រាជធានីភ្នំពេញ៖  តារាម៉ូដែលនិងសម្តែងដ៍មានប្រជាប្រិយភាពអ្នកនាហលី ម៉ារីណាដែលកន្លងមកបានប្រកាសថាលាឈប់សិល្បៈបានត្រឡប់មកវិញដើម្បីកសាងស្នាដៃសិល្បៈឡើងវិញតាមការចង់បានរបស់អ្នកគាំទ្រ។ក្រោយផលិតករដឹងថាម៉ារីណាអាចថតកុនវិញហើយនោះអ្នកនាងទើបតែទទួលសម្តែងរឿងភាគរបស់ផលិតកម្មមួយដោយរំពឹងថាប្រជាប្រិយភាពនឹងត្រដែតឡើងដូចមុន។

ការដែលតារាសាច់សខ្ចីដូចសំឡីលី ម៉ារីណាមានមុខមាត់ចូលសិល្បៈវិញនេះគឺត្រូវអ្នកនាងធ្វើការចរចារជាមួយស្វាមីអស់ជាច្រើនសារទំរាំស្វាមីមានការឯកភាពនិងយល់ព្រមបើកភ្លើងខៀវឡើងវិញដើម្បីច្បាមសិល្បៈទីដែលអ្នកនាងស្រឡាញ់និងមានប្រវត្តិតស៊ូយ៉ាងទំរាំជះពន្លឺឆ្វាចល្បីពេញប្រទេសបាន។

អ្នកនាងលី ម៉ារីណាបានប្រាប់ថាទំរាំតែត្រូវបានមានមុខចេញដម្តែងឡើងវិញនាងត្រូវបានសុំការអនុញ្ញាតិពីស្វាមីច្រើងដងមកហើយក្រោយពីមកស្រុកខ្មែរវិញ។អ្នកនាងថាការសម្តែងរបស់នាងមិនចេញមុខច្រើនទេហើយរឿងដែលសម្តែងក៍មើលទៅទាក់ទាញបង្កប់ខ្លឹមសារអប់រំសង្គមច្រើនគឺនាងហាក់ចង់សម្តែង។យ៉ាងណាអ្នកនាងអះអាងថាទទួលថតរឿងភាគឲផលិតកម្មមូយផ្សាយនៅលើកញ្ចក់ទូរទស្សន៍ធំមួយ។ ប៉ុន្តែចំណងជើងអ្វីផលិតកម្មណាទូរទស្សន៍ណានាងសុំលាក់សិនទុកឲបងប្អូនរង់ចាំតាមដានដើម្បីភ្ញាក់ផ្អើល។អ្នកនាងយល់ថាខានសម្តែងយូរនាងនឹងខំសម្តែងឲល្អដើម្បីបានសាងស្នាដៃប្រជាប្រិយភាពឡើងវិញ។អ្វីដែលនាងរំភើបគែអរគុណដល់ស្វាមីនាងដែលបានឯកភាពយល់ព្រមទទួលឲនាងបានចូលសិល្បៈឡើងវិញតាមចិត្តប្រពន្ឋដោយដឹងថានាងស្រឡាញ់សិល្បៈដោយមិនអាចចោលនិងបោះបង់បានឡើយ។

គួររំលឹកផងដែរថាចាប់តាំងពីអ្នកនាងលី ម៉ារីណាវិលមកកម្ពុជាវិញអ្នកនាងរមែងតែងតែបង្ហាញសកម្មភាពជួយកិច្ចការសង្គមជាច្រើនតាមរយៈការងារមនុស្សធម៌ជាមួយសមាគមនានាជាមួយក្រុមតារារួមអាជីព។ជាពិសេសការងារផ្នែកជួយពេទ្យគន្ឋបុប្ឋាអ្នកនាងពេញចិត្តចូលរួមដោយមិននឿយហត់ឡើយ។អ្នកនាងថាសិល្បៈករត្រូវចេះបង្ហាញទង្វើល្អក្នុងសង្គមតាមតែអាចធ្វើបានមិនចាំបាច់មានប្រាក់កម្រៃទើបធ្វើបានការងារស្ម័គ្រចិត្តជូយសង្គមគឺផ្តល់តម្លៃនិងកិត្តិយសណាស់សម្រាប់តារាសម្តែងនីមួយៗ។                                               

• លី ម៉ារីណា
• តំណែង
• បាត់មុខ