រាជធានីភ្នំពេញ៖  លោកប៊ីត រីស្នើ Beat Richnerអាយុ៧០ឆ្នាំជនជាតិស្វីសជាស្ថាបនិកកសាងមន្ទីរពេទ្យគន្ធបុប្ផា កំពុងមានជម្ងឺធ្ងន់ធ្ងរសម្រាកព្យាបាលនៅប្រទេសស្វីសស្រុកកំណើតរបស់លោក។លោកបានកើតនៅក្នុងឆ្នាំ១៩៤៧គាត់ទទួលបានសញ្ញាបត្រវេជ្ជបណ្ឌិតនិងមានជំនាញផ្នែកដន្រ្តី។

ក្រោយការបោះឆ្នោតឆ្នាំ១៩៩៣លោកបានមកកាន់ប្រទេសកម្ពុជានិងកសាងមន្ទីរពេទ្យគន្ធបុប្ផាដើម្បីជួយសង្រ្គោះកុមារកម្ពុជាដោយមិនគិតថ្លៃ។លោកបានកសាងមន្ទីរពេទ្យគន្ធបុប្ផាចំនួន៥កន្លែងនៅភ្នំពេញនិងខេត្តសៀមរាប។

ព័ត៌មានមន្ទីរពេទ្យគន្ធបុប្ផាបានបញ្ជាក់ថាលោកវេជ្ជបណ្ឌិត (Dr.Beat Richner) ប្រធានមន្ទីរពេទ្យ គន្ធបុប្ផាបានធ្លាក់ខ្លួនឈឺធ្ងន់និង បានប្រកាសលាលែងពីប្រធានមន្ទីរពេទ្យ គន្ធបុប្ផា។លោកវេជ្ជបណ្ឌិតប៊ី រីស្នើ ដែលជាជនជាតិស្វីស ត្រូវបានមហាជនខ្មែរ ទូទាំងព្រះនគរ ចាត់ទុកលោកថា គឺជា អាទិទេព ប្រោសជីវិតកុមារនិងស្ត្រីសម្រាលកូន ដែលជាទង្វើដ៏កម្ររកបាននិងជួបប្រទះ នៃមនុស្សលោក។

លោកបានចំណាយ ប្រាក់កាសយ៉ាងសន្ធឹកសន្ធាប់របស់លោកវេលាលើការសិក្សាវេលានៃការស្នាក់នៅបម្រើខ្មែរ តាំងពីទសវត្សឆ្នាំ១៩៩០ រហូតសព្វថ្ងៃ ដែលមន្ទីរពេទ្យក្រោមការគ្រប់គ្រងរបស់លោក មានដំណើរការល្អ ប្រកបដោយក្រមសិលធម៌ខ្ពស់ វិជ្ជាជីវៈ ដែលបានការជួយឧបត្ថម្ភទំនុកបម្រុង ទាំងថវិកាចំណាយបុគ្គលិក ថ្លៃព្យាបាលនិង ឱសថ រួមផ្សំនិងសម្កា ក្នុងមន្ទីរពេទ្យ តាមរយៈការលេងភ្លេង ច្រៀងផ្សព្វផ្សាយជាកុងស៊ែ ដោយរូបលោកផ្ទាល់នៅបរទេស ។

លោកបានចំណាយទាំងពេលវេលានិង កម្លាំងកាយចិត្តច្រើនណាស់ ដើម្បីរស់នៅបម្រើខ្មែរ(...), កម្រឃើញជនដទៃធ្វើបានដូចរូបលោកណាស់។ក្នុង១ថ្ងៃ មន្ទីរពេទ្យក្រោមការគ្រប់គ្រងរបស់លោកទទួលព្យាបាលកុមារបានមិនក្រោម មួយពាន់នាក់ និងស្ត្រីសម្រាលកូន មិនក្រោមបីរយនាក់ឡើយ។

• ប៊ីត រីស្នើ
• ស្ថាបនិក
• មន្ទីរពេទ្យ
• ប្រទេសស្វីស