រាជធានីភ្នំពេញ៖ ​​​​​​​​​​​​​​​​​​​​​​​​​​​​​​​ កម្មករម្នាក់ឈ្មោះ ឈិត បូរី ភេទប្រុស អាយុ២៦ឆ្នាំ ត្រូវបានចៅក្រមសាលាដំបូងរាជធានីភ្នំពេញកាលពីព្រឹកថ្ងៃទី១៩ ខែឧសភា ២០១៧ បានប្រកាសសាលក្រមផ្តន្ទាទោស លើជនជាប់ចោទម្នាក់ដែលជាកម្មករសំណង់ដែលបានវាយសម្លាប់មេការនៅក្នុងអង្រឹងដាក់ពន្ធនាគារកំណត់១០ឆ្នាំ ពីបទឃាតកម្ម តាមមាត្រា១៩៩ នៃក្រមព្រហ្មទណ្ឌ ។

គួរបញ្ជាក់ថា លោកម៉ុង មុន្នីសោភា ប្រធានក្រុមប្រឹក្សាជំនុំជម្រះសាលាដំបូងរាជធានីភ្នំពេញកាលពីរសៀលថ្ងៃទី៨ ឧសភា ២០១៧ បានលើកយកសំណុំរឿងឃាតកម្មមួយនេះមកបើកសវនាការជំនុំជម្រះទោសពាក់ពន្ធកម្មករវាយសម្លាប់មេការក្នុងអង្រឹង ។ ការសម្រេចរបស់តុលាការក្រោមបទល្មើសមានចែងតាមមាត្រា១៩៩ នៃក្រមព្រហ្មទណ្ឌប្រព្រឹត្តកាលពីថ្ងៃទី២ ខែមករា ឆ្នាំ ២០១៧ នៅការដ្ឋានសាងសង់ផ្ទះល្វែងផ្លូវបេតុង ភូមិសំបួរសង្កាត់ ខណ្ឌដង្កោ រាជធានីភ្នំពេញ ។

ជនជាប់ចោទ ឈ្មោះ ឈិត បូរី ភេទប្រុស អាយុ២៦ឆ្នាំ មុខរបរ កម្មករសំណង់មានស្រុកកំណើតនៅ ឃុំសឹង្ហ ស្រុកសំរោង ខេត្តតាកែវ ។បានសារភាពថាខ្លួនពិតជាបានវាមេជាងចំនួន៣ដំបង់បណ្តាលឲ្យស្លាប់ពិតមែន។ជនរងគ្រោះឈ្មោះ គា ហ៊ន ភេទប្រុស អាយុ៤៩ឆ្នាំ មុខរបរ មេជាងសំណង់ស្នាក់នៅការដ្ឋានសំណង់ខាងលើ(ស្លាប់)។

ក្នុងសវនាការតំណាងអយ្យការលោក សិុន វីរៈ ព្រះរាជអាជ្ញារង បានធ្វើសេចក្តីសន្និដ្ឋាន និងនៅតែរក្សាការចោទប្រកាន់ជនជាប់ចោទ ពិតជាមានចេតនាក្នុងអំពើឃាតកម្ម ហើយបានស្នើសុំឲ្យតុលាការផ្តន្ទាទោសជនជាប់ចោទតាមច្បាប់កំណត់ ។

យោងលើរបាយការណ៍របស់សមត្ថកិច្ចបានបានបញ្ជាក់ថា ជនសង្ស័យធ្លាប់មានទំនាស់ជាមួយជនរងគ្រោះ រឿងជំពាក់ប្រាក់ចំនួន៤០០០០រៀល និងធ្លាប់ទាត់ជនសង្ស័យ១ជើង នៅពេលជនសង្ស័យទារប្រាក់នោះវិញ ។

ជនជាប់ចោទប្រាប់តុលាការថាលុះដល់ថ្ងៃ០១ ខែមករា ឆ្នាំ២០១៧ ខ្លួនគាត់បានវ៉ៃជនរងគ្រោះដែលកំពុងដេកក្នុងអង្រឹងក្រោមដើមឈើបណ្តាលឲ្យស្លាប់រួចគេចខ្លួនទៅខេត្តតាកែវ ហើយព្រឹកឡើងក៏ត្រលប់មកការដ្ឋានសំណង់វិញក៏ត្រូវសមត្ថកិច្ចខណ្ឌឃាត់ខ្លួនតែម្តង ។

• តុលាការ
• ផ្តន្ទាទោស
• សម្លាប់
• ពន្ធាគារ