រាជធានីភ្នំពេញ៖ ចៅតុលាការកំពូលនៅព្រឹកថ្ងៃទី២១ខែកញ្ញាឆ្នាំ២០១៦ នេះបានបើកសវនាការសំណុំរឿងឯកឧត្តមអ៊ុំ សំអាន តំណាងរាស្ត្រគណបក្សសង្គ្រោះជាតិ ដែលជាប់ចោទករណីក្លែងផែនទីសន្ធិសញ្ញាព្រំដែនកម្ពុជាវៀតណាម ។សវនាការនេះលើបណ្តឹងសុំមោឃភាពនីតិវិធីរបស់សាលាដំបូងរាជធានីភ្នំពេញ ។

ជនជាប់ចោទឯកឧត្តមអ៊ុំសំអានត្រូវបានសាលាឧទ្ធរណ៍បានបដិសេធបណ្តឹងសុំមោឃភាពនីតិវិធីនេះម្តងរួចមកហើយកាលពីពេលថ្មីៗនេះ។ក្រោយមកមេធាវីការពារក្តីបានប្តឹងសាទុក្ខប្រឆាំងនឹងការសម្រេចរបស់សាលាឧទ្ធរណ៍មកកាន់តុលាការកំពូល។

ការបើកសវនាការសំណុំរឿងឯក អ៊ុំ សំអាន តំណាងរាស្ត្រគណបក្សសង្គ្រោះជាតិនៅព្រឹកថ្ងៃទី២១ ខែកញ្ញា ឆ្នាំ២០១៦ នេះតុលាការកំពូល បើកសវនាការសំណុំរឿងឯកឧត្តម អ៊ុំ សំអាន តំណាងរាស្ត្រគណបក្សសង្គ្រោះជាតិ ដែលជាប់ចោទករណីក្លែងផែនទីសន្ធិសញ្ញាព្រំដែនកម្ពុជាវៀតណាម ។ មន្ត្រីតុលាការ បញ្ជាក់ថា កម្មវត្ថុនៃសវនាការនេះ គឺ បណ្តឹងសុំមោឃភាពនីតិវិធីរបស់សាលាដំបូងរាជធានីភ្នំពេញ ។

គួររំលឹកថា កាលពីព្រឹកថ្ងៃទី៥ ខែកញ្ញា ឆ្នាំ២០១៦ កន្លងទៅ សាលាដំបូងរាជធានីភ្នំពេញ បានបើកសវនាការរឿងអង្គសេចក្តីសំណុំរឿងនេះម្តងរួចមកហើយ ។ សាលក្រមនេះ គ្រោងប្រកាសនៅថ្ងៃទី១០ ខែតុលា ខាងមុខនេះ ។

ឯកឧត្តមអ៊ុំ សំអាន ជាប់ចោទពីបទ ញុះញង់ឲ្យប្រព្រឹត្តបទឧក្រិដ្ឋជាអាទិ៍ ( បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម ) និង បទញុះញង់ឲ្យមានការរើសអើង ពាក់ព័ន្ធផែនទីសន្ធិសញ្ញាព្រំដែនកម្ពុជាវៀតណាម  ប្រព្រឹត្តនៅចំណុចរាជធានីភ្នំពេញ និង ព្រះរាជាណាចក្រកម្ពុជា កាលពីអំឡុងឆ្នាំ២០១៥ រហូតដល់ថ្ងៃទី១០ ខែមេសា ឆ្នាំ២០១៦ ៕

• តុលាការកំពូល
• បើកសវនាការ
• អ៊ុំ សំអាន
• មោឃភាព