ពេលថ្មីៗនេះមានព័ត៌មានជាច្រើនបានផ្សព្វផ្សាយតាមបណ្តាញសង្គម​ ដោយបានលើកឡើងថា​លោកដូណាលត្រាំដែលទើបតែជាប់ឆ្នោតប្រធានាធិបតីអាមេរិកនោះ គឺកើតនៅក្នុងប្រទេសប៉ាគិស្ថាន មិនម៉ែនកើតនៅលើទឹកដីអាមេរិកឡើយ។

សារព័ត៌មាន​Daily Mail បានផ្សាយ ដោយដកស្រងព័ត៌មានពីគេហទំព័រប៉ាគិស្ថាន​ Neo News  ដែលបានផ្សព្វផ្សាយនៅព័ត៌មានមួយថា​ប្រធានាធិបតីទើបតែជាប់ឆ្នោតនៅអាមេរិកដូណាលត្រាំបានកើតនៅតំបន់​ Waziristan ប្រទេសប៉ាគិស្ថាន នាឆ្នាំ​១៩៤៦ដោយមានឈ្មោះថា​ Dawod Ibrahim Khan ។

ការពិតព័ត៌មានខាងលើត្រូវបាន​ Neo News ​បានផ្សាយតាំងពីខែមុនមកម៉្លេះ​គឺមុនពេលបោះឆ្នោតប្រធានាធិបតីអាមេរិក ប៉ុន្តែរហូតមកទលពេលនេះទើបព័ត៌មាន បានបង្ហាញខ្លួនសាជាថ្មី។

អ្នកផ្សាយព័ត៌មានបានផ្សាយថា «ជឿមិនជឿអាស្រ័យទៅលើលោកអ្នក ប៉ុន្តែ លោកដូណាលត្រាំ បានកើតនៅក្នុងប្រទេសប៉ាគិស្ថានមិនម៉ែនអាមេរិកឡើយ»។ ជាមួយគ្នានោះ ក៏បានបង្ហាញរូបថត ដូណាលត្រាំកាលពីនៅតូច​ ក្នុងប្រទេសប៉ាគិស្ថាន​។ នៅឆ្នាំ​១៩៥៥ ក្រោយពេលឪពុកម្តាយរបស់លោកត្រាំស្លាប់ ក៏ត្រូវបានបេបញ្ចាការកងទ័ព ជនជាតិអង់គ្លេសដើមកំណើតឥណ្ឌានាំទៅប្រទេសអង់គ្លេស។

ពលរដ្ឋអាមេរិកបានសរសេរនៅលើបណ្តាញសង្គម​ Twitter​ថា តើជាការពិតឬ ដែលបណ្តាញព័ត៌មានប៉ាគិស្ថានប្រកាសថា កើតនៅក្នុងប៉ាគិស្ថាន។ ពលរដ្ឋខ្លះក៏បានលើកឡើងថា  ជារឿងគួរឲ្យចងសើចដែលនិយាយថា​លោកដូណាលត្រាំកើតនៅប៉ាគិស្ថាន។

នៅមុនពេល​ទទួលជ័យជំនៈនៅក្នុងការបោះឆ្នោតកាលពីថ្ងៃទី​៨ខែវិច្ឆិកា​លោកដូណាលត្រាំ បានប្រកាសថាលោកអូបាម៉ា មិនកើតនៅអាមេរិកឡើងដូច្នេះ លោកមិនមានអត្ថិភាព​ក្នុងការ​ក្លាយជាប្រធានាធិបតីអាមេរិកឡើយ។ ទាំងនោះហើយ បានជានៅឆ្នាំ​២០១១ លោកអូបាម៉ាត្រូវបង្ហាញលិខិតស្នាម ដែលមានលិខិតបញ្ចាក់កំណើត ក្នុងនោះលោកអូបាម៉ា កើតនៅកោះហាវៃ។

ចំពោះព័ត៌មានខាងលើដែលថាលោកត្រាំកើតនៅក្នុងប្រទេសប៉ាគិស្ថាន ធ្វើឲ្យក្រុមអ្នកប្រឆាំងលោកដូណាលត្រាំស្នើរឲ្យស្រាវជ្រាវ បញ្ចាក់ការពិត ដូចកាលលោកអូបាម៉ា។

តាមច្បាប់អាមេរិក ប្រសិនបើបុគ្គលដែលកើតនៅក្រៅទឹកដីអាមេរិកនោះគឺមិនអាចកាន់តំណែងប្រធានាធិបតីអាមេរិកបានឡើយ។ មិនថាបេក្ខភាពប្រធានាធិបតីអាមេរិក ជា​ជនអន្តោបវេស ឬមានដើមកំណើតមកពីណាឡើយ ឲ្យតែកើតនៅលើទឹកដីអាមេរិក គឺអាចក្លាយជាប្រធានាធិបតីបាន។ ដូច្នេះប្រសិនបើលោកដូណាលត្រាំកើតនៅប៉ាគិស្ថានម៉ែននោះគឺជារឿងមួយផ្សេងទៀត គឺលោកមិនអាចឡើងកាន់តំណែងប្រធានាធិបតីអាមេរិកបានឡើយ។

• បែកធ្លាយ
• ដូណាលត្រាំ
• ប៉ាគិស្ថាន