នាវាយាមល្បាតថៃពីរគញរឿង​បានឡោមព័ទ្ធចាប់កបាលនេសាទវៀតណាម​៥គ្រឿង ដោយរងការចោទប្រកាន់ពីបទនេសាទខុសច្បាប់នៅតំបន់សមុទ្រស្ថិតនៅក្រោមដែនអធិបតេយ្យភាពរបស់ថៃ។

សារព័ត៌មាន The Nation ​បានផ្សាយថា នៅវេលាម៉ោង​១១យប់ ថ្ងៃទី​២៤ខែតុលា នាវាយាមល្បាតថៃពីរគ្រឿង បានវិលត្រឡប់មក​ទីតាំងវិញក្រោយពេលយាមល្បាតរួមជាមួយកន្លាំងទាហានម៉ាឡេស៊ី ក៏បានឃើញកបាលនេសាទវៀតណាម ៣គ្រឿងនិងនាវឹក​១៥ ក៏បានឃាត់ខ្លួនតែម្តង ដោយចោទប្រកាន់ថាបាននាសាទខុសច្បាប់នៅជិត Koh Losin ខេត្តប៉ាតានី។

ដល់ថ្ងៃទី​២៥ខែតុលា​នាវាយាមល្បាតមួយគ្រឿងទៀតរបស់ថៃក៏បានប្រទះឃើញ​និងឃាត់កបាលនេសាទ ២គ្រឿងទៀត​របស់វៀតណាមរួមទាំងនាវឹក​១៣នាក់ ស្ថិតនៅដែនសមុទ្រខេត្ត​ណាខន ស៊ី ថាម៉ារ៉ាត។

កបាលនិងនាវឹកទាំងនោះត្រូវបានចោទប្រកាន់ថា បានបំពាន់ច្បាប់នេសាទ​ថៃ ហើយប្រគល់ទៅឲ្យ​មន្ត្រីនៅក្នុងតំបន់ដោះស្រាយជាបន្ត៕

• កបាលនេសាទ
• វៀតណាម
• ថែចាប់កបាលនេសាទ