រាជធានីភ្នំពេញ៖  បងប្អូនប្រជាពលរដ្ឋ ជាង៣០នាក់តំណាងឲ្យពលរដ្ឋ រាប់រយ រាប់ពាន់គ្រួសារ ដែលមានទីលំនៅក្នុងបុរីសន្តិភាព២ កើតក្តីរអ៊ូរទាំ បន្ទាប់ពីមានបំណែងចែក ភូមិបាល ដី ប្រជាពលរដ្ឋ ទូទាំងបុរីសន្តិភាព២ ដកចេញពីការគ្រប់គ្រង របស់សង្កាតើចោមចៅ ខណ្ឌពោធិ៍សែនជ័យ ទោឲ្យ សង្កាត់ពងទឹក ខណ្ឌដង្កោគ្រប់គ្រងវិញ ហើយពលរដ្ឋជួបការលំបាក ក្នុងធ្វើកិច្ចការងារ រដ្ឋបាល ឯកសារសាធារណ លិខិតបញ្ជាក់ផ្សេងៗ ខាងអាជ្ញាធរខណ្ឌ ដង្កោ មិនធ្វើ បញ្ជាក់ឲ្យពួកគាត់ ដោយរុញដាក់គ្នា ដេញត្រឡប់ មកខាងសង្កាត់ចោមចៅ ។

តាមប្រជាពលរដ្ឋ បានឲ្យដឹងថា បុរីសន្តិភាព២ កកើតឡើងតាំងពីឆ្នាំ២០០៦ បន្ទាប់ពីគោលការរាជរដ្ឋាភិបាល ត្រូវឲ្យពលរដ្ឋ មកពីតំបន់ដីក្រហម សង្កាត់ទន្លេបាសាក់ ខណ្ឌចំការមន កន្លងមក រហូតមកដល់ពេលនេះ កំណើនគ្រួសារមានរហូតដល់ទៅ២៣៤៥គ្រួសារ ពលរដ្ឋសរុបចំនួន៧០០៣៥នាក់ បែងចែកចេញជា០៨មណ្ឌល ។

ពលរដ្ឋបន្តទៀតថា ក្រោយពីពួកគាត់មករស់នៅក្នុងបុរីសន្តិភាព២ តាមគោលការរបស់រាជរដ្ឋាភិបាល ស្ថិតក្រោមការគ្រប់គ្រង ផ្នែកភូមិបាល សង្កាត់ចោមចៅ ខណ្ឌពោធិសែនជ័យ តែដោយសារ អត្រាកំណើនប្រជាពលរដ្ឋ ហើយសម្រួលដល់ការគ្រប់គ្រងលើកិច្ចការងាររដ្ឋបាល សាធារណៈ លុះរហូតមកដល់ ព្រឹកថ្ងៃទី១៦ ខែធ្នូ ឆ្នាំ២០១៦ ។

កន្លងមកថ្មីៗនេះ សម្រេច ឯកភាព និងចុះមកពិនិត្យផ្ទាល់ រវាងលោកអភិបាលខណ្ឌ ពោធិ៍សែនជ័យ មានលោក ហែម ដារិទ្ធ ជាមួយលោក អភិបាលខណ្ឌដង្កោ មានលោក នុត ពុធដារា រួមទាំងមប្រ្តីសាលាខណ្ឌ កងកម្លាំង របស់ខណ្ឌទាំង២ចូលរួម និងសម្រេចប្រគល់ ដី ពលរដ្ឋ បុរីសន្តិភាព២ ទៅឲ្យ ខាងអាជ្ញាធរ ខណ្ឌដង្កោជាអ្នកគ្រប់គ្រងវិញ ។

ជួបជាមួយពលរដ្ឋជាង៣០នាក់ តំណាងឲ្យពលរដ្ឋ ២៣៤៥គ្រួសារ ទូទាំងបុរីសន្តិភាព២ នៅរសៀលថ្ងៃទី២៨ ខែធ្នូ ឆ្នាំ២០១៦ បានសម្តែងការរអ៊ូរទាមថា ក្រោយពី កាត់បុរីសន្តិភាពពីទៅឲ្យ ខណ្ឌដង្កោគ្រប់គ្រងនោះ ពួកគាត់ជួបការលំបាក់ ក្នុងការធ្វើឯកសារ លិខិតស្នាម បញ្ជាក់ផ្សេងៗ ខណៈដែលពួកគាត់ទៅ ធ្វើនៅ សង្កាត់ពងទឹក ឬខណ្ឌដង្កោ ។

ប្រពលរដ្ឋនិយាយថា អាជ្ញាធរទីនោះ មិនអនុញាតិឲ្យ រុញឲ្យទៅសង្កាត់ចោមចៅ រហូតពួកគាត់ រត់បកទៅសង្កាត់ចោមចៅ ថាកាត់ទៅឲ្យសង្កាត់ពងទឹក ខណ្ឌដង្កោរួចហើយ ពោលគឺ ទៅនេះអត់ ទៅខាងនោះអត់ តើឲ្យពួកគាត់ ទៅធ្វើ ឯកសារសាធារៈនៅទីណាវិញ កាលបើ ខាងខណ្ឌដង្កោ អត់ទទួលស្គាត់ ពលរដ្ឋបុរសន្តិភាព២ផងនោះ ។

ពលរដ្ឋសំណូមពរផងដែរដល់អាជ្ញាធរសង្កាត់ ពងទឹក ខណ្ឌដង្កោ មេត្តាកុំរើសអើងជាមួយពលរដ្ឋ រស់នៅក្នុងបុរីសន្តិភាព២ ។                                                                       

• ពលរដ្ឋ
• បុរីសន្តិភាព
• សង្កាត់ចោមចៅ
• ខណ្ឌដង្កោ