ខ្លួន។

បើទោះបីមានកិច្ចព្រមព្រៀងឈប់បាញ់កាលពីឆ្នាំ​២០០៣មក តែទាហានប្រទេសទាំងពីរបានផ្ទុះអាវុធដាក់គ្នាជាញឹកញ៉ាប់ ដោយចោទប្រកាន់គ្នាទៅវិញទៅមក ជាអ្នកបំពាន់បទឈប់បាញ់។

នៅថ្ងៃទី​១ខែមករាមេបញ្ចាការកងទ័ពឥណ្ឌា  ឧត្តមសេនី​ Bipin Rawat បានប្រកាសថា ទាហានប្រទេសនេះចង់ឲ្យមានសន្តិភាព លើពិភពលោក ប៉ុន្តែឥណ្ឌាមិនស្ទាក់ស្ទើរនៅក្នុងការប្រើកម្លាំងទ័ពពេលចាំបាច់។

កាលពីឆ្នាំ​២០១៦ ទាហានឥណ្ឌារងការខូចខាតជាច្រើនដោយសារតែការវាយប្រហារតាមព្រំដែន  ដោយមានទាហាន​ជាង​៦០នាក់ស្លាប់ ៕

• ទាហាន
• ឥណ្ឌា
• ប៉ាគិស្ថាន
• អាវុធ