អាមេរិកផ្តល់រង្វាល់២៥លានដុល្លារ ដល់អ្នកណាដែលផ្តល់ព័ត៌មាន ឈានដល់ការចាប់ខ្លួនមេដឹកនាំIS

ព័ត៌មានអន្តរជាតិ | ថ្ងៃសៅរ៍ ទី១៧ ធ្វូ ២០១៦, ១៥:២០ | ៤៥២ ដង | ចុចបញ្ចេញមតិ (០)

ក្រសួងការបរទេសអាមេរិក កាលពីថ្ងៃទី១៧ខែធ្នូបានបង្កើនប្រាក់រង្វាន់ទ្វេដង គឺរហូតដល់ទៅ២៥លានដុល្លារ ដល់បុគ្គលណាមួយដែលបានផ្តល់ព័ត៌មានឈានដល់ការចាប់ខ្លួនមេដឹកនាំក្រុមភេរវកម្មIS លោក Abu Bakr Al Bangdadi ។

មេដឹកនាំក្រុមIS មានដើមកំណើតអីរ៉ាក់ ឈ្មោះពិតគឺជា Ibrahim Al Samarrai ធ្លាប់បានប្រកាសថាជាស្តេច អិស្លាមគ្រប់គ្រងដំបន់ធំទូលាយនៅក្នុងប្រទេសអីរ៉ាក់និងស៊ីរីកាលពីពីរឆ្នាំមុខ។

នៅពេលនេះគេមិនទាន់ដឹងថា មេដឹកនាំក្រុមអិស្លាមលាក់ខ្លួននៅកន្លែងណាឡើយ មានប្រភ័ពព័ត៌មានបានឲ្យដឹងថា មេដឹកនាំIS កំពុងតែលាក់ខ្លួននៅក្នុងទីក្រុង Mosul ប្រទេសអីរ៉ាក់ ឬនៅតាមព្រំដែនប្រទេសស៊ីរីអីរ៉ាក់។

កាលពីខែតុលាឆ្នាំ២០១១ ក្រសួងការបរទេសអាមេរិកបានផ្តល់រង្វាល់១០លានដុល្លារ ដល់បុគ្គលណាមួយដែលផ្តល់ព័ត៌មានទីតាំងរស់នៅរបស់ Abu Bakr Al Bangdadi។

នៅពេលនេះទីក្រុង Mosul នៅអីរ៉ាក់និងទីក្រុងអាឡែប៉ូ នៅក្នុងប្រទេសស៊ីរី ត្រូវបានទាហានដ្ឋាភិបាលដណ្តើមគ្រប់គ្រងវិញទាំងស្រុង ហើយ នៅតែមិនទាន់រកឃើញមេដឹកនាំក្រុមIS ខាងលើនៅឡើយ។

ការផ្តល់ប្រាក់រង្វាល់ កាន់តែកើតនឡើងខ្ពស់ នៅតែមិនអាច ចាប់បានមេដឹកនាំ Abu Bakr Al Bangdadi នៅឡើយ ។ សកម្មភាពខាងលើបានធ្វើឲ្យគេនឹកឃើញដល់មេដឹកនាំក្រុមភេរវកម្ម Al Quida អូស្មានប៊ិនឡាឌិន ដែលបានគេចខ្លួនជាង១០ឆ្នាំពីការតាមចាប់របស់ទាហានអាមេរិកនៅក្នុងប្រទេសអាហ្វហ្គានិស្ថាន៕