ទាំងនោះជា​ការសន្យារបស់នាយករដ្ឋមន្ត្រីឥណ្ឌានិងប្រធានាធិបតីឥណ្ឌូនេស៊ី ក្រោយពេលមេដឹកនាំប្រទេសទាំងពីរ បានជួបពិភាក្សាគ្នា កឡពីថ្ងៃទី​១៣ខែធ្នូ។ ទាំំងនោះគឺជាសាររបស់មេដឹកនាំប្រទេសទាំងពីរផ្ញើទៅកាន់ប្រទេសចិន ​ក្នុងពេលដែលចិនបង្កើនសកម្មភាពនៅសមុទ្រចិនភាគខាងត្បូង។

សារព័ត៌មាន India Times បានផ្សាយថា​នៅក្នុងជំនួប រវាងនាយករដ្ឋមន្ត្រីឥណ្ឌាលោក​Narendra Modi នៅថ្ងៃដំបូងនៃតំណើរទស្សនកិច្ចឥណ្ឌា​ប្រធានាធិបតីឥណ្ឌូនេស៊ីលោក​Joko Widodo ​បានបញ្ចាក់ថា ប្រទេសទាំងពីរបានព្រមព្រៀង​រួមពីការចាំបាច់នៅច្រកផ្លូវចរាចរណ៍តាមដែនសមុទ្រដ៏សំខាន់បំផុត នៅសមុទ្រចិនភាគខាងត្បូង ក្នុងនោះមានទាំងមហាសមុទ្រឥណ្ឌាផងដែរ។

សេចក្តីប្រកាសរួមបានបញ្ចាក់យ៉ាងច្បាស់ថា « ជាដៃគូរយុទ្ធសាស្ត្រ និងជាប្រទេសជិតខាងនៅលើដែនសមុទ្រ មេសដឹកនាំប្រទេសទាំងពីរ​បានបញ្ចាក់ពីសារសំខាន់ នៃកិច្ចសហប្របតិបត្តិការ សន្តិសុខ និងការពារជាតិ»។

បើទោះបីមិននិយាយដោយផ្ទាល់អំពីប្រទេសចិន ប៉ុន្តែនាយករដ្ឋមន្ត្រីឥណ្ឌា Narendra modi និង ប្រធានាធិបតី​Joko Widodo ​បានស្នើរឲ្យមានតល្យភាពជាងនេះស្តីពីសន្តិសុខចរាចណ៍នៅដែនសមុទ្រ។ ដោះស្រាយវិវាទលើដែនសមុទ្រ​តាមរយៈសន្តិភាព និងមិនត្រូវមានសកម្មភាពឯកតោភាគីក្នុងការផ្លាសប្តូរតម្រងនៅសមុទ្រនោះឡើយ។

ជាមួយគ្នានោះ​ឥណ្ឌានិងឥណ្ឌូនេស៊ីបានជ្រុញឲ្យភាគីពាក់ព័ន្ធ នៅក្នុងវិវាទ ដែនសមុទ្រ ដោះស្រាយទៅតាមច្បាប់អន្តរជាតិ​និងច្បាប់សមុទ្រ ឆ្នាំ​១៩៨២ ។ ជាមួយគ្នានោះប្រធានាធិបតី​ជូកូ វីដូដូ និង លោក ណារ៉ែនត្រាមូឌី ​ក៏បានយលព្រម ជម្រុញការរក្សាសន្តិសុខនិង ធ្វើសមយុទ្ធរួមនៅសមុទ្រចិនភាគខាងត្បូង  ជាកន្លែងមានវិវាទនិងជាទីលាន ប្រយុទ្ធរបស់ប្រទេសមហាអំណាចលើពិភពលោក។ 

សមុទ្រចិនភាគខាងត្បូងកាន់តែ តានតឹង នៅពេលដែលចិន បដិសេធគោរពទៅតាមច្បាប់អន្តរជាតិ ក្នុងនោះមានសេចក្តីសម្រេចរបស់តុលាការអាជ្ញាកណ្តាលអន្តរជាតិ ស្តីពីខ្សែបន្ទាត់ព្រំដែន​៩កំណាត់។

• អំពើហឹង្សា
• វិបត្តិ
• សមុទ្រចិន