រាជធានីភ្នំពេញ៖ ​តារាចម្រៀងលំដាប់អន្តរជាតិលោករ៉េនបានមកដល់ប្រទេសកម្ពុជាតាមគោដៅដើម្បីមកជួបប្រិយមិត្តគាំទ្រដែលស្រឡាញ់ពេញចិត្តការសម្តែងរបស់លោក។យ៉ាងណាសម្រាប់ការប្រគំតន្ត្រីនេះពិតជាមានការរពឹងថាផ្អើកភ្លូកទឹកភ្លូកដីជាមិនខានគ្រាដែលតារារូបនេះជាតារាដែលយុវវ័យខ្មែរពេញចិត្តពិសេសស្រីៗដឹងតែផ្អើលនាំគ្នាចោមរោមមើលសម្រស់ដ៍សង្ហាររបស់លោកមិនខានឡើយ។

វេលាម៉ោងជាង១១យប់ លោករ៉េនបានចុះមកដល់ដីកម្ពុជាយប់ជ្រៅយ៉ាងនេះក្ដី ក៏អ្នកគាំទ្រនៅស្រុកខ្មែរនៅតែឃើញបង្ហាញខ្លួនទៅចោមរោមលោកកុះករមិនធម្មតា។ លោកនឹងគ្រោងបង្ហាញខ្លួនក្នុងព្រឹត្តិការណ៍ប្រគំតន្ត្រីធំមួយនៅកោះពេជ្រ នៅយប់ថ្ងៃទី៣០ មីនា ដើម្បីស្វាគមន៍ដល់អ្នកគាំទ្រខ្លួនលើកដំបូងនៅកម្ពុជា។

ក្រុមអ្នករៀបចំកម្មវិធីបានអះអាងថា លោក Rain នឹងមានគម្រោងមកសម្រាកមុនការសម្ដែងយ៉ាងហោចមួយថ្ងៃ ទើបលោកសម្រេចចិត្តចុះមកមុនថ្ងៃទី៣០ មីនា ។ លោកនឹងត្រៀមធ្វើសន្និសីទសារព័ត៌មាន និងបង្ហាញពីការចាប់អារម្មណ៍ចំពោះវត្តមានមកដល់កម្ពុជា មុនការប្រគំតន្ត្រីត្រូវបានធ្វើឡើង។ អ៊ីចឹងហើយទើបតារាចម្រៀង និងជាតារាសម្ដែងល្បីឈ្មោះរូបនេះ នៅតែអាចកន្ទ្រាក់អ្នកគាំទ្រដល់រាប់រយនាក់ដដែល បើទោះជាលោកសម្រេចចិត្តចុះយន្តហោះមកកម្ពុជានៅពាក់កណ្ដាលអាធ្រាតុ។

លោកត្រូវគេឃើញស្វាគមន៍អ្នកគាំទ្រយ៉ាងកក់ក្ដៅ ដោយផ្ដល់ស្នាមញញឹម ទទួលបាច់ផ្កា និងថតរូបជាមួយ។ ប៉ុន្តែលោកក៏ត្រូវប្រគេចចេញមិនអោយនៅត្រាំត្រែងយូរដើម្បីរក្សាសុវត្ថិភាពផងដែរ។ អ្នករៀបចំកម្មវិធីប្រកាសថាលោក Rain ក្រៅពីមកមុនដើម្បីធ្វើសន្និសីទកាសែត លោកក៏ត្រូវការពេលបំពេញកិច្ចការមួយចំនួននៅកម្ពុជាផងដែរ ទើបលោកសម្រេចចិត្តមកមុនការប្រគំតន្ត្រី ដើម្បីកុំអោយតក់ក្រហល់៕

ដោយឡែកយើងសូមរំលឹកដល់បណ្តាទស្សនិកជយើងដែលទស្សនាផ្ទាល់នាថ្ងៃ៣០ស្អែកនេះសូមគោរពនូវសណ្តាប់ឆ្នាប់រក្សាបាននូវភាពសុជីវធម៌ពេលតារាល្បីមកដល់វេទិកា។នេះជាកិត្តិយសសម្រាប់យើងទាំងអស់គ្នាគួរសាងភាពល្បីនេះឲល្អក្នុងន័យមុខមាត់ប្រទេសកម្ពុជាយើង។

• លោក Rain
• ប្រទេសកម្ពុជា
• យុវវ័យ