សារព័ត៌មាន CNN /Bangkok pos កាលពីថ្ងៃទី​៣ខែវិច្ឆិកា បានផ្សាយថាប្រធានាធិបតីហ្វីលីពីន បានទៅជូនដំណើរអ្នកនេសាទវៀតណាម​១៧នាក់ដោយផ្ទល់ឲ្យវិលត្រឡប់ទៅស្រុកវិញ។ទាំងនោះជាសកម្មភាពដ៏ល្អប្រសើរបំផុតសម្រាប់ទំនាក់ទំនងទ្វេភាគីរវាងហ្វីលីពីននិងវៀតណាម ។

នាវាដឹកអ្នកនេសាទវៀតណាម​១៧នាក់​បាន ដាក់សម្ភារៈប្រើប្រាស់និងស្បៀងអាហារ ជាច្រើន​តាមការបញ្ចាររបស់ប្រធានាធិបតីឌូទឺរទេ​ ហើយចាក់ចេញពីកំពុងផែ​Sual របស់ហ្វីលីពីនវិលត្រឡប់ទៅកាន់ប្រទេសវិញ ។ អ្នកនេសាទវៀតណាមមានការក្តុកក្តួលនៅអំពើល្អរបស់ភាគីហ្វីលីពីន​ មុនពេលចាក់ចេញទៅផ្ទះវិញ។ កម្លាំងទាហានជើងទឹកហ្វីលីពីន  ក៏បានជូនដំណើរឆ្លងកាត់ដែនសមុទ្ររបស់ហ្វីលីពីនផងដែរ។

មានប្រសាសន៍នៅក្នុងពិធីជូនដំណើរ​អ្នកនេសាទវៀតណាមត្រឡប់ទៅប្រទេសវិញ​ ប្រធានាធិបតីឌូទឺរទេ បានបញ្ចាក់ថា​«ខ្ញុំពិតជាសម្បាយរីករាយ​ដែលបានជូនអ្នកអ្នកដែលជាមិត្ត»។

ឆ្លើយតប់និងសកម្មភាពដ៏ល្អប្រសើរនោះ នាវានេសាទរបស់វៀតណាមបានដាក់បដាធំៗនៅលើនាវាថា​« អរគុណប្រធានាធិបតីឌូទឺរទេ, ការអរគុណពីអ្នកនេសាទវៀតណាម»។

មន្ត្រីហ្វីលីពីនបានឲ្យដឹងថា​ក្រោយពេលបានប្រកាសដោះលេង រដ្ឋាភិបាលក៏បានផ្តល់សិទ្ធឲ្យអ្នកនេសាទទាំងអស់មានសិទ្ធជ្រើសរើស​ថាតើ ត្រឡប់ទៅវិញតាមជើងអាកាសឬជើងទឹក ប៉ុន្តែអ្នកនេសាទទំាងអស់ចងវិលត្រឡប់ទៅវិញដោយទូកនេសាទរបស់ខ្លួន។

កន្លងមកហ្វីលីពីនបានលុបចោលទោសនេសាទខុសច្បាប់ និងចូលដែនទឹកហ្វីលីពីនខុសច្បាប់របស់អ្នកនេសាទវៀតណាម ដោយសារតែអ្នកនេសាទទាំងនោះចូលទៅហ្វីលីពីនគឺបណ្តាលមកពីព្យុះ Ferdie  ធ្វើឲ្យទូកនេសាទត្រូវរសាតចូលទៅដែនសមុទ្រហ្វីលីពីន។ នៅថ្ងៃទី​១០ខែតុលា ក្រសួងយុត្តិធម៌ហ្វីលីពីនបានប្រកាស អនុញ្ញាត្តិឲ្យអ្នកនេសាទវៀតណាមត្រឡប់ទៅផ្ទះវិញ ដោយមិនមានការចោទប្រកាន់ទោសអ្វីឡើយ។ មិនត្រឹមតែប៉ុណ្ណោះ​ ហ្វីលីពីនបានផ្តាល់លក្ខណងាយស្រួលក្នុងការត្រឡប់ទៅវិញផងដែរ។

អ្វីដែលគេចាប់អារម្មបំផុតនោះ គឺអ្នកនេសាទ តូចតាច តែប្រធានាធិបតីហ្វីលីពីន បានទៅជូនដំណើរដោយផ្ទល់នៅកំពុងផែរ គឺជារឿងមួយដ៏ល្អប្រសើរបំផុត បង្ហាញពិការមិនប្រកាន់វណ្ណៈ ពីសម្ព័ន្ធមិត្តដ៏ល្អប្រសើរជាមួយប្រទេសក្នុងតំបន់ដូចគ្នា៕

• ហ្វីលីពីន
• វៀតណាម
• អ្នកនេសាទ
• ត្រឡប់