ប្រភ័ពព័ត៌មានពីក្រុងអ្នកស្រាវជ្រាវអាមេរិកបានឲ្យដឹងថា ប្រធានាធិបតីរុស្ស៊ីលោកពូទីនបានបញ្ចាឲ្យក្រុមចារកម្មបណ្តាញវាយប្រហារទៅលើការបោះឆ្នោតអាមេរិក។

មន្ត្រីជាន់ខ្ពស់អាមេរិកដែលសំមិនបញ្ចេញឈ្មោះនិយាយទៅកាន់សារព័ត៌មានរ៉យទ័រថា  ប្រធានាធិបតីពូទីនបានបញ្ចាដោយផ្ទាល់ វាយប្រហារទៅលើការបោះឆ្នោតអាមេរិក ជាហេតុធ្វើឲ្យពលរដ្ឋអាមេរិកបាត់បង់ជំនឿរទៅលើគណបក្សសាធារណរដ្ឋនៅក្នុងការបោះឆ្នោតទើប​លោកដូណាលត្រាំទទួលបានជ័យជំនៈ។

មន្ត្រីអាមេរិកមួយរូបក្នុងចំណោមម​៣រូបបានបញ្ចាក់ថាពេលដំបូងវាយប្រហារលើបណ្តាញ​ទៅលើបុគ្គល និង ក្រុមអ្នកនយោបាយអាមេរិក ធ្វើឲ្យពលរដ្ឋអាមេរិកបាត់បង់ទំនុកចិត្ត លើគណបក្សប្រជាធិបតេយ្យ ។ ក្រោយមកក៏បានវាយប្រហារដោយបើកជំហរទៅលើលោកស្រីហីលឡារីគ្លិនតុន តែម្តង។ មន្ត្រីខាងលើមិនបានប្រកាសពីព័ត៌មានលម្អិត នៅអ្វីដែលទទួលបាននោះឡើយ។

ទីព្រឹក្សាសន្តិសុខអាមេរិក​លោក Ben Rhodes ក៏បានបញ្ចាក់ផងដែរថា លោកពូទីនបានដឹងយ៉ាងច្បាស់ពីការវាយប្រហារខាងលើ។

​ចំណែកប្រធានាធិបតីសហរដ្ឋអាមេរិក លោក បារ៉ាក់ អូបាម៉ា នៅព្រឹកថ្ងៃសុក្រនេះ បានលើកឡើងថា លោកនឹងចាត់វិធានការ​ ប្រឆាំងនឹងប្រទេសរុស្ស៊ី សម្រាប់ការជ្រៀតជ្រែក របស់ប្រទេសមួយនេះ នៅក្នុង​ដំណើរការបោះឆ្នោតអាមេរិក ដែលត្រូវបានគេជឿជាក់ថា ​បានជ្រៀតជ្រែកលើប្រព័ន្ធបច្ចេកទេស នៃការបោះឆ្នោតនៅអាមេរិក កាលពីថ្ងៃទី០៨ ខែវិច្ឆិកា កន្លងទៅ។

ការព្រមានចាត់វិធានការនេះធ្វើឡើង បន្ទាប់ពីមន្រ្តីអាមេរិក ចំនួន ៣រូប បានលើកឡើងថា ប្រធានាធិបតីរុស្ស៊ី លោក វ្លាឌីម៉ៀរ ពូទីន ​បានបញ្ជា ​និងត្រួតពិនិត្យ ភ្នាក់ងារស៊ើបអង្កេតសម្ងាត់របស់លោក លើការវាយប្រហារ តាមប្រព័ន្ធអ៊ិនធឺណិត (hacking) លើការបោះឆ្នោតជ្រើសរើស​ ប្រធានាធិបតី​អាមេរិក ​និង​ប៉ុនប៉ង ​ដើម្បីបង្ខូចលទ្ធិប្រជាធិបតេយ្យអាមេរិក ដើម្បីកិច្ចខិតខំប្រឹងប្រែង ​ជួយរកប្រជាប្រិយភាព សម្រាប់លោក ដូណាល់ ត្រាំ​។

ទីភ្នាក់ងារស៊ើបការណ៍សម្ងាត់របស់សហរដ្ឋអាមេរិក បានធ្វើការសន្និដ្ឋានថា ប្រទេសរុស្ស៊ី បានព្យាយាមបង្កើនឥទ្ធិពល លើការបោះឆ្នោត ​ដោយការវាយប្រហារ លួចទិន្ន័យប្រជាជន ​និងស្ថាប័នមួយចំនួន ក្នុងនោះ ក៏រួមទាំង សមាជិក​គណបក្សប្រជាធិបតេយ្យ ​ប៉ុន្ដែបើទោះជាយ៉ាងណា រដ្ឋមន្រ្តីរុស្ស៊ីបាន ច្រានចោលការចោទប្រកាន់ថា បានជ្រៀតជ្រែក លើការបោះឆ្នោតអាមេរិក៕

• ពូទីន
• ចារកម្ម