រាជធានីភ្នំពេញ៖ លោក ឌុន វិបុល មេធាវីការពារលោកហួត ឃិនវុទ្ធីនៅព្រឹកថ្ងៃទី២ខែឧសភាឆ្នាំ២០១៧នេះបានចូលដាក់ឯកសារជូនលោកសៀង សុខព្រះរាជអាជ្ញារង អមសាលាដំបូង រាជ ធានីភ្នំពេញ បន្ទាប់ពីកូនក្តីមិនហាន ចូលបំភ្លឺ តុលាការតាម ដីកាកោះតាម ដំណើររឿងផ្តល់សេចក្តីប្រកាសភូតកុហកបន្លំចូលពន្ធនាគារកាលពីថ្ងៃទី១៩ខែមេសាឆ្នាំ ២០១៧ជាមួយអ្នក តំណាងរាស្រ្តបក្សប្រឆាំង។

កាលពីថ្ងៃទី២៧និងទី២៨ខែមេសាឯកឧត្តម ឡុង រី និងលោកស្រីមួរ សុខហួរ បានចូលបំភ្លឺតុលាការតាមការកោះក្នុងរឿងដូចគ្នាក្នុងនាមជាសាក្សី។បន្ទាប់ពីសាកសួរតុលាការបានឲ្យវិលត្រឡប់ទៅផ្ទះវិញ។តែតំណាងរាស្រ្តទាំងពីររូបមិនបាននិយាយប្រាប់អ្នកកាសែតនៅក្រោយពេលចេញពីបន្ទប់តុលាការវិញ។

លោកសៀងសុខកាលពីថ្ងៃទី២១ខែមេសាឆ្នាំ២០១៧បានចេញដីកាកោះមនុស្សចំនួន៣នាក់។ក្នុងនោះ២នាក់ជាសាក្សី(ឯកឧត្តម ឡុងរី,លោកស្រី មួរ សុខហួរ និងម្នាក់ជាជនសង្ស័យលោកហួត ឃិនវុទ្ធីជាអនុប្រធានវិទ្យុ អាស៊ីសេរីផ្នែកភាសាខ្មែរដែលបានបន្លំចូលពន្ធនាគារព្រៃស។

លោកមេធា វីឌុន វិបុល បានថ្លែងថាកូនក្តីរបស់លោកមិនអាចចូលបំភ្លឺតុលាការនោះទេ។ដោយលោកបានមកជូនដំណឹងដល់តុលាការពីការអវត្តមានរបស់កូនក្តីរបស់លោកនិងបានដាក់ឯកសារបដិសេធដែលកូនក្តីលោកបានផ្ញើមកតាមអ៊ីម៉ែលដូចជាកូនក្តីរបស់លោកបដិសេធដោយផ្ទាល់ដែរ។

លោកមេធាវីបានលើកឡើងថា ឯកសារទាំងនោះមានដូចជាភស្តុតាងដោះបន្ទុកខ្លះមានអត្តសញ្ញាណប័ណ្ណរបស់គាត់ ឈ្មោះហួតវុទ្ធីនេះដែរ។តាមអង្គហេតុដូចជាគាត់បានចូលតុលាការដែរតែដាក់តាមរយៈមេធាវី។លោកមេធាវីថាលោកបានចូលជួបតំណាងអយ្យការដោយនិយាយត្រង់ទៅត្រង់មកពីមូលហេតុដែលកូនក្តីរបស់លោកមិនបានចូលបំភ្លឺតុលាការជារឿងមូលហេតុផ្ទាល់ខ្លួន។

លោកមេធាវីបានលើកឡើងថាក្នុងមេធាវីលោកនៅតែបន្តតាមដានសំណុំរឿងក្តីនេះរហូត។តែខាងព្រះរាជអាជ្ញាបានលើកឡើងថាលោកនឹងបន្តនីតិវិធីបន្តបន្ទាប់តែមិនបានប្រាប់ថានីតិវិធីនោះជាអ្វីនោះទេ។

• ជុន ច័ន្ទបុត្រ
• មេធាវី
• កូនក្តី
• តុលាការ