ខេត្តបាត់ដំបង៖ ជនសង្ស័យម្នាក់ ដែលជាជនល្មោភកាម ត្រូវបានកំលាំងនៃអធិការដ្ឋាននគរបាលស្រុក មោងឫស្សី ធ្វើការឃាត់ខ្លួនខណៈដែលជននេះបាឮនរត់គេចខ្លួនអស់រយៈពេលពេញមួយថ្ងៃ  ក្រោយពេលដែលគេបានធ្វើសកម្មភាព លបឡើងចាប់រំលោភក្មេងស្រីរងគ្រោះដែលទើបតែមាអាយុ១៣ឆ្នាំរួចមក តែមិនបានសម្រេច ។លោកវរសេនីយ៍ទោ គិត.ហ៊ាង អធិការនគរបាលស្រុកមោងឫស្សី បានអោយដឹងថា  នៅថ្ងៃទី១៥  ខែកក្កដា  ឆ្នាំ២០១៦  វេលាម៉ោង ១ និង១៨នាទី រំលងអធ្រាតនៅចំណុច  ភូមិគួយជីកដី  ឃុំរបស់មង្គល  ស្រុកមោងឫស្សី  ខេត្តបាត់ដំបងមានករណីចាប់រំលោភសេពសន្ថវ:មួយបានកើតឡើងដដែលបង្កដោយជនសង្ស័យ

ម្នាក់បានឡើងទៅលើផ្ទះក្មេងស្រីរងគ្រោះបំណងចាប់រំលោភតែមិនបានសម្រេច ។ យោងតាមពាក្យបណ្តឹងរបស់ក្មេងស្រីរងគ្រោះឈ្មោះ ជ ឆ វ  អាយុ១៣ឆ្នាំ  រស់នៅភូមិ ឃុំ កើតហេតុខាងលើ  បានរៀបរាប់ថា  សព្វថ្ងៃគឺនាងរស់នៅក្នុងផ្ទះនេះតែម្នាក់ឯងដើម្បីសិក្សា  ដោយសារតែក្រុមគ្រួសាររបស់នាងមានជីវភាពខ្វះខាត  ទើបឪពុក ម្តាយរបស់នាងបានចាកចេញពីភូមិទៅនៅឯព្រំដែនកម្ពុជា ថៃ ដើម្បីស៊ីឈ្មួលដកដំឡូងអោយគេ គ្រាន់បានកម្រៃខ្លះៗចិញ្ចឹមជីវិត ។

នាងបានបន្តថា  នៅយប់ថ្ងៃកើតហេតុ  គឺខណៈដែលនាងកំពុងដេកលង់លក់ទៅហើយនោះស្រាប់តែមានមនុស្សប្រុសម្នាក់  បានលបឡើងទៅលើផ្ទះរបស់នាង  ដោយបានធ្វើសកម្មភាពចាប់ខ្ទប់មាត់នាងមិនអោយនាងស្រែក  ដោយគេបានគំរាមមិនអោយនាងរើ និងស្រែកឡើយ  ដែលសម្លេងនេះបានធ្វើអោយនាងស្គាល់គេយ៉ាងច្បាស់គឺមនុស្សប្រុស នោះមានឈ្មោះ រី រិទ្ធ  អាយុ ២៥ឆ្នាំ  រស់នៅភូមិជាមួយគ្នា  និងមានផ្ទះនៅក្បែគ្នាថែមទៀត នេះដោយសារតែគេឃើញនាងរស់នៅម្នាក់ឯង ។ភ្លាមៗនោះដែរ  ក្នុងពេលដែលយុវជនរូបនេះបំរុងចាប់ស្រាតនាងដើម្បីរំលោភ  នាង បានរើបម្រះហើយស្រែកយ៉ាងខ្លាំងតែម្តងដើម្បីអោយអ្នកភូមិមកជួយ  ដែលបញ្ហានេះបានធ្វើអោយមានការភ្ញាក់ផ្អើលដល់សមត្ថកិច្ចចុះមកទាំងយប់ថែមទៀតផង  ដោយឡែកយុវជនដែលបង្កបានរត់គេចខ្លួនបាត់ស្រមោលទាំងយប់ ។

ករណីនេះលោក គិត ហ៊ាង  អធិការនគរបាលស្រុកមោងឫស្សី បានចាត់កំលាំងធ្វើការស្រាវជ្រាវ  និងឈានដល់ការចាប់ឃាត់ខ្លួនជនសង្ស័យបាន  នៅថ្ងៃទី១៥ ខែកក្កដា ឆ្នាំ២០១៦ដដែល វេលាម៉ោង ៥ និង៣៤នាទី ល្ងាច តាមបញ្ជារបស់លោក នួន.សាន ព្រះរាជអាជ្ញាសាលាដំបូងខេត្តបាត់ដំបង  ដោយបច្ចុប្បន្នជនសង្ស័យត្រូវបានបញ្ជូនខ្លួន ទៅកាន់ការិយាល័យជំនាញ  នៃស្នងការដ្ឋាននគរបាលខេត្តហើយដើម្បីចាត់ការតាម និតិវិធីច្បាប់ ។

• ប៉ុនប៉ង
• សម្រេច