រាជធានីភ្នំពេញ៖  ក្រុមអង្គការសង្គមស៊ីវិលចំនួន១៣អង្គភាពដែលធ្វើការងារទាក់ទងនឹងវិស័យអប់រំនៅកម្ពុជាកាលពីថ្ងៃទី២៥ខែមេសាឆ្នាំ២០១៧នេះបានជួបជុំគ្នារៀបចំសន្តិសីទការសែតមួយស្តីពីយុទ្ធនាការសប្តាហ៍សកម្មភាពជាសកលសម្រាប់ការអប់រំ២០១៧”ហិរញ្ញាប្បទានវិស័យអប់រំ”សន្និសីទនេះធ្វើឡើងនៅសណ្ឋាគារភ្នំពេញ។

វាគ្មិនក្នុងសន្និសីទសារព័ត៌មាននេះបានលើកឡើងថាការចាប់ផ្តើមយុទ្ធនាការសប្តាហ៍សកម្មភាពសកលសម្រាប់ការអប់រំនាថ្ងៃទី២៥ខែមេសាឆ្នាំ២០១៧នេះគឺជាលើកទី២នៃយុទ្ធនាការសប្តាហ៍សកលសម្រាប់ការអប់រំនៅកម្ពុជាដែលផ្តោតទៅលើប្រធានបទលើ”ហិរញ្ញប្បទានវិស័យអប់រំ”។

ក្រុមវាគ្មិនដែលបានចូលរួមសន្និសីទបានលើកឡើងថាយុទ្ធនាការជាសលលសម្រាប់ការអប់រំគឺជាចលនាសង្គមជាសកលមួយ ដែលលើកម្ពស់ការអប់រំគឺជាសិទ្ធិមនុស្សព្រមទាំងធ្វើការស្វែងរកការគាំទ្រមតិដើម្បីធានាថារាជរដ្ឋាភិបាលផ្តល់នូវការអប់រំសាធារណៈមានគុណភាណ បរិយាប័ន្ន សម្រាប់ទាំងអស់គ្នា។

យុទ្ធនាការសម្រាប់ការអប់រំនៅកម្ពុជាបានចូលរួមសហការគ្នាជាមួយសម្ព័ន្ធភាពជាតិនិងតំបន់នៅជុំវិញពិភពលោកដើម្បីអំពាវនាវឲ្យមានការវិនិយោគនៅក្នុងវិស័យអប់រំ ដើម្បីឲ្យមនុស្សទាំងជាពិសេសអ្នកបាត់បង់ឱកាសបំផុតទទួលបានការអប់រំ។

ក្រុមសង្គមស៊ីវិលបានលើកឡើងទៀតថាគោលបំណងចម្បងសម្រាប់យុទ្ធនាការឆ្នាំ២០១៧នេះនេះអំពាវនាវដល់រាជរដ្ឋាភិបាលកម្ពុជា ក្នុងការបង្កើនថវិកាជាតិសម្រាប់វិស័យអប់រំ ដើម្បីធានាថាការអប់រំមានគុណភាព បរិយាប័ន្ន សមធម៌និងលើកម្ពស់ឱកាសការសិក្សាពេញមួយជីវិតសម្រាប់ទាំងអស់គ្នា។

សន្និសីទបានលើកឡើងថា៖តាមរយៈការបង្កើនថវិកាសម្រាប់វិស័យអប់រំយ៉ាងតិច២០%នៃថវិកាជាតិឬ៤%នៃផលិតផលសរុបក្នុងស្រុក។យុទ្ធនាការនេះនឹងដាក់ចេញនូវអនុសាសន៍ជាក់លាក់ដើម្បីពង្រឹងការផ្តល់ហិញ្ញប្បទានលើវិស័យអប់រំនឹងរំលេចចេញនូវផ្នែកណា ដែលត្រូវការវិនីយោគច្រើនបំផុត ដើម្បីលើកកម្ពស់គុណភាពអប់រំ និងពង្រីកទៅដល់ក្រុមដែលបាត់បង់ឱកាស។

សន្និសីទបានលើកឡើងទៀតថាតាមរយៈព្រឹត្តិកាតរណ៍សាធារណៈមួយចំនួន យុទ្ធនាការនេះនឹងរួមគ្នាជាមួយតំណាងសង្គមស៊ីវិលអាជ្ញាធរមូលដ្ឋាន ដៃគូអភិវឌ្ឍម៍ យុវជននិងប្រព័ន្ធផ្សព្វផ្សាយផ្សេងៗ ដើម្បីអំពាវនាវឲ្យមានការយកចិត្តទុកដាក់ទៅលើបញ្ហាទាំងនេះនិងចាត់វិធានការដោះស្រាយរួមគ្នា។

សន្និសីទបានបញ្ជាក់ថាសន្និសីទធ្វើឡើងនៅថ្ងៃទី២៥ខែមេសាឆ្នាំ២០១៧។តែកិច្ចការដំណើរការយុទ្ធនាការនៅតាមមូលដ្ឋាននៅខេត្តនានាចាប់ពី ថ្ងៃទី២៦មេសា ។នៅខេត្តកំពង់ធំថ្ងៃទី២៨ខែមេសាឆ្នាំ២០១៧ ខេត្តកោះកុង និងខេត្តឧត្តមានជ័យ ។នៅថ្ងៃទី២៩ខែមេសាឆ្នាំ២០១៧នៅខេត្តកំពង់ឆ្នាំនិងខេត្តព្រះវិហារ៕                                               

• សន្និសីទ
• យុទ្ធនាការ
• សកម្មភាព