លោកស្រី​ Choi Soon Sil ជាស្ត្រីស្ថិតនៅក្នុងចំណុចនៃវិបត្តិនយោបាយក្នុងប្រទេសកូរ៉េខាងត្បូងដែលជាមិត្តភក្តិជិតស្និតបំផុតរបស់លោកស្រីផាកយុងហេ ត្រូវបានចាប់ខ្លួនក្រោយប៉ុន្មានម៉ោងបានទៅកាន់ តុលាការដើម្បីឆ្លើយនៅសំនួរមួយចំនួន។

សារព័ត៌មានយ៉ុនហាប់របស់កូរ៉េខាងត្បូងនៅថ្ងៃទី​១ខែវិច្ឆិកាបានផ្សាយថា ព្រះរាជ្យអាជ្ញាកំពុងតែស្រាវជ្រាវ​និងចោទប្រកាន់ លោកស្រី​ Choi Soon Sil ថាបានប្រើប្រាសទំនាក់ទំនងល្អជាមួយប្រធានាធិបតីដើម្បីជ្រៀតជ្រេកចូលក្នុងកិច្ចការនយោបាយជាតិ​ និងក្តាមព័ត៌មានសម្ងាត់របស់ជាតិ ។

កាលពីសប្តាហ៍កន្លងមក  ប្រធានាធិបតី ផាកយុងហេ បានទទួលស្គល់ថា ធ្លាប់បានឲ្យមិត្តភក្តិត្រួតពិនិត្យ នៅសន្តកថាមួយចំនួន​មុនពេលថ្លែង ពេលទើបឡើងកាន់តំណែង ហើយក៏បានធ្វើការសុំទោសដែលធ្វើឲ្យមហាជនព្រួយបារម្ភ។

ឆ្លើយតប់ទៅនឹងបទសម្ភាសរបស់បណ្តាញព័ត៌មាន​ Segye Ilbo របស់កូរ៉ែខាងត្បូង លោកស្រី​Choi បានសារភាពទទួលស្គល់ថា ធ្លាប់បានទទួលឯកសារសន្តរកថា របស់ប្រធានាធិបតី ​ប៉ុន្តែលោកស្រីបានច្រានចោលការចោទប្រកាន់ថាបានជ្រៀតជ្រេកចូលកិច្ចការនយោបាយ ឬដាក់គំនៀបទៅលើក្រុមហ៊ុនដើម្បីស្វែងរកមូលនិធិសម្រាប់របស់ខ្លួន។

តាមការប៉ាន់ប្រមានទឹកប្រាក់ដែលប្រមូលបានសម្រាប់មូលនិធិ​ លោកស្រី​Choi បានបង្កើតឡើង មានរហូត​ទៅដល់​៥០ពាន់លាវវ៉ន ស្មើរនឹង​៤៤លានដុល្លារអាមេរិក។​កាលពីដើមខែកញ្ញា លោកស្រី​Choi ​បានធ្វើដំណើរទៅកាន់ប្រទេស អាល្លឺម៉ង ក្រោយពេលដេលមានព័ត៌មានពីរឿងអាស្រូវរបស់លោកស្រីកាន់តែខ្លាំងឡើង ។លោកស្រីបាលវិលត្រឡប់មកប្រទេសវិញកាលពីថ្ងៃទី​៣០ខែតុលាដើម្បីឆ្លើយបំភ្លឺនៅសំនួរមួយចំនួន៕

• មិត្តភក្តិ
• កូរ៉េខាងត្បូង
• ចាប់ខ្លួន
• នយោបាយ