ដូចពាក្យចចាមអារ៉ាមនាពេលកន្លងមក លោកស្រីអ៊ុងសានស៊ូជី កាន់ដំណែងរដ្ឋមន្ត្រីការ​បរទេស និងជារដ្ឋមន្ត្រីក្នុងក្រសួង​សំខាន់ៗ៣ផ្សេងទៀត។

តាមការប្រកាសរបស់ប្រធានរដ្ឋសភាមីយានម៉ា លោក​Mann Win Khaing Than បានប្រកាស​នៅ​ក្នុងសភា ពេលស្បថចូលកាន់ដំណែង រដ្ឋាភិបាលថ្មីនាថ្ងៃទី​៣០ខែមីនា។ក្រៅពីនេះសភា​ក៏បានអនុញ្ញាត្តិឲ្យលោកស្រីស៊ូជីកាន់ដំណែងក្នុងក្រសួង​៣ផ្សេងទៀត ក្រៅពីរដ្ឋមន្ត្រីការបរ​ទេសគឺ រដ្ឋមន្ត្រីទទួលបន្ទុកការិយាល័យប្រធានាធិបតី ,រដ្ឋមន្ត្រីក្រសួងអបរំ និងរដ្ឋមន្ត្រី ថាមពល និងអគ្គិសនី។​​

ការសម្រេចតែងតាំងលោកស្រីស៊ូជី កាន់ដំណែង​៤ផ្សេងគ្នា​ត្រូវបានប្រធានសភាលោក​Mann Win khaing Than ប្រកាសនៅក្នុងពិធីស្បថចូលកាន់ដំណែង។កន្លងមកអ្នកនាំពាក្យ គណបក្សាសម្ព័ន្ធមិត្តជាតិដើម្បីប្រជាធិបតេយ្យលោក​Zaw Myint Maung បញ្ចក់ថាលោកស្រី​ស៊ូជី​និងកាន់ដំណែងរដ្ឋមន្ត្រីការបរទេស ព្រមទាំងតំណែងរដ្ឋមន្ត្រីផ្សេងទៀត។ លោកស្រីស៊ូជីគឺជាស្ត្រីតែមួយគត់ នៅក្នុងគណរដ្ឋមន្ត្រីថ្មី។

ក្នុងថ្ងៃជាមួយគ្នានោះប្រធានាធិបតីថ្មីកើតឡើងដោយការបោះឆ្នោតតំបូងបង្អស់នៅមីយ៉ានម៉ាក្រោយរយៈពេល​៥៦ឆ្នាំ​លោក​Htin kyaw អតីតជំនួយការរបស់លោកស្រីសូជី ក៏បានស្បថចូល​កាន់តំណែងជំនួសលោកធៀនសេន នៅថ្ងៃទី១ខែមីនា។ លោក​ Htin Kyaw បាន​យក​ឈ្នះទៅ​លើ​បេក្ខ​ភាព​ពីររូបផ្សេងទៀតគឺលោក​Henry Van Thio និង បេក្ខភាព​ដែល​យោធាជ្រើស​រើសគឺ​លោក​Myint Swe នៅក្នុងការបោះឆ្នោតសភា ដោយលោក​Htin Kyaw ទទួល​បានសម្លេងគាំ​ទ្រ​រហូតដល់ទៅ ៣៦០ ក្នុងចំណោមសមាជិកសភា ៦៥២នាក់៕

• អ៊ុង សាន សូជី
• រដ្ឋមន្ត្រី