រាជធានីភ្នំពេញ៖  តារាចម្រៀងលំដាប់យុវវ័យដែលទើបតែក្លាយជាតារាចម្រៀងពេញមុខនៅផលិតកម្មថោនអ្នកនាងយក់ឋិតរដ្ឋាបានតាំងជំហរថាប្រសិនបើអាចនាងនឹងចេញមុខសម្តែងភាពយន្តឲ្យបានច្រើនគ្រាដែលនាងកំពុងមើលឃើញថាទីផ្សារភាពយន្តខ្មែរកំពុងរីកឡើងជាលំដាប់។

ការដែលអ្នកនាងយក់ឋិតរដ្ឋាមានគោលគំនិតគិតឃើញបែបនេះក៍ព្រោះតែយល់ថានាងធ្លាប់សម្តែងភាពយន្តខ្មែរបានប៉ុន្មានរឿងរួចមកហើយកាលពីអំឡុងពេលនាងនៅល្បីល្បាញវ័យក្មេងមិនទាន់រៀបការ។ស្របពេលដែលតម្លៃទីផ្សារការងារសម្តែងភាពយន្តខ្មែរកាន់តែសម្បូរបែបតម្លៃទទួលបានប្រាក់កម្រៃលើសពីសម័យមុនៗបានដក់ចិត្តធ្វើឲ្យយក់ ឋិតរដ្ឋាពេញចិត្តរហូតចង់សាកល្បងបង្ហាញសមត្ថភាពទេពកោសល្យសម្តែងកុនទាំងចម្រៀងនិងសម្តែងពីរមុខនេះឲ្យរីកសាយឡើងបន្តទៀតផងដែរ។ឆ្លើយតបនិងចំនុចនេះអ្នកនាងយក់ឋិតរដ្ឋាបានឲ្យដឹងថាទាក់ទងនិងការសម្តែងនាងពិតជាមានចំណូលចិត្តនិងចង់បង្ហាញស្នាដៃនៃការសម្តែងនេះផងដែរដោយយល់ថាទីផ្សារភាពយន្តនៅកម្ពុជាយើងសព្វថ្ងៃមានការរីកលូតលាស់ល្អរាប់ទាំងប្រភេទបច្ចេកទេសនិងកាម៉ារ៉ាក៍មើលទៅលក់អាចប្រជែងជាមួយគេឯងបានដែរ។

នាងបន្តថាដូចដឹងហើយពីមុនមិនត្រឹមតែបានច្រៀងជាតារាចម្រៀងនោះទេនាងក៍ធ្លាប់សម្តែងកុនជាខ្សែភាពយន្តបានប៉ុន្មានរឿងដែរទើបគិតថាអាចទៅរួចបើទោះជាខកខានយូរក៍អាចសម្តែងបានព្រោះថតរឿងនិងខារ៉ាអូខេមិនសូវជាខុសគ្នាប៉ុន្មាននោះទេប្រហាក់ប្រហែលគ្នាច្រើនដែរ។ទោះបីជាយ៉ាងណាក៍ដោយការងារសម្តែងកុននេះអាចស្ថិតលើពេលវេលាគ្រប់គ្រាន់ប្រសិនបើមានពេលនាងសម្តែងតែបើអត់ពេលទុកឲ្យអ្នកអាជីពគេបន្តការងារនេះសិនចុះព្រោះនាងត្រូវមានបទចម្រៀងថ្មីៗជាច្រើនទៀតសម្រាប់ថតចម្រៀងចូលផលិតកម្មថោននិងរៀនស្ទីលបញ្ចេញក្បាច់រាំថ្មីៗទៀតដើម្បីបង្ហាញអ្នកគាំទ្រនិងដើម្បីឲ្យមើលទៅសមសួនជាតារាចម្រៀងព្រោះនាងមានក្រុមរាំហ្នឹងគេដែរសម្រាប់ឡើងឆាកហើយទាល់តែមានការរាំប្លែកៗទើបល្អភ្នែកអ្នកទស្សនា។ក្រៅពីនេះនាងក៍ត្រូវចំណាយពេលមើលថែរកូននិងស្វាមីព្រមទាំងមុខរបរប្រចាំថ្ងៃទើបមិនទាន់គិតថាសម្តែងបានឬអតិតែចិត្តពិតជាចង់ជួយលើកស្ទួយវិស័យភាពយន្តខ្មែរយើងដូចបណ្តាសិល្បករមួយចំនួនផងដែរព្រោះទាំងនេះសុទ្ឋតែជាសិល្បៈនិងផ្តល់កិត្តិយសឲ្យយើងដូចគ្នាមិនថាតែបទចម្រៀងនោះទេ។

• យក់ ឋិតរដ្ឋា
• ភាពយន្ត